منرجع للموضوع بفقرة مضحكة  نوعا ما

أسئلة فوتتني بالحيط

مؤخرا سؤلت بنقاش بخصوص عقوبة الزاني المحصن..
هل تطبق هذه القوانين حاليا؟؟
أجبت لأ
طيب هل كلكن بتزنو؟؟

طبعا لأ !! أغلب المسلمين والحمد لله لا يزنون لا قبل ولا بعد الزواج

طيب ليش بدكن تطبقو عقوبة إنتو مو محتاجينها؟؟؟


لو كنتو بدالي شو بتجاوبو ؟؟ شو بتمثل العقوبة بالنسبة إلنا وهي لا تطبق حاليا؟؟

السلام عليكم

بصراحة ما بعرف شو  بدي قلك

يعني انا مو شاطر بالرد متلك

بس يمكن جاوب وقول

عقوبة الزنا هي حد من حدود الله

ولا شفاعة في الحدود - طبعا لاهميتها -

بعدين نحنا مو قصة انو بدنا العقوبة او شو بتمثل إلنا

نحنا بنتمنى انو ما  نحتاجها ولكن قد يحدث ويزني أحد

ففي هذه الحالة نحتاج إلى هذه العقوبة

وما يزالوا في السعودية يطبقون الحد بحق الزاني

ما بعرف اذا كان جوابي صحيح أو مفيد ولا لأ

بس أكيد ينقصه الأسلوب والادلة المقنعة

شكرا الك على موضوعك الجميل

تقبلي مروري

                                                                            الوسام

حلو أخي الوسام...هي حد..يعني عقوبة رادعة..

بشوية تفكير وتمعن رح تلاقي الإجابة الأمثل..

بس أنا مافيني قله والله هيك الله قال..لأنه ملحد وغالبا رح يقول ..إنتو جماعة مغسول دماغهن وما بتسألو.. وماسكين علينا أنه نحنا منعاقب يلي بيسأل كتير لازم عالعمياني نطبق ومن تم ساكت..
لهيك ببتعد عن كلمة هيك الله قال..
وبحاوره بالعقل..

طيب رح سهلها.. إذا ماكان في عقوبة كيف رح تفرق حالتنا؟؟

أسف بس بدي رد


السلام عليكم


لو كنت مكانكٍ ...........

لقلت له ؟؟؟


هذا من الدلائل على كمال الدين

و على أنه لم يغفل شيء

و تتعد الأجابات و اظن كل منها له وقع خاص في نفس القارئ


شكرا و مازلت هنا أتابع بصمت

أخت شيماءموضوع هادف جدا ..

نحنا بحاجة ماسة للحوار اخت شيماء و انا بأيد فكرتك  ..
بس حاولي قدر الامكان عدم الخوض في الامور التي ليس لك علم بها

أخ سامح

شكرا للدعم وبتمنى تشاركنا بالمناقشة وتفيدنا ..
هون الموضوع نقاشي فيلي بيعرف بعلم يلي ما بيعرف وكلنا بالنهاية منستفيد إن شاء الله..

أخي الحزين

بالفعل كل واحد رح يجاوب إجابة مختلفة وكل وحدة إلها أثر..بس هاد ملحد وممكن يرد عليي بطريقة تانية ..فإذا قلتله هاد من دلائل كمال الدين..بقلي معناها المسيحية واليهودية كاملين كمان...لأنه بالنهاية هاي العقوبة جاءت في الشرائع السماوية جميعها..ولو أنه ماحدا حاليا بيذكر هالشي والأغلب أنه ماعاد معروف..بس جاء بالخديث الصحيح أنه الرسول    طبق هالعقوبة بعدما تأكد أنها في كتب اليهود..

المعنى أنه ممكن نحكي كلمة يقدر أكتر من واحد يلف حواليها ويثبت وجهة نظره..

بس بالفعل الدين لم يغفل عن شيء.. وما حرم هالفعل وشدد بالعقوبة عليه إلا لمخاطره الاجتماعية والنفسية الكبيرة...ممكن يكون مفيد أنه نذكرهن بالمشاكل يلي عم تصير من ورا هالفعل ..لأنه هنن ماعاد فرقو بين المشاكل والشي الطبيعي ..!!

