مرحبا شكرا كتيير الكن عالمعلومات المفيدة للي عم تحطونا ياها بس كنت حابة اسأل عن فحص الملازمة النظري شو المواد للي مطالبين فيها وللي لازم نرجعلا حتى نلحق حالنا ونقرأشوي بالصيف لأني حاملة مادتين للسنة الخامسة واكيد اذا بكون مخي كمبيوتر ما رح الحق بقلب السنة  

السلام عليكم:

خبرونا شو عندكم إضافات على الفصل الأخير من هالمسيرة بكلية الصيدلة ؟؟


بيهمنا ملاحظات عملية إذا بدكم هون أو على هديك الساحة

والله كأنك قاعدة بقلبي يا غولدن بل ..

يعني اليوم كنت عم فكر انو لازم فوت عهالموضوع واطبع مواد الفصل التاني لأنو ما بعرف شو صايرلي .. لهلأ ما بعرف شو المواد وما عندي أي شعور بتأنيب الضمير .. فقلت بركي هالموضوع بخوفني وبكون هو الدوا!!!!!


يا ريت الشباب الطيبة المتخرجين يفيدونا شو ندرس هلأ وشو الشي يلي ممكن يتأجل لبعدين؟؟؟

والله يجزيكن الخير

السلام عليكم

كالعادة رح كون أنا البنت يلي بصلتها محروقة وبتبلش بالأسئلة 

بس هالمرة ما رح كثر كلهم سؤالين فاتحملونا

أول شي

في شي مراجع مطلوبة للفصل الأول غير الليبنكوت للدكتورة فايزة والBNF للدكتورة لمى ووفاء

تاني شي

ما كثير إلو علاقة بس شو يعني مفتاح ألماني؟؟؟!!    هيك ورد بسياق الحديث عن مادة الدكتورة وفاء وأسلوبها بالأسئلة....

وكمان إذا ما فيها سئلة في شي إضافات من طلاب الخامسة سابقا.. الصيادلة حاليا على الموضوع...


وطبعا شكرا لطوق الياسمين يلي كتبت هالموضوع ويسلم إيديكي..

     

بالحيوية السنة الخامسة لا حاجة للبنكوت لأنها سريرية يعني سكري ونقرس وخلافه ...بس في كتاب عطت منه د.فايزة نسيت اسمه بس زيد بيعرفه كمان..

بالمشافي في كتب عديدة أشهرها درج إن يوز وغيره مما سيدلوكم عليه في العملي ..

يعطيكن العافية على الموضوع ,,,

كنت حابة اسال انو كأني فهمت انو هلأ في 4 عملي والملازمة و تاني فصل بس عملي واحد ,, ليش كل هالضغط ؟

اديش نسبة النجاح بفحص الملازمة ؟؟ لان انا بصراحة عتلانة همو كتير كتير و حاسة انو مستحيل اتذكر جاوب ع شغلات قديمة وكمان معي مادتين وانا ما لازمت غير سنة وحدة بصيدلية فمعلوماتي على قدها .,, ناوية هلأ حاول انزل كتير عالصيدلية وكمان بوجود دوام الجامعة ..

يعني بتخوف هالسنة اكتر من الرابعة ؟ انا بصراحة ماصدقت كيف خلصت من الرابعة بس بمادتين

شكرا كتير لجهودكم وانشالله موفقين بكل شي ,,,

السلام عليكم

الكتاب يلي كانت بتجيب منو د.فايزة صراحة نسيان اسمو

هو إلو علاقة بالتشخيص المخبري

نشالله إذا عملو معرض كتاب بكلية الطب أو إذا رحت عشي مكتبة رح اتذكرو

عموماً مو مهم للدراسة

لأنو حفظ المحاضرات بكفي

وبضل الكتاب فقط للمهتم بمعلومات زيادة ولزيادة فهم المحاضرات

============

في كتاب drug facts and comparisons

مهم لطلاب فئات الدكتورة وفاء (موجود بموجوعة الـDVDs)

والكتاب الإلكتروني Up to Date

صراحة ما استخدمتو

ممكن تلاقوه بنفق الصيدلة

لكن مشكلتو أنو بيتسكر إذا فتحتو النت وما بيتحدث



بالتوفيق جميعاً

مشكلة الUp to date كمان انو ما بيقبل أجهزة نظام ال64 بت ... بس بيمشي عال32 ..

ومشان الصيدلة السريرية مبدئياً البي ان اف وما تجيبو شي تاني لتتأكدو عند أني دكتورة رح تكونو ..

مشان الملازمة ما تخافو أبداً .. بتقرو كم شغلة قبل الفحص بيوم وبتقدرو تجاوبو من معلوماتكن وبتنصدمو أديش عندكن معلومات .. ما تشغلو بالكن فيها ..

والمقابلة حظ وبتعتمد على الدكتورين يلي رح يفحصوكن ..

بالتوفيق

مهـــا

الملازمة ما بