السلام عليكم

حاجة لليوم ^_^

هي بكفوا تذكرة عن أسبوع... أي وصفة أنا جاهزة إذا في شي ما بتعرفيه.... وإنتي نزليلنا شي من شغلك

السلام عليكم

هي تسقية  شغل جوزي هههه... ما بعرف أعملها

خليتيني استحي نزلك طبخاتي ..

لك شو هاد سلام .. شكلك كاينة بتطبخي قبل ما تتزوجي .. مو متل حكايتي ... انتي بتذاكري من ورانا ولا ايه .. ؟؟؟

خليه يكتبلنا وصفة التسقية .. كمان انا ما بعرف ساويا

السلام عليكم

الطريقة

المكونات

حمص... مسبحة... طحينة... ليمون... لبن زبادي... ملح... خبز... سماق للزينة... ومكسرات

الطريقة

منفت الخبز بالزبدية

منغلي الحمص وميته منسق فيها الخبزات.... وغذا في مي زيادة منصفيهن

المسبحة مع معلقتين طحينة مع معلقة لبن وعصرة ليمون وشوية مي وملح ومنخلهن ليصير القوام المعروف... مناخد جزء ومنخلطه مع الخبز وشوية حمص... مشان ما يطلع الخبز ناشف

بعدين منفرش باقي الحمصات وفوقها باقي المسبحة... ومنزينها بالمكسرات والسمنة والسماق متل الصورة

يسلم هالايدين .. يا ريت بس تركزلنا عالكميات لأن انا مبتدئة وكتير بلتزم بالوصفة وأي اجتهادات من عندي ما بضمن نتائجها ....

السلام عليكم

وين طبخاتكم يا معشر النساء :(

والله لبين ما ارجع من الشغل واطبخ وقيم الأكل واتركن ونشرب شاي ووو .. عم تبرد همتي

بس خلص بدي حرك الموضوع شوي ...

مبارح ساويت جاج ببطاطا بالفرن ... بظن انو اكلة سهلة عالكل ..

أهم نقطتين فيها انو حطو الجاج المتبل بملح وفلفل بزيت زيتون وشوية مي بالفرن لمدة نص ساعة ل 3/4 الساعة لوحدهن ... بهالوقت بتقلو البطاطا نص قلية وبعدين بتضيفوهن عالجاج بعد ما يكون شبه استوى .. بتضيفو حمض وتوم وشوية مي مشان تضل المرقة منيحة وصحة وهنا ..

السلام عليكم

هههههه شااااي بعد الأكل عين سمير النوري تشوف ^_^ ..... يلا صحتين وهنا :)

أنااااا ما بعرفها.... فصليلي زكاتك.... والجاج فخاد قصدك؟ بتصير بالصدورة...؟؟ يلي عندي ما بحب الفخاد :/

اي بتصير بشو ما بدك ... متل ما كتبتلك بالضبط الطريقة .. سهله وما بتاخد شغل كتير :)