أخي الوسام

كل الردود خير وبركة أخي :)

منرجع منعيد السؤال ..ليش بدنا هالعقوبة تطبق؟؟لنفرض رأينا عالباقي ونمنعهن من حريتهن؟ ولا لأنه نحنا ماعنا إرادة وبدنا شي يخوفنا؟

الأخ الملحد يلي سألني هالسؤالززأجبته بما يلي

*العقوبة أولا تشريع إلهي ..يعني مو للأفراد يطبقوها على كيفهن..بترجع للنظام القضائي وبشروط معينة نحنا منعرفها طبعا (4 شهود)

*ثانيا العقوبة لا تعني أنه نص المجتمع رح ينقتل .لأنه نحنا عم نحكي على مجتمعنا مو مجتمعكن الغربي..
العقوبة عنا كانت من الأمور يلي خلت المجتمع الإسلامي طاهر..بعيد عن الرذائل

هل العقوبة تعني ..أنه نحنا ضعيفي الإرادة ما منصير مناح إلا إذا خفنا من عقوبة؟؟

*لأ طبعا ..مجرد وجود العقوبة سواء طبقت أو لاء ..بيعطينا انطباع عن مدى بشاعة الزنى..ومدى كره رب العالمين لهالفعل..فبالتالي نحنا ما منترك الزنى خوفا من العقوبة ..وإنما خوفا أنه الله يزعل منا..

*عدم وجود عقوبة الرجم حاليا أو الجلد..لا يحسب ضدنا بالعكس..هالشي عم يثبت أنه حتى بدون تطبيق العقوبة نحنا منخاف الله أول ومنحبه قد ما منخاف منهظظ
هالشي يثبت قوة إرادتنا رغم وجودنا بمجتمعات فاسدة إذا قيست على زمن النبي

*وجود العقوبة سواء طبقت أو لا بيخلي المقدم  على الزنى يفكر مرة تانية قبل ما يزني..وإذا الواحد فكر مرة تانية وبروية ..رح يحس بتفاهة الشي يلي بده يعمله ومخاطره الكبيرة..ورح يستصغر نفسه لما يشوف قديش كان رح يخسر مشان رغبة زائلة..

إذا هل نحنا ضعيفي الإرادة؟ طبعا لأ
هل بدنا نجبر الكل يصيرو مثلنا؟ ما بدنا نجبرهن بدنا نعطيهن فرصة يفكروا..بالنهاية وجود العقوبة لا يعني أنه الناس مارح تزني..يلي ما بخاف من الله وبحبه رح يزني بالخفا وانحلت مشكلته! لكن وجود العقوبة هو خط الدفاع الأخير للمسلم الجيد إذا ضعف أمام الشهوات.. العقوبة حاليا مجرد تذكرة بعظيم الفعل..
كل إنسان معرض للاختبارات..والإيمان يضعف أحيانا..أي واحد منا معرض ينحط بموقف لازم يقرر فيه بين الرغبة..أو الطاعة..

والحرية الحقيقية هي التحرر من العبودية للرغبة

أما لو كان مافي عقوبة..رح نستهون هالشي كلنا..مثل ما منستهون الصغائر لأنه ماعليها عقوبة كبيرة!


طبعا هو ملحد فبالنهاية لف على كلامي ورد قلي أنتو عبيد للعقوبة..بتخافو منها وإنتو مو مناح
ببساطة قلتله..شكرا للمداخلة وإبداء الرأي..

الخوض في هالموضوع أكتر صار ضياعة وقت ..يلي بهمنا نوصل صوت ونخلي الناس تفكر..مثل ما بقولو نرمي فتيشة..

للمهتمين..وصلة الرد الأخير بالمناقشةhttp://www.oprah.com/community/message/1273330#1273330

وبهيك بتنتهي فقرة أسئلة فوتتني بالحيط ..لأني فعلا دخت لجمعت أفكاري بهالموضوع

فقرة بعنوان فاصل منشط
مع أنه ما عملنا شي لسا لحتا نتعب بهالموضوع

بس مو مشكلة تغيير جو..


برنامج بأمريكا اسمه 30 days
بهالحلقة كانت فكرته أنه يناقشو موضع الإسلام في أمريكا ويوصلو لتفاهم أكبر

فاختاروا أمريكي مسيحي ملتزم ليعيش كمسلم لمدة شهر..
وحإتركن مع المقطعين الرائعين..لتشوفو شو صار بهالشخص..

