يا محمد إذا انا بجامعة عربية وما بتقبل بالويكيبيديا إطلاقاً
وحتى بعض المواقع العلمية المعروفة ما بتقبل تنحط بقائمة المراجع بالرسالة إلا لحالات اضطرارية  فما بالك بالجامعات الأجنبية !!

برأيي إنو يتم تأسيس موقع للمشروع وتنزيل الملفات عليه هاد أحسن حل

السلام عليكم

نور حاليا الفكرة يلي عم تطرحيها شبه مستحيلة  أهم شي إنو في حقوق نشر ونحنا عم نتحايل عليها... وهاد أسرع وأسلم طريق... لما ربنا يكرمنا وتكمل المفاوضات وحدا يتبنانا ويتبنا مشروعنا ممكن يصير الشغل أكاديمي أكثر... بالشي المتاح النا هاد أقصى ما يمكن... ولا في عنا أصلا كادر يساهم كنا كلنا ع بعضنا تلاتة أربعة... بالنشر ع الموسوعة أنا وأسيل وكنان وكم مساهم لكن مو دائمين... وهلأاسيل وكنان معلقين مشاركتهم ففعليا ماعاد في حدا....

انا عم اطرح الفكرة بناء على إنو رح يصير تحوير بالأقسام يعني ما ينزل القسم متل ما هو !

عالعموم هو مجرد رأي وأنا مالي مقتنعة أبداً بفكرة الموسوعة سواء لهاد المشروع أواستخدامها بشكل عام ....

انا عن اي جزء مشاركة فيه كترجمة او تدقيق ما عندي مشكلة ينزل عالموسوعة ...

كرأي شخصي ما بهمني دكتور يفوت ع موقع جامعتو او ع موقع مدفوع عليه كتير ليصير رسمي وينقل من شغلنا ويحط المرجعية بالآخر لأن هاد اصلاً بيقدر يجيب المعلومه بطرق تانية

بكفيني اعرف انو في طلاب او مين رح يستفيد منو كتير ... وبيقيني الداخلي بعرف اديش مستواه اكاديمي ... ليش لو عملناه كتاب ووزعناه عالمعامل وطرحناه للسوق بشكل اكاديمي كم واحد رح يشتروه او يعرفو قيمتو الحقيقية؟

هاد السؤال يلي اذا عرفنا جوابو ... رح ناخد بالوسائل الاسهل لنوصل للغاية اللي بدنا ياها والا كل تعبنا ح يضيع مع الايام وخصوصا ونحنا مفرطعين وما حدا ضمنان لامتى ممكن نعيش ..

والله ولي التوفيق .....

صراحة يا مها قرأت مشاركتك مرتين وما فهمت شو بدك منها بالضبط !!

بس كإنو فهمتي فكرتي غلط !

أنا ما عم قول يكون رسمي و يندفع عليه مصاري لإنو أصلا هلأ مو بإمكانيتنا هالشي !

انا بس عم قول إنو يتم نشر الشغل اللي اشتغلنا بصورة أقرب للأكاديمية ونبتعد عن الوسائل اللي مافي جامعة معتبرة بتقبل فيها !

أنا عم احكي هالشي بعد  ما شفت إنو أديش علماء الغرب بهتموا بموضوع المرجعية و بألفوا كتب فيها نظراً لأهميتها و نحنا ناس متخرجين و أكاديميين فبظن نحنا الأولى إنو نطبق هالشي !

نحنا عم نقول انو مو الهدف نشر الشغل باكاديمية ..

الهدف يوصل لأكتر شريحة بحاجة الو وما بتقدر تحصل عليه ....

التميز يكون في طريقة الوصول إلى الهدف ....

الكل يستطيع أن ينشر أعماله و لكن ليس الجميع يستطيع أن ينشرها بطريقة مميزة



نقطة تانية
إنو لما نحنا ننشر معلومات مهمة بطرق بعيدة عن الأكاديمية هيك منكون عم نشجع الطلاب إنو ياخدوا المعلومات من أي مصدر دون الاهتمام بمصداقية هالمصدر !

نقطة ثالثة
اللي حكيتو مجرد رأي و لكم الحرية في اتخاذ أي قرار بتلاقوه بناسبكم

السلام عليكم

بزعل ع ساعات من العمل راحت نوعا ما من دون فائدة ودون ما تتكلل باصدار ولو شي الكتروني :(

موجودة الملفات المترجمة لساتا

عم نفكر نجمع المواضيع المشتركة ونأخرجها ضمن كتب صغيرة الكترونية

أغلبنا صاير عندو مشاغل بالإضافة لمشاريع ترجمة تانية عم تاخد أغلب وقت الفراغ