السلام عليكم

أول وحدة شكلها فطور بالأظافر

الثانية والثالثة شكلها قوباء أو حلأ بسيط (إصابة شديدة باينها)
                                                       
                                                         
أنا بحول كل هي الحالات للطبيب

السلام عليكم

آسفة حأرجع شوي لصفحات قبل...

بس مشان فيتامين B والتهاب الأعصاب ... ما فينا نفسرها بطريقة أبسط (وحسب ما مكتوب بكتاب الفيزيولوجيا) أنو من أعراض نقص فيتامين B (وبالذات ب12) هو التهاب الأعصاب

فلما تصير هالحالة بيكون أكيد في عوز والعلاج بإعطاء الفيتامين

بس السؤال: التهاب الأعصاب ممكن ينجم عن شي تاني غير عوز هالفيتامين؟ 

لأنو دائماً مرضى السكري بيوصفولهن يا بهالحالة ...

مرة مريضة سكر  ما كانت عارفة أنو اللي معها التهاب بس كانت عم تقلي أنو لما بدلها الدكتور فيتامين B بأدافيت سيلفر صارت تحس بوخز على الجلد (وما كان مبدلها غير هالدوا)

فبمقارنة كمية فيتامين B بين الـ2 ففي فرق كبير ... والكمية قليلة كتير بأدافيت سيلفر

***

xyz

الحالات اللي حطيتيها صعبة وما حأعرف فيهن أبداً 

بس أول صورة ما ممكن تكون عوز فيتامين A أو C أو عوز كالسيوم؟ (بس يمكن عوز الكالسيوم إلو أعراض تانية متل البقع البيضا يعني ما دخلو)

ويمكن تالت صورة تكون حلأ لأنو بعرف أنو بتصير حوالي الفم

الله يعينهم هالمرضى حالاتهم صعبة

السلام عليكم

أسيل

القصد إنو ليش هالفيتامين مفيد للأعصاب ولش عوزو بسبب التهاب أعصاب... يعني شو دورو فيها.. فطلع هو أنزيم متمم وإلو دور بإعادة تشكيل الألياف العصبية

بس مشان سؤالك التاني شو ممكن يساوي التهاب غير العوز... فبدور عليها وبشوف شو بيطلع معي.. 

---------------------------------------------

الحالة الأولى يمكن ظفار متركز بالقاعدة... وبدو تحويل للطبيب... (بس مدري ليش حسيت أصابيعو مسطحين زيادة عن اللزوم  )

والثانية يمكن قوباء لأنو الشخص كبير بالعمر كأنو والحلأ على ما أذكر بكون أكثر عند الأطفال.. والقوباء عند الكبار.. أو يمكن عم خبص واخترعت هالكلام من عندي حاكم كثرانة خبصاتي اليوم  .... كمان التحويل للطبيب هو الحل...

أسيل هدول بمقررات الطفيليات مثلا وصيدلة المجتمع فلازم تكوني خالصة الرابعة لتقدري تشاركي فيهم.. بس هلأ ممكن تاخدي عالجو من هالمشاركات

ومشكرة xyz على هالفكرة 

السلام عليكم

هي شو لقيت من معلومات

hope  ...شكرا كتير عالمعلومة

سلام... مظبوط الحالة هي قوباء ومنحولو عالطبيب ليوصفلواfusidic acid موضعي أو flucloxacillin جهازي ( هيك أخدنا بصيدلة المجتمع)

مع انو شائع كتير بالصيدلية انو ينباع فوسيديك اسيد بدون وصفة متل فوسيدات أو فوسيديرم

مو ولا بس بالصيدلية اللي بداوم فيها

وبالنسبة لأول حالة هيي مانها فطور وقلتكم هي عرَض

السلام عليكم

بس للتصحيح كان قصدي أظافيرو مسطحين زيادة مو أصبيعو للدقة العلمية ^_^

يمكن أخدناها بالأمراض مو هيك.. شي إلو علاقة بالحديد ونقصه... عالأغلب...

مشان القوباء تمام كنت بدي قلك عالأدوية بس قلت إنتي قلتيلنا شو منعمل وبلا الفهمنة الزايدة ^_^

السلام عليكم:

الصور فعلاً مرعبة

الحمد لله على الصحة والسلامة

       

هلأ هي كم شغة غريبة لقيتهم بالصيدلية، مين بيحزرهم:

- في دوا واحد وشركة وحدة بتساوي الفوسيدات على شكل حب، شو هي؟
- في شركة وحدة بتساوي الميترونيدازول على شكل كريم، شو هي؟
- في دوا بينادولو حب بقدونس، شو هو وليش هيك اسمو؟

==================

سؤال لو سمحتو

شو الفائدة من المشاركة بين الإندوميتاسين + فيتامين B1

       

الإتدوميتاسين هو NSAIDs مو؟

متل ......إندوفيت لرشا
وبارافيت لبركات

السلام عليكم

مشان المشاركة

هلأ قلنا الB1 مشان التهاب الأعصاب وحطوا معو الاندوميتاسين عالأغلب كمسكن للوجع الناتج عن الالتهاب لأنو هو مثل ما قلت من مضادات الالتهاب اللاستيروئيدية يعني مسكن ألم وخافض حرارة ومضاد وذمة... وهون استخدموا عالأغلب مشان تسكين الألم....
كمان يمكن عم خبص وألف واخترع من عندي    فلا تواخذونا...

مشان أول كم سؤال الأول والتالت أول مرة بسمعهم بعمري هلأ..؟؟!! شو حب بقدونس 

والتاني ما عم اتذكر    مسموح نغش من عمو غوغل لننعش ذاكرتنا