أيوااا ... يا سلام شو اتأخرت لعرفت هالخبر .. الله يعطيني العافية!

أنا حطيت أول رغبة تشخيص .. يلا الله لا يجعلنا من النادمين .. Anyway هاد هو الخيار الأول بالنسبة الي بعد ما فكرت كتير بانو الصيدلة السريرية مالها شغل عنا فتراجعت مرتبين

بس شو مشان سلسلة دورات العقاقير ... كأنه مالي آخدتها ههههههه .. بس عم عبي الفراغات وما عم ينحفظ شي واتذكرت وضعي بالملازمة ..

وأنا عم اقرا هالدورات كل شوي عم قول وليييييييييييي شو آخدين شغلات مالنا فيها يييييييي أكتر من الدرجة يلي أي حدا بيقدر يتصورها .. والله 3 سنين وزيادة .. يا حرام نحنا

خلص مها لا تفكري بالموضوع طالما هيك رب العالمين وجهك فهاد اختيارو لما تطلعلك


بعدين هلأ الماجستير آكلين همو فلاحقين عالتفكير بالدكتوراه 


بالمناسبة مبروك علامة الانكليزي المرتبة تبعك شكلها أعلى علامة 

وإن شاء الله تكون علامة الفحص التاني هيك مشان تبطلي تنقي 

مصدقة النجاح باللغة ما إلها علاقة بفحص الدراسات، بس المفروض قبل ما تسجلوا على الدراسات تكوني جايبين هي الورقة، لأنو من شروط التقديم على الدراسات النجاح باللغة الانكليزية، بس من كتر ما أجلو امتحان اللغة اضطروا يخلوا الطلاب تقدم طلب الدراسات قبل فحص اللغة، بكل الأحول بكرا لازم تجيبوا ورقة النجاح بفحص اللغة لما بتنقبلوا بالدراسات وبيطلع اسمكم، يعني بكير عليها.

بس حبيت ذكركم.

نسرين ..

والله مو قصة نق .. أصلاً انتي بتعرفي انو مو كتير شغلة عظيمة لولا انو ما في خيارات تانية أحسن ... ومشان ما نندم ونقول يا ريتنا قدمنا 

والله يبارك فيك يا رب وانتي مبروك الك كمان .. مع انو يا حسرتي الانكليزي يلي بقدر ورجي شوية skills فيه ماله قيمة بمفاضلة الماجستير .. آل شو بهمهن انو ينجح الواحد!!!!!! .. يعني إذا واحد آخد 50 متل يلي آخد 90 مع انو اللغة أساس بس ايه .. كلو متل بعضه ..

مو احسنلهن لو عملو تصفية من فحص الانكليزي .. ويصفى من هال200 متقدم .. 100 ... !

عفكرة متل ما قلتي ما رح حملها ... وحتى الدورات بطلت كملها لأنو حاسة فيها كتير أخطاء ..

رح اتبع الحدس والبقية الباقية من الذاكرة .. ولنشوف شو الله بيسر .. والله يكتبلنا الخير

الفحص بكرة الساعة 12 وبالكلية عنا مو؟

بشوفك بكرة .. والله يوفقنا جميعاً

 

فارما87 ...

يسلمو كتير على كل شي عم تساعدنا فيه ... والله يجزيك كل خير

اقتباس

أنا مو متأكد انو سنتين، يمكن أكتر، هو بيكون مكتوب على الورقة مدة الصلاحية، لأنو هو نفسو اللي بيطلبوا لوظائف الدولة،

لأ الفحص المطلوب لوظائف الدولة كان ب 94 -9

يعني غير فحص!

اقتباس

أما طالب الجامعة أكتر شي بيحتاجه سنتين لأنو بعدين ببطل يقدم على الماجستير.

مو شرط

إذا الواحد عندو هدف بحياتو ممكن يقدم عالماجستير حتى لو بعد 10 سنين

***********************************************

الله يفتح عليكم بكرة بالفحص

ما بدكم توصاية بالتوكل على الله

مها:
أي بكليتنا الساعة 12

أخخخخخخخخخخخ..........حاسة بمشاعر متخبطة ومعلوماتي عم تتبخر


شوي بقول مو سائلة شوي بحس بالخوف


بس بالنهاية لازم نتوكل على الله وبعدين شو بيجي من الله خير وبركة



ياااااااااارب تجيب العواقب سليمة وما تخذلنا عند آخر فحص

أمانة ادعولنا 

الله يسمع منا ... ونتوفق للخير

بس نور الهداية .. فكرة عالهامش انو فحص اللغة للماجستير أعلى من امتحان اللغة الوطني وبعوّض عنو كمان بالتقديم لوظايف الدولة :P

السلام عليكم:

آسفة على التطفل

بس لفت انتباهي

اقتباس

مو شرط إذا الواحد عندو هدف بحياتو ممكن يقدم عالماجستير حتى لو بعد 10 سنين

عنجد هيك مسموح ما بظن، لأنو بنت عمتي أجلت الماجستير

ولما رجعت بعد شي 5 سنين ما سمحولها...

ــــــــــــــــــــ

اقتباس

أمانة ادعولنا

موفقين يا رب توكلوا على الله
وإن شاء لله ما بصير إلا كل خير

اقتباس

فكرة عالهامش انو فحص اللغة للماجستير أعلى من امتحان اللغة الوطني وبعوّض عنو كمان بالتقديم لوظايف الدولة

يا لطيف شو في ناس نصابين

خلوها لرفيقتي تقدم عالفحصين و ما قالولها إنو امتحان الماجستير بغني عنو

اقتباس

عنجد هيك مسموح ما بظن، لأنو بنت عمتي أجلت الماجستير ولما رجعت بعد شي 5 سنين ما سمحولها...

الله يبشرك بالخير

صار لازم أسأل بالكلية

نور زكاتك وئت تسالي خبرينا هون