لا تسنوا سنانكن ما أسلم الزلمة..بس اتغير وصار يفهمنا

رائع الفيديو لا تفوتوا



http://www.youtube.com/user/Marvel450#p/u/29/bRBVMQD22cM


ويلي بشوف الفلم ياريت يعلق عليه ويقلنا رأيه

بسم الله ،،، السلام عليكم ،،،

اولاً جزاكم الله خير الجزاء،،،على كل من اجتهد بإيصال فكره لنا ،،،
تعمّقت في نفوسنا بغير ذلك،،،


وشكري للمتألقه شيماء ،،، على الموضوع القيّم ،،،
وثبتنا الله وإياكم جميعاً ،،، لما يحبه ويرضاه،،،


وما شاء الله ،،،للآن عدد الزيارات 4000،،،
وإن لم يكن هنالك عدد بالردود،،،لكن " ما على الرسول إلا البلاغ المبين"،،،


تأخرت بمعرفة وجود الموضوع،،،لذلك آثرت قراءة الموضوع بأكمله،،،
حتى يُحسَن تواجدي معكم ،،،والحمدلله قراته بأكمله،،،
ولن أقاطعكم بما أثريتم به صفحات هذا الموضوع،،،
فتبارك الله ،،، لم تبقوا شيئاً ،،،يعتب عليكم ،،،


سندخل في سياق الموضوع ،،، 
بالنسبه للفيديو الاول ،،، ارتأيت لذكر بعض محطات الرجل الاجنبي،،،
الذي اجريت عليه ،،،فكرة البرنامج،،،


ابتئست بالأفكار التي كانت لدى الاجنبي،،،
وهي بالفعل تمثل الأفكار الراسخه عند الغرب عن المسلمين العرب،،،
من انه فقط يتمثل بتغطية الوجه ،،،والارهاب ،،،الاسلحه ،،،وغير ذلك ،،،


فكرة البرنامج رائعه ،،،على الأقل بعده،،،ستختلف نظرة الغرب عن الدين،،،
وإذا لاحظتم معي ،،، كيف كانت نظرة المتواجدين بالمطار للباس "الاجنبي"،،،
الكل مستغرب ،،، ،،حالة ذهول أصابتهم،،،فقط من الزي ،،،
ثم بعد دخوله،،،مسجد أكاديمية الهلال ،،،
شفقت عليه،،،كيف كان ينظر لجمع المصلين،،، ،،،


ثم ذهابه مع العائله الباكستانيه المسلمه،،،شاميل وزوجته،،،
وتعليمه ابسط الامور ،،، من آداب خلع الحذاء عند الدخول ،،،
و فكرة اعطائه القرآن المترجم ،،،ليحاول الاستمتاع بقراءته،،،كل يوم،،،
ثم تعداد دعائم الاسلام الخمسه ،،، "أركان الاسلام"،،،


وضحكت عندما استيقظ لصلاة الفجر،،،بعد مُضي يومين من رحلته،،،
و مشهد آخر ،،، عندما آمّ شاميل بالاصدقاء في البيت،،،وهو يشاهدهم،،،
وأيضاً في ملعب كرة السله ،،، منظر مهيب،،، ،،،بإنقطاع لعبهم ،،،للصلاه،،،
وكيف كانت نظرات " الرجل الاجنبي " تتبع حركاتهم في الصلاه باستغراب ،،،


المهم أنه بدأ ،،،شيئاً فشيئاً في تغيير معتقداته عن الاسلام،،،
بصوره محببه،،،مُرَغِبَه لا مُرَّهِبَه،،،
وفي النهايه ،،،شعر ما يشعر به المسلمين،،،وهذا ما كان يريده البرنامج منه،،،


أمّا الفيديو الثاني ،،،فهو متابعه لرحلة ال 30 يوم ،،،
رائع جداً،،،اتمنى ممن يتابع الموضوع ،،،مشاهدته،،،
سأتركه بدون تعليق ،،،لتشوقيكم له،،،

 

الحمد لله
يلي في حدا بالآخير شاف الفيديو
وإن شاء الله
دايما رح جيب وصلات رائعة..
أهلا بك سوسنة بعائلة "تعالو نتعلم كيف نجاوب" :)

نتمنى تتابعينا على طول وتثري الموضوع بأفكار جديدة

شكرا لمرورك