1 - في سبيل موسوعة صيدلانية جامعة......


2- في سبيل تنظيم المواضيع العلمية وضمان عدم نسيانها وضياعها ...


3- في سبيل الخروج من حدود المنهاج الضيقة إلى بحر العلوم الصيدلانية والطبية والعلمية الواسع ......


نقدم لكم ......


موسوعة الصيدلة Pharma encyclopedia

كيف تكتب في موسوعة الصيدلة ؟؟

1- اكتب الموضوع بشكل علمي ومنهجي ...ويفضل إرفاق الموضوع بالصور التوضيحية

2- سيضاف موضوعك من قبل المعدلين إلى صفحة التصنيف الملائمة

3- حاول ربط الكلمات الموجودة في الموضوع بمواضيع أخرى إن كانت موجودة ...(من خلال أداة رابط ...)

4- يمكن الإضافة إلى الموضوع بإضافة رد وسيتم الدمج مع الموضوع الأصلي مع العلم أن هذا الأمر مؤقت....ريثما يتم استكمال أدوات الساحة

مع انتظار أدوات وتحديثات خاصة بهذه الساحة ...




نجم & محمد

السلام عليكم:


بالأول كنت كتير مع الفكرة بس هلأ شوي صرت عم فكّر بالموضوع   من ناحية تانية


-أنتو بدكم ياها صيدلانية بحتةمشان ما تضيع مواضيعنا كإبرة في كوم قش....هنالك حل بوضع فهرس خاص لمواضيع الصيدلة القديمة والجديدة



- طيب إذا هدفكم تنزلوا محاضرات الكلية بدون ذكر مصدر كل جملة فهنالك مشروع جديد (أكاديمية المعرفة) بنفس الهدف وبدأه طلاب المعلوماتية
وعلى فكرة ليس هنالك من يحمل سيف يجبرنا على وضع مصدر كل معلومة إلا في حال كانت مشكوك فيها وحدا ناقشك فيها فساعتها أنت مجبر على وضع المرجع أو التعديل......



-أول شي جذبني للفكرة هو أن عدد المستفيدين المختصين من المواضيع والمقالات هنا (بمنتدى الصيدلة) أكثر من المستفيدين بموسوعة المعرفة إذا قارنا عداد القراءات هذا الشي حليته جزئياً بأني نزلت مقال من المعرفة على المنتدى ووضعت الرابط .......لكن فكرت أن هذا المقال صح عم ينقرأ على المنتدى 100 مرة بأول يوم لكنه بعد أسبوع أو شهر او سنة فلن يصل إليه أحد ولكنه سيبقى على الموسوعةا لعربية التي يعرفها العرب كلهم إذا أرداوا ذلك ....

لكن يمكن حله بمساعدة الأخ ياسر تقنياً بريط الموسوعة أو فهرس المواضيع الصيدلانية أو الطبية (إن وافقتم على إنشاءه) على الصفحة الرئيسية لمنتدى الصيدلة



أنا لست ضد الفكرة تماماً لكن ما عنا وقت كافي لبدء فكرة جديدة يوجد لها بديل قابل للتحسين كما نريد.........بس إذا عندكم أفكار تانية نورونا 


وحتى لو ما كنت مع الفكرة فسأنسخ مقالاتي لويكي فارما بالإضافة للمعرفة...




تحياتي لأصحاب الأفكار النيّرة

أنا كتيييييير مع .. بس هلأ ما رح اقدر شارك لأنو صار لازم طلع السموم2 وبلش فيها ..


بتعرفو .. أنا بتمنى لو أعرف كيف بتتصمم الBrain Stormer تبع البريتانيكا Britannica وتنعمل موسوعة الصيدلة سيدي ويصير الإبحار فيها أحلى وأريح و الوصول للمعلومة أسهل بكتير وممتع كمان ..


والشغلة التانية يا ريت يصير في كتاب موسوعة الصيدلة ويكون فيها متل وردة من كل بستان .. وإذا نجحت بصير أجزاء .. وهالفكرة اجت عبالي وأنا عم بقرا بكتاب اسمه Pick me up... كتير حلو .. في شي من كل شي .. وكل فترة بقرا منه مقالة ..


