طبعاً طلب العلم -فريضة-

ولكن عندما أنظر للتجربة السعودية التي عايشت أجزاء منها
وأرى كيف يُخصص للفتيات -مدارس غير مختلطة وقاعات وأحياناً أبنية جامعية ودكتورات خاصة فيهن-
وكيف يُخصص لعملها عند الضرورة -مكاتب خاصة بهن-
وكيف يُخصص لتسوقها -أجنحة خاصة في كل مجمع تجد فيها كل ماتطلب ولا يدخلها ويعمل فيها إلا نسوة مثلها-
وكيف أوجدوا حلولاً بسيطة لكل مانسميه نحن (مشكلة)

أدرك أن الخلل فينا نحن وفي تطبيقنا لشرع الله !
ومحال أن يكون دين الله وسنة رسوله قد أغفلا حتى أدق الجزئيات دون إجابة ولحكمة واضحة لمن يريد معرفتها

حبيبتي أنا بوضحلك شو قصدو!!!

قصدو أنو خليكي قاعدة بالبيت يعني ما في داعي تدرسي وتشتغلي وتتعبي على حالك

خلي هالشغلة للرجال وبس!!!!!!!!!!!!!!!!!!!!!!

ههههههه

بس لا تعلقو...

الله ييسر الخير,,,

أدرك أن الخلل فينا نحن وفي تطبيقنا لشرع الله !

 

 

 

أخي يعني شو نعمل برأيك؟؟

 

نترك الجامعات؟؟

كيف بدها تتعالج زوجتك أو أمك أو أختك؟؟

الإخوة اللي مرو و ما أعطونا رأيهن؟؟

ليش يا حبابين,, نصيحة بس!

 

فيدونا بخبراتكن

الأخت -دانا- كلامي أعلاه واضح
فلا تقوّلي على لساني مالم أنطقه
والمشكلة أني آتيكِ بالدليل فتردين علي بما تتمناه نفسك وتعتبرينه الحق !

لا مشكلة
وشكراً للتقييمات السلبية
ولكن كنت أتمنى من أصحابها الجرأة على الرد بما يحدثون به أنفسهم لنُغني هذا الموضوع ونتفق على كلمة سواء

أختي High school girl
أنا قدمت رؤية الشرع و رؤيتي في الأمر  -كما طالبتي في موضوعك-
وعندما يعزم المرء على أمر ويضع شرع الله نصب عينيه سيجد الحل لكل ما سيواجهه
فالدين جاء كاملاً ولم يُغفل شيئ وإلا وأوجد له حل

يا إخوة,,مو معقول أي نقاش منفتحه يصير فيه حزازيات و زعل’’

هي السياسة و بطلناها,,

خلينا ضمن نطاق النصيحة و ابداء الرأي,,

و الله يهدي الكل,,

 

 

مشكور أخي,,

جزيت خيرا..

ادعيلي,,

 

~منرجع للموضوع~

شو رأيكن يا صيادلة المستقبل؟؟

السلام عليكم

أخي الكريم

الحق معك إنو هالشي كثير منيح.... بس هالشي عنا صعب (منعرف ليش) ... طيب واقع من وقت خلقنا هيك هو... نحنا شو منعمل... كيف منتصرف... أكيد ما رح نقعد باليت ونقول هذا الواقع إنو في اختلاط بالجامعات (وإن شاء الله ما يوصل للمدارس) أو بالأسواق أو ... أو ... أو ... لازم نتكيف مع هالواقع بما يرضي الله... رح اضرب مثال صغير حكتلنا ياه آنسة الديانة بالمدرسة الله يذكرها بالخير

قالت وقت التكريم بأحد المدارس كان الوزير معزوم فأكيد لما الأوائل بدهم تنعطاهم الشهادة رح يصير مصافحة هيك جرت العادة عند الوزراء.. المهم فقعدوا البنات يقولوا شو بدنا نعمل... وحدة قالت خلص ما منروح عالتكريم لنتجنب هالقصة... ووحدة قالت ليش لروح على حالي هالفرحة ... كلها هالمرة والضرورات تبيح المحظورات... ووحدة قالت منروح ومنتكرم وما منسلم ولما يمد الوزير ايدو بتعمل الحركة تبع إنو هي ما بتصافح (عرفتوها مو) المهم ممكن نطبف هالمثال الصغير عن يلي عم نحكي... يعني الاختلاط أمر مفروض من عنا (مثل أمر المصافحة) وعنا 3 خيارات مثل هالبنات يا منكون "قمعة" مثل الأولى ومنترك الدنية لأهل الدنية وبتصير البنت المسلمة بنظرهم عقلها متحجر ومتخلفة... يا مثل البنت التانية منجاريهم ومنخسر ديننا... يا من كون مبدعين مثل التالتة وعقلنا متفتح ومنلاقي حلول لواقعنا المرير.. يعني أنا فيني انزل عالجامعة وعالسوق وروح على صيدليتي وآخد وأعطي مع الناس وما حدا في يحاكيني كلمة برات الطريق طول ما أنا مستوفية شروط الحشمة والأدب....

الخلاصة المشكلة هي بتطبيق الشرع عنا صح.... بس كمان إنو نترك حقوقنا مشان هالشغلة فكمان هذا مو حل... ورح يخلق مشاكل تانية....

اقتباس

فالدين جاء كاملاً ولم يُغفل شيئ وإلا وأوجد له حل

تمام  ... أنت بهالجملة أوجزت كل الحكي يلي قلتو... الدين مرن ومناسب لكل زمان ومكان... ومو مجرد تعاليم مفروضة... يعني ممكن نعيش الحياة ونعمل شو ما بدنا فيها بس بما يرضي الله ومثل ما وارد بنهجه...

آسفة عالإطالة تقبلو مروري