الأخت مارية بعتتلي رأيها برسالة خاصة...

بس حبيت شارككن بهالمقطع

بالإسلام كان في ( الشفاء ) هي كانت طبيبة ع زمن الرسول صلى الله عليه وسلم ، ووقت الحرب كانت كل النساء تعالج الجرحى .
عموماً أنت درسي منيح وبس تطلع النتائج عملي استخارة.
ادعي : اللهم استعملني فيما تحب وترضى .
الله يقدملك يلي فيه الخير .

بالعكس تمام
أنا برأيي مهنة الصيدلة أكتر عمل ممكن أنو تبتعد فيه البنت عن الشبهات
وبالنسبة للمواقف والفصول الناقصة الي عم تحكي عنها زميلاتي فهي ممكن تصير وين ما كان مو بس بالصيدلية يعني الحمد لله ولاد الحلال كتار هالأيام وببساطة اذا ابن الحرام بدو يأذيكي لا سمح الله فبيقدر يترصدلك وانتي رايحة او راجعة من مدرستك

شكرا دانة,,

هاد رأيي أنا تمام....

بالصيدلية مو مضطرة اتعامل مع مدير و اتفاوض مشان الشغل و الدوام..

يعني ما حدا مرتبط فيي,,

بس ما قلتولي ..

شو رأيكن بالشباك؟؟

و كمان نقطة لو سمحتو..

شو مشان انو في ناس بتأجر شهادتها؟؟

هل هاد الشي قانوني ,,يعني فيي أجرها لشي شب درس كيميا مثلا؟؟؟

"يعني اذا ما رضيو الأهل"

هيك بكون فدته و فادني..

و لا ما بيصير؟

السلام عليكم

((بس ما قلتولي ..

شو رأيكن بالشباك؟؟))

هلأ هو حل من الحلول... بس بكرة بتتعلمي إنو الصيدلة مو مهنة تجارية... بس بدنا نبيع الدوا وربي ييسر ... بعدين ما منفرق عن أي محل تجاري... الصيدلة هي مهنة إنسانية بالأول ... يعني لازم تعطي للمريض الوقت الكافي لتسمعيلو .... يحس باهتمامك في... لحتى يقدر يشرح حالتو عالمزبوط وتوصلوا مع بعض لأفضل حل... يعني إذا ضل واقف من ورا الشباك ... فكيف ممكن يستفسر عن مشكلتو...؟؟؟ كيف ممكن تعطي المعلومات اللازمة عن الدواء وتداخلاته ومحاذيره.... الشغلة شغلة إنسانية مو شغلة تجارية... بكرة إن شاء الله بتاخدي مادة التسويق الصيدلاني وبتعرفي إنو لازم الصيدلاني يتفاعل مع المريض بكل جوارحه ... ويعطيه الوقت الكافي ليعبر عن حالو ومشكلتو...

من اللي قرأته:

ورأت العمودي أن عمل المرأة في الصيدليات يحمل بعداً آخر، فالكثير من النساء اللائي يترددن على الصيدلية بهدف طلب الدواء يتحرجن في الوقوف أمام الصيدلاني الرجل، وطلب بعض حاجاتهن الصحية الخاصة، ما يؤكد أن دخول الصيدلانية المرأة ووقوفها جنباً إلى جنب مع الرجل سيمنح النساء مساحة أكبر من الحرية والتعامل في طلب ما تريد من دون تحرج أو خوف من أن تتعرض لبعض المضايقات

هي ميزة كبيرة انو تكون البنت هي اللي بالصيدلية,,

يعني اذا كل البنات تركو الصيدليات,,يمكن بتفلس!!

