السلام عليكم....

بناء على طلب سلا م   
رح أحكيلكن شو صار معي من ورا الساحة الجماعية

من كم أسبوع حطيت رد بالساحة الجماعية وسألت عن الدكتور حسام البلخي أنو كيف طريقة أسئلتو وهيك
يوم الثلاثاء كان عنا الفحص بمادتو فقبل بيوم اتصلوا  فيه رفقاتي ليسألوه عن المطلوب وهيك بس خلصوا حكي قلهم جنبكم -----???(هاد اسمي الحقيقي بس مشفرتو ) وعطوني التلفون
أول ما رديت قلي إنتي sweetlife?????
   
قلتلو اي
قلي بدال ما تفوتي عالنت وتسألي عن أسئلتي اتصلي اسأليني  
وانسلق بدني السلقة العجيبة وما عاد عرفت شو بدي قلو  
بس الغريب أنو الرد بالساحة الجماعية معقول عم يفوتوا ويقرأوا الردود؟؟؟
والله شي غريب
شو رأيكم؟؟؟؟

السلام عليكم

ولي على قامتي عليكي يا sweetlife على سلقة هالبدن يلي أكلتيها  .... معقول كمان د. حسام عم يفوت ويقرا....؟؟؟؟؟!!!! 
ومثل ما قلتي بالساحة الجماعية يعني هاتي ينحكى عن شي دكتور من بين كل 100 رد... فمين إلو خلق منهم يقعد يقرا...؟؟؟؟!!!  والله شي غريب...

السلام عليكم

الحقيقة انا لسا ما صارت معي نهفات محرزة . بس رح احكي حادثة بكلية الادب الانكليزي . مرة في دكتور ختيار بيطلع شي 70 وفوق ما بيشرح شي بالمحاضرة بس بيفتح الكتاب وبيقرا . مرة بالمحاضرة قالتلو البنت لو سمحت استعمل المكرفون قام ما سمعها وبعد جهد جهيد تمكنوا الطلاب بالصف الاول من توصيل الفكرة وبعد ما عرف شو بدها قام ما رد . المهم قام سالوا طالب بالمحاضرة سؤال قام ما سمعو وصار يسال الطلاب شو عم يقول ما عم اسمع وهالطالب يعيد السؤال مرة ومرتين وتلاتة والطلاب بالصف الاول يعيدوا السؤال وهو ما يسمع اخر شي بقلو الدكتور للطالب :  شيل ايدك عن تمك خليني اسمعك منيح . مو اتاريه عم يطلع بطالب تاني . قام الطالب المتكلم صرخ من الطرف التاني بالمدرج : i am here  ويا حرام فرط ضحك الدكتور والطلاب

ممممممممم.......

       

بكل بساطة .. ممكن طلاب الماجستير هنن يلي بيوصلوا الحكي  ( ممكن عن حسن نية).. انو و الله يا دكتور في ناس عم تستفسر عن أسئلتك ع النت ... بلكي بتوضحلون شو المطلوب ؟؟؟

و ممكن يكون في ناس بتحب الفاينة ؟؟؟ 

سويت لايف حلو كتييير

والله أنا عن حالي بتمنى لو كل الدكاترة يفوتو ويقرؤوا ليشوفو هموم الطلاب وشو بحبو وشو بيكرهو عند الدكاترة ويكسرو هاد الحاجز العاجي يلي بيناتن  يلي بخلينا يا دوبنا نقدر نقول للدكتور مرحبا

مع انو قرايبتي برا البروفسورة المسؤولة عنها صديقة الها ...

يعني نحنا مو ناقصنا شي لنكون هيك ...

وبهالمناسبة بشكر الدكتور حسام البلخي (يلي ما صحتلي الفرصة انو كون تلميذته بهال5 سنين الماضية) وكل الدكاترة يلي متواصلين مع التكنولوجيا والطلاب وإذا بيزيد هالتواصل وبصير اله أفكار بتطورنا وبتحسن طريقة التعليم والتفاعل والتلقي في أشخاص كتااار من الطرفين جاهزين لأي خطوات من هالنوع ..

السلام عليكم:

الموضوع باختصار ما بينحكى قدام الدكاترة فما لقيت غير هي ساحة خاصة.

فحص الصيدلة الحيوية بالماجستير يوم الأحد الجايي وفي سؤال كل سنة بيجي عليه كومة علامات، وهادا السؤال من قسم من نوطة السنة الرابعة تبع الدكتور أنطون، وهادا القسم ما عم لاقيه ، لقيت كل شي أبحاث قبله وبعده وهو ما كنت لاقيه، لذلك بترجاكم اللي عنده ياها يخبرني كتير كتير ضروري ، السؤال ما عم نعرف نحله وبدنا الجواب من النوطة، هو مناقشة جدول مو سؤال صغير.
البحث اللي عم دور عليه اسمه:
التوافر الحيوي، بيهمني منو التوافر الحيوي المطلق بالصفحة 142-144
دراسة دوا اسمه Linezolid عند البالغين.
بتمنى لاقي حدا يساعدني فيه. خلقة المادة مخوطرة.

سويت لايف:

يللي ناقل حكيك أكيد حدا من المشاركين بالمنتدى (بجوز فعلاً عن حسن نية) بس لأنو هنن الوحيدين يللي بيعرفوا اسمك الحقيقي أما الدكاترة أو الزوار المتابعين ما رح يكشفوا اسمك أكيد لأنو ما حدا بيناديلك فيه


Pharma87

كأنو ما أخدنا هالبحث

بس لو كان فيكم تعرفوا المرجع الانكليزي يللي مترجمة عنو النوطة في حال ما تأمّن البحث ....د.انطون ما قلكم عن مراجع مهمة بهالمادة ؟؟