في نقاشك الدعوي

كن
مخلصا لله
رد الفضل إليه دوما

اسأله المعونة
قف وقفة شموخ عندما تتحدث عن دينك
عن تعاليمه
قوانينه
تاريخه

تعامل مع كل شخص بالمفتاح المناسب
أجب عن كل مايطرح وثق بمعلوماتك

رسالة خاصة إلى الفتيات:
قتاعاتك وأفكارك عن حجابك ذات تأثير قوي
فاجعلي التأثير إيجابيا

                              جزاك الله خيرا  شيماء موضوع كتير حلو
  بس  للاسف  هالفترة امتحانات مارح  نقدر نتفاعل  بالشكل اللازم  بس حبيت اشكرك وقول هالكلمتين .... 
صادفت امرأة هولندية عم تعمل بحث اجتماعي بسوريا  عن المرأة ...
فسألتني اسئلة كتيرة ودخلنا بحوار  والشي المهم سألتني عن الحجاب ...
ليش نحن منحطو ؟؟ وسألتني بتحطو صيف وشتا ؟؟ هههههالحجاب
قلتلها انو الحجاب امر مفروض علينا بالدين الاسلامي  حتى باليهوديةكان موجود و حتى السيدة مريم العذراء كانت  محجبة فهاد  شي مالو جديد  بالاديان كلها مو بس بالاسلام ..
فقاتلي انو نحن عنا  الحجاب تقاليد  او تعصب او  هوو تدين ؟؟ وانها قابلت بنات عطوها فكرة انو المحجبة  مضطهدة ومجبرة  عالحجاب بالاكراه ...
قلتلا انو الناس عنااصناف  في من هالشي  يلي عم تقولوا ممكن , بس هاد بيرجع للبيئات  , بس الحجاب بالاساس  فرض  ديني مالو علاقة بالعادات  , والدين هوو شي خاص  بالانسان مو من حق اي حدا  يكرهو عليه او يمنعو من ممارستو ...
النقاش كان طويل كتير ومارح اقدر اكتبو  وخصوصي بفترة الامتحانات  بس الخلاصة  يلي بدي قولها  مع اني بنت كتير عادية  , بس حسيت ديني اجمل بكتير  لما حاورتني , حسيت اني  مقتنعة  مو 100%  بل  1000000%    كنت سعيدة جدااا
حسيت وحسستها  انو الحجاب امر ماعم يعيق البنت بشي ابدااا , الا انو  بيحفظها من السوء والرجال السيئين ... وفهمت هالشي مني  منيح , وقالتلي المرأة بسوريا حرة  وكلشي باختيارها ... , والحجاب  واللباس امر اختياري مالو اكراه من اي شخص او جماعة او مجتمع ..

شيماء ... انا بعتز بديني لانو منطقي  ولا مرة سألت حالي سؤال الا لقيتو  بقرآن او حديث شريف  ,, ودائما بسأل حالي  لو كان ديني غير مقنع ماعندي اي تردد اني دور على دين يقنعني  بحقيقة هالحياة والكون .... وهاد الشي بخليني انبهر بالدين وعنجد القرآن هوو معجزة الاسلام  ,, ورسالات الانبياء اكتملت برسالة خاتم الانبياء محمد صلى  الله عليه وسلم ,,,

بس في نقطة  بدي وضحها انو الاسلام الدين الوسطي ,, ودين عملي  ليتناسب على مر العصور  ويتناسب مع كل الاماكن  ومع كل التغيرات يلي ممكن تطرأ عالعالم ...دين يسر ...
  فليش منتعصب للباس معين  واسلوب حياة  معين  احيانا  بكون غير عملي  ,, منجعلو  عقبة  بينا وبين المجتمع ,, وكمان بخلي الآخرين  ياخدو نقط ضعف بديننا انو في تعصب او انو دين  صعب ... وتطرف ... والخ  يعني منعرض حالنا لأمور نحن بغنى عنها والاسلام مالو دين متشدد .... واهم شي بالدعوة الاخلاق لان ديننا دين الاخلاق مو دين  مظاهر  ولا حكي  وبس
بدون فعل  يعني الدين معاملة  وهاد يلي بيشد الغرب  للدين العمل مو مجرد حوارات نثبتلن فيها انو نحن الصح وهنن  غلط ....  بهالمرحلة انا برأيي اهم الشي نرجع للأخلاق اللي حضنا عليها الاسلام  لحتى يحبو اخلاقنا  وبعدين يحبو دينا  صدقوني ..
              آسفة عالاطالة  هاد رأيي بكل صراحة ...

بتشكر ردك الرائع
سالي..

شكرا لمرورك وبانتظار تعليقك على باقي الموضوع حتى نهايته..
                                                                         


                                                                                                                                                                                                                                                           

ليست الطائفية

أن تناقش الآخر في الأمور المختلف عليها

وإنما هي الخوف من ذلك النقاش

الذي سيكون بابك الوحيد لتفهم الطرف الآخر وإسقاط كل الاعتقادات السابقة عنه

في سوريا الجديدة

النقاش اولا وإن لم اتفق معك

هكذا سنرقى بديننا

وبإنسانيتنا

تحياتي