بعرف اني كترت أحلام .. بس معلش منبلش خطوة خطوة وانشالله بتتحقق كل هالأحلام على ايدينا .. وأولها هالمشروع يلي هو Wiki.Pharma و يلي إذا بتتذكرو طرحته من فترة منيحة .. ولهلأ بحلم انو يتحقق ..



بس انشالله ما تكون المواضيع صف حكي .. يعني أنا من الأشخاص يلي ما بستوعب الفكرة تماما لحتى يكون في صور وملفات فلاش وهيك اشيا وإذا تعبناعلى هالشي بكون كتير منيح ..


موفقين

السلام عليكم:

رح حطلكم أهداف إضافية ......... لهالشغلة يلي عم نساويها

1- نريد أن يكون منتدانا منتدى متكامل للصيدلة

وإذا بتعملوا بحث على غوغل بتشوفول منتدات صيدلة رائعة

من ناحية المواضيع والأفكار  ......... فليش ما نكون متلهم

2- ممكن يفيد كتير من طلاب الصيدلة ....... وخاصة أنو

كتير منهم من رواد هادا المنتدى

3- من الممكن بالمستقبل أنو يتحول لمرجع مهم على الانترنت

باللغة العربية



بالإضافة للأسباب السابقة

يلي ذكرها أخي محمد

اقتباس

لكن يمكن حله بمساعدة الأخ ياسر تقنياً بريط الموسوعة أو فهرس المواضيع الصيدلانية أو الطبية (إن وافقتم على إنشاءه) على الصفحة الرئيسية لمنتدى الصيدلة

أنا طلبت من الأخ ياسر بعض الشغلات البرمجية

بس بظن أنها على قائمة الانتظار يلي يبدو أنها طويلة كتير

على كل ............. عم فكر بطريقة معينة

للتنظيم وإن شاء الله تظبط

اقتباس

أنا لست ضد الفكرة تماماً لكن ما عنا وقت كافي لبدء فكرة جديدة يوجد لها بديل قابل للتحسين كما نريد.........بس إذا عندكم أفكار تانية نورونا

وحتى لو ما كنت مع الفكرة فسأنسخ مقالاتي لويكي فارما بالإضافة للمعرفة...

       

نحنا ما عم نطلب أكتر من هيك مبدئياً

يعني يلي عم يكتب شي شغلة على المعرفة

مارح يتعب كتير إذا نسخ نفس الحكي وحطه هون

((بالمناسبة موسوعة المعرفة ............ هل سمع حدا فيها من قبل

هل لها رواد .......؟؟؟؟!!!!!!!!!!! أنا لاحظت أنو معظم روادها

هنن محرريها ............... يلي ما بيتجاوزا الـ 20 شخص

ومعظم المواضيع كمان منقولة من مواقع أخرى وشغل الأخت تغريد

يعني كمان فعلياً مالها اختيار سليم مية بالمية ))

بعد التفكير ....

رأيت أن الأكثر خدعه الاسم (ويكي فارما)...

يمكن أن نغير الاسم ....

فنحن لا نريد أن نسلب مشروعاً آخر

ونحن لا نهدف إلى عمل موسوعة متكاملة ....

ولا يعني ذلك التخلي عن هذا الهدف بل وضعه على قائمة الأهداف بعيدة الأمد ...

نحن هنا في هذه الساحة ننزل:

أولاً - المواضيع العلمية

ثانياً - ملخص ومختصر من محاضراتنا ...بطريقة مبسطة (بشكل تعاريف مثلاً مبسطة)

ثالثاً- مواضيع موسوعية نجدها مرتبطة بالمنهاج ومفيدة ...

وبعد حين يمكن أن ننتقل إلى مستوى أعلى....

أتمنى من الكل أن يتفهم الموضوع ...كما أتمنى أن يؤخذ بعفوية

لا نريد من أحد، بل لا نريد أن نفرض على أنفسنا واجباً منزلياً ثقيلاً ...

أي أحد كان (مروق) وجاء على باله ينزل موضوع ينزل وإلا فلا مشكلة ولا نلزم أنفسنا حالياً بإنشاء الموسوعة المتكاملة ...


