لا والله يا سلام مو ببالي بس انقرؤوا..

 

هديك المرة وصفة مكتوب آخر دوا فيها سيتامول.. وإنو كان ينقرء معي .. حتى المريض انتبه وقال لي شو ما في سيتامول عندكن؟ ..

إيلان وأنا ما بيفتح عندي فببعت الصورة للموبايل وبفتحها .. جربي

 

------------------------------------------------
------------------------------------------------
((إضافة))

آيرون مان

بصيدلية الصلخدي.. بس يعني نحنا من بعدكن.. ما بدها كل هالشي

سلام

لا تكتئبي ولا شي.. والله القصة مو معلمية ولا شطارة هي مجرد تتأملي برسمة الكلمة وتتذكري.. ومتل ما حكت مروة بعدي..

ياالله بطلوع الروح لحتى اقدر اكتب مدري شو صرلو النت

المهم:

في شغلة مهمة حابة قولها انو اهم شي بالوصفة وقت نقرأها هنن 3 شغلات مشان نقدر نعرف شو الدوا وشو طريقة استخدامو

اولا: لازم نحاول بقراءة اسم الدوا اذا مامشي الحال بطلع عالاستعمال لأنو طريقة الاستعمال مع كم حرف من اسم الدوا بيساعدو كتيييييييييير يعني فرضا لقيت حبة مرتان صباحا ومساء بعرف انو دوا التهاب طيب انا عرفت من اسموانو دوا التهاب معناها حسب عيارو ىبتصير طريقة الاستعمال واضحة بتمنى تكون وصلت فكرتي

تانيا: اذا مانقرأ معي لا الدوا ولا طريقة الاستعمال بسأل المريض ((((بطريقة غير مباشرة وبدون مايحس عليي انو انا ماعرفت الدوا ))))المهم بسالو خير شو صاير معك هي كتير بتساعد بمعرفة الدوا

تالتا: وقت اعجز بشكل نهائي وخلص مافي امل بتصل بالدكتور وبسأل وهادا الخيار الاخير برأيي لأن ممكن بهالطريقة يصير المريض متردد وخايف انو هالصيدلاني مابيفهم مشان هيك دق للدكتور

في حدا حوالي صيدلية بدا واحد يشتغل بس 3 أشهر


والله هالماجستير ربطلنا إيدينا ورجلينا ...

لا دراسة ولا شغل ولا شي بس قاعدين عمنعد الأيام !!!

في سر تاني لكشف مكونات الوصفة السحرية:

أهم شي ينقرأ اختصاص الدكتور أو معرفة نوع الحالة بطريقة أو بأخرى حتى ما ينعطى دوا بالشرق والحالة المرضية بالغرب......

وبوجود هالكومبيوترات صارت المهمة أسهل بتدخل كم حرف يللي واضحين وبتشوف الخيارات وشو تركيبها لحتى تلاقي الاسم

بتذكر أحد الأمثلة "كيتوفين" ما ينعطى بدالو "كيتوبروفن" وإلا الزلمة بيجوز يروح بتضيق القصبات بهيك غلطة

================

اليوم سألني شخص عن حاجب بيتا: "cereoprolol"

حدا بيعرف هالدوا بالضبط شو فرقو عن غيرو؟؟ وشو أسماؤه التجارية؟؟
بصراحة مو مارق معي بنوب لا اسمو ولا أشكال عنو

كمان سؤال: سمعت صار في كبسولات غليسرين فموية.......لأي شركة؟؟


لفت نظري كتير أنو كتير بيختلف رواد الصيدلية من منطقة لأخرى.....في منطقة بنزل فيها عالخفيف المرضى فيها معظمهم مثقفين يخزي العين وبيطلبوا أدويتهم باسم المادة الفعالة!!!!   وحتى أنهم على دراية بكتير تأثيرات جانبية للدوا

اقتباس

بتذكر أحد الأمثلة "كيتوفين" ما ينعطى بدالو "كيتوبروفن" وإلا الزلمة بيجوز يروح بتضيق القصبات بهيك غلطة

                                             
ممكن توضحيلي ليش؟؟؟

ليكون قصدك كتوتيفين بدال كيتوفين؟؟؟؟

ليكون قصدك كتوتيفين بدال كيتوفين؟؟؟؟

رح جاوبك بالإذن من غولدن

الكيتوتيفين  هو مضاد هستامين (مثبت للخلايا البدينة)  و بالتالي ممكن إنو يستخدم في حالات الربو

أما الكيتوبروفين (الكيتوفين هو اسم تجاري له)  فهو مضاد التهاب غير ستيروئيدي وبالتالي له تأثير مضيق للقصبات بالآلية المعروفة لـNSAIDs 

وبالتالي هيك خطأ ممكن يروح المريض

***********************************************

بصراحة أنا بحس إنو حرام ضيع وقتي لأعرف فك خرابيش

بس يقتنعوا الدكاترة إنو يطبعوا الوصفة أحسن من الخربشة ساعتها الوصفة بتستاهل أعطيها من وقتي لأقرأها

يمكن كلامي لاذع بس عيب هيك وصفات تكون موجودة بين الدكاترة و لأ فوق منها لما الواحد بتصل بالدكتور ليسألو عن دوا ما عرفوا مكتوب بلغة الخرابيش بقوم بنزل مألسة فيه إنو شلون ما عرف الدوا



طبعاً أنا ما عم عمم بس للأسف الأغلبية هيك صايرة

والله بظن إنو الصح هو ما بينعطى كيتوفين (تركيبه كيتوبروفن مضاد التهاب غير ستيروئيدي) بدال الكيتوتيفين (مضاد حساسية وللوقاية من الربو)

فإذا الواحد مثلا معو بداية ربو وحب يتفادى هالشي وطلب كيتوتيفين قمنا عطيناه الكيتوفين فشو رح يصير؟.. رح يدعي علينا كمالة عمرو.. لأنو ضيقناله القصبات بزيادة

أكيد الآلية معروفة.. وهو بتثبيط السيكلو أوكسيجيناز فرح يتجه استقلاب حمض الأراشيدونيك باتجاه الليكوترينات اللي بتسبب تضيق قصبي من جهة  ومن جهة تانية بيلتغى الـ PGI (إن شاء الله ما كون مخربطة) اللي إلو دور موسع قصبي.. والجهتين بيأدوا لتضيق قصبي

فديروا بالكن.

سبقتيني نور

الله يعطيكي العافية..

 

السلام عليكم:

هالمرة حبيت غيّر شكل ...

بدال ما نحط وصفة ، منحط صورة لحالة ممكن تجينا عالصيدلية ونحنا بدنا نعرف شو نوصفلو دوا ولا نحولو ع الطبيب ( يعني عملي لصيدلة المجتمع)

خلونا نجرب وإذا عجبتنا الفكرة ممكن نكمل فيها

وهي أنا رح بلّش

بس لأنو لسا ماني مجهزة كتير صور رح بلش بصورة لعَرَض لأحد الأمراض

يا ترى شو هو هاد المرض؟؟؟

السلام عليكم:

بحبشت ولقيت صور لحالة

الصورتين هدول لنفس الحالة...شو هيي... ؟؟؟

وشو منعطي دوا للمريض OTC ولا منحولو عالطبيب..؟؟؟

وبالمناسبة كيف بتعرضوا الصورة بدون ما تحطوها بالمرفقات

أنا متخلفة بالتكنولوجيا