أكيد سلام رح يكون مكتوب اسمك على هالورقة كمان!

بس هيك ما حلوا  قصة أسئلة الدورات

لإنو الطلاب بحفظوا الأسئلة و بطلعوا ببيعوها للعاسمي

على فكرة انا مالي ضد يكون  إنو في دورات بالمكتبات

انا ضد إنو يتكرر منها نسبة كبيرة بالامتحانات

لإنو عن جد لما الواحد بحل أسئلة دورات بتتركز معلوماته

بس اللي بقهر لما يتكرر منها ما فتح و رزق بالفحص و بروح الصالح بالطالح

السلام عليكم

                                               
سمعت أنو الدكتور جورج وبديع تركو التدريس
                                                     
طيب ممكن يكونو حطو أسئلة؟؟؟
                                                                         
                                                               

وعليكم السلام:
مو أكيد انو تركوا لسا مو مبين شي ، بس فيك تتأكد بانو تسأل رئيس القسم الدكتور عيسى حسن.

ومشان الأسئلة تقريباً صارت مبينة:
من الصناعي الدكتور عيسى حسن خط أساسي.
ولا تنسوا التحليلية شكلها رح تاخد حظ جيد هالسنة.
بالتوفيق جميعاً إن شاء الله.

اقتباس

هادا الرد تفسير "ليش"

لأنو هيك ما بيقدروا الطلاب يسحبوا وراق من الامتحان، وبالتالي ما ضل شي اسمه دورات. وهيك إذا اجت دورات ما عاد في مشكلة لأنو الطلاب ما معهم الدورة بالأصل.

هلأ بالله بالله تركوا كل شي وركدوا ورا الدورات؟؟ عنجد عنجد شي بهستر يعني نحنا طلاب صيـــــــــــــــــــــــــــــــــــدلــــــــــة .. صيدلة ياجماعة يعني أكيد رح يكون عنا ألف طريقة وطريقة لحتى نجيب أسئلة الدورات لهالدرجة عم يستخفوا بعقولنا .. هي أول شي ...
تاني شي أحسن مو راكدين ورا هالشغلات يروحو يظبطوا المدرجات اللي عنا اللي بتقرف وبتكسر الجناب      لك عنجد مو عاملين أي قيمة للطلاب .. عالقليل يحطوا قطعة اسفنجة عالمدرج .. مو طالبين شي زيادة 

السلام عليكم

اليوم د. بديع عطى محاضرة ملازمة للسنة التانية... فما بتخيل ترك التدريس...

السلام عليكم

سؤال لو سمحتو:

هلأ بعد ما طلعت نتائج فحص الانكليزي شو الإجراءات اللي لازم نعملها هلأ؟

إجراءات شو؟
                                               
تسجيل النقابة؟
                                                       
                                                         

السلام عليكم:

أول شي بتروحوا على معهد اللغات وبتاخدوا الورقة تبع نجاح فحص اللغة، وبتصوروها كم نسخة وبتصدقوهم مشان يضلوا عندكم للمستقبل.

بعدين فيكم تسجلوا بوزارة الصحة تبع الريف او تستنوا نتائج الماستر ، لأنو اللي بيطلعله ماستر لازم تسجل بالمدينة، هو إذا بدكم سجلوا بالريف لأنو الانتقال من ريف لمدينة بجرة قلم، يعني بتخلصوا من هم الوراق والمعاملات، لسا جاييكم تسجيل الماستر وفرع دمشق للنقابة.

لأ قصدي إنو نروح على معهد اللغات لحتى نجيب شي يثبت نجاحنا بهالفحص؟

صحي تذكرت

وقت بدكم تسجلوا بوزارة الصحة قولولي مشان قلكم الوراق المطلوبة

بلا ما تطرقوا المشوار مرتين

كتبنا المشاركة سوا



من وين منصدق ورقة النجاح؟