لأنو في كتير نساء بيخجلو يسألو الرجل عن حاجاتهن"و انا منهن طبعا"

سلام,,

صح أكيد,,

الصيدلة مهنة انسانية أولا و أخيرا,,,

بس اذا حدا بدو يصرف الراشيتة و بس و مو تعبان ممكن اتعامل معه و هو برا,’,

أما اذا حدا تعبان أكيد رح يفوت من الباب فورا,,

بس هيك منرجع لنفس المشكلة الأولى.,,

بركي شي واحد غليظ فات؟؟؟

منرجع للحلول اللي طرحتوها

صح؟؟

فكرة الشباك لزيزة ومعقولة... بس بخاف الناس تفكر صيدليتي شي فرن وتوقف عالدور ههههههههههههههههه

بس هاتي يا صديقتي الدولة يصير بدها رخصة لهيك شباك كمان!!!!!!!

بالنسبة لموضوع تأجير الشهادات ... فالموضوع مخالف للقانون 100%

بس للأسف نحنا منلجأ لهالشي لأنو أولا موضوع خدمة الريف عم يكون صعب شوي وخاصة بهالأيام لأنو الكل بيعرف شو عم يصير بالأرياف .. هي شغلة

شغلة تانية أنو الواحد اذا ما كانت قدرتو المادية بتسمحلو ليفتح صيدلية ويسجل بالنقابة فهو أكيد رح يضطر انو يأجر شهادتو مو مشان يكسب من وراها مصاري... بالعكس مشان يخلص من دفع الرسوم للنقابة... لأنو اذا ماكنا الواحد مسجل بالنقابة رح يدفع غرامات وضرايب بطالة ومابعرف شو

وأحيانا المبالغ بتصل ل 30 الف ليرة بالشهر

لذلك نحنا أحيانا منضطر لنأجر شهادتنا

مشان نحمي حالنا من قوانين صارمة بحقنا....

تحياتي

كمان في اقتراح قرأته,,حلو كتير و بيناسب الصيدلانيات

انو يكون في شباك بالصيدلية لبرا,,بيوقف الزبون عالرصيف و بيطلب الدوا... و بياخده و بيتيسر

بدون ما يفوت لجوا,, هيك تمام صح؟؟؟؟

وهل هذا -يمنع الإختلاط- الذي نهانا عنه الله عز وجلّ ؟!

هناك شواهد على زمن الرسول صلى الله عليه وسلم -لمشاركة النساء في الحياة العامة-
ولكن هناك قاعدة (الضرورات تُبيح المحظورات)

فهل تلك الضرورات مُحققة في يومنا هذا ؟

{ وَقَرْنَ فِي بُيُوتِكُنَّ وَلا تَبَرَّجْنَ تَبَرُّجَ الْجَاهِلِيَّةِ الْأُولَى وَأَقِمْنَ الصَّلاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيراً } [الأحزاب:33]

السلام عليكم

((فهل تلك الضرورات مُحققة في يومنا هذا ؟))

رح اطلع شوي عن الشغل بالصيدلية... لما الوحدة تنزل عالجامعة مو هاد اختلاط... طيب معقول نقلها قعدي بالبيت لأنو الاختلاط حرام... هيك منكون حرمناها من حقها بالتعلم... هي شغلة... شغلة تانية... أنا لما عم ابعت البنت عالجامعة عم ابعتها لتصير طبيبة أو صيدلانية أو معلمة... يعني بالمستقبل بدي يلي يدرس بنتي بنت مسلمة بتخاف الله ... بدي لما تتعالج أمي أو أختي أو بنتي أو أنا تروح لعند طبيبة مسلمة... فمو كل هالشي ضرورات تبيح المحظورات بهالزمان... أنا ما عم قول كل البنات تنزل تشتغل... وأنا معك إنو القعدة بالبيت إلها أولى .... بس أنا عم قول مثل فرض الكفاية جزء من البنات تنزل لهالمجالات لتسد هالحاجات....

دانا,,

معناها ما بإيدنا إلا انو ندعي تتغير القوانين بحق الصيدلة و الصيادلة...

أخي سيف الإسلام,,

يمكن أنا ما عم اقدر اتلقى فكرتك تمام,,

أخي حابب تقدم نصيحة,,

أنا بالانتظار,, بس بشكل مباشر يعني لو سمحت...