وأخيراً سنستفيد أيضاً من مواضيع الموسوعة التي نترجمها أيضاً في إيضاح بعض الأشياء ..

بالنسبة للصور فإنها تزين الموضوع وتوضحه  وهي غير صعبة أبداً ..يكفي كتابة موضوع البحث على غوغل صور وسيعثر على ألف صورة وصورة ثم حفظها ثم رفعها ثم إدراجها ...المسألة لا تستغرق أكثر من دقيقة ...

وأنوه على ما قاله الإخوة ....

اقتباس

ت يصير في كتاب موسوعة الصيدلة ويكون فيها متل وردة من كل بستان

متل ما قلت ....هالخطوة ممكن تكون الخطوة الثانية بعد هذه الخطوة الأولى

اقتباس

من الممكن بالمستقبل أنو يتحول لمرجع مهم على الانترنت

هذا هو بيت القصيد ...ليس بالضرورة أن يبنى البيت في يوم واحد بل حجر عى حجر ونحن نضع الأساسات

اقتباس

أكيد بتعرفو كيف بلش الفيس بوك وكيف صار هلأ

فعلاً هاد أحلى مثال لفكرتنا

السلام عليكم

أول شب يهنيكم على هالهمة العالية عندكن ياشباب، عنجد ماشالله عليكن،

وتاني شي عندي سؤال؟ هلأ أذا أنا مالي من الصيدلة وضفت موضوع وشدني وحبيت استفسر وعلق عليه ،فهل هالشي مسموح،لأني اليوم قريت موضع حمض اللبن ومااسترجيت أسأل عنو!!!!!

وكمان في اقتراح،هلأ بما أنكن حابين تعملو موسوعة شاملة هون فليش مابتستخدمو أداة خاصة لهالشي، بحيث أنها تكون متقبلة للنقاش والأراء والموضيع.

قصدي متل ال wikipedia يعني غي قسم للموضوع الرئيسي والمراجع، وقسم للنقاش، وووو.
أنا برأيي هيك بكون أحسن من كتابة موضوع بمنتدى،

طبعا والأداة متوفرة وسهلة يعني فيكن تبنوه على ال wikimedia وهيك بتعملو شي خارق خاص فيكن.

وكل الي لازمكن ساعتها،رابط خاص من الأخ ياسر،وبتنطلقو.

انشالله ماكون اتدخلت بشي مابيعنيني.

تقبلو مروري

أهلاً وسهلا ...

نحن على أساس نحط أدوات عما قريب ....لكن نزلنا الساحة لنستغل فرصة الفراغ وتنزيل المواضيع ...


والغاية الأساسية هي وضع مواضيع علمية بشكل أكاديمي يعني دون هات وخود ...

وإذا كان لدى أي أحد إضافة على الموضوع سوف ندمج إضافته مع الموضوع الأصلي ...

وعلى العكس نحن نرحب بأي طالب في جامعة دمشق .....

وقد قصرنا التجربة حالياً على الفارما (الصيدلة) بهدف تجربة هذا الأمر وإن نجحت فنقترح إن شاء الله توسيعها بعد إذن المشرفين ...


لتصيح أفضل موسوعة جامعية أكاديمية ...

موضوع جميل الله يعطيك العافيه

بس كلمة معص يا ترى شو جذرها يعني من وين اجت هالكلمه وشو الفعل منها

...............................................................

السلام عليكم


دائما عم تفاجئونا بأفكاركم الرائعة 

ولكن ماعم نكتشفها باكرا 

دائما عم نجي متأخرين 

على كل حال نتمنى لكم التوفيق والإستمرار 

المشروع في بدايته
والمواضيع شوي شوي عم تزيد ولكن     

الموضوع بحاجة إلى فهرسة أدق

يعني
الأمراض توضع في ساحة
الصناعة الصيدلانية في ساحة
الأخبار الصيدلانية في ساحة
الأدوية في ساحة
.
.
.
.
.
. ألخ



حتى يتمكن الكاتب والقارئ من سهولة البحث والقراءة

نتمنى التوفيق للجميع
دمتم في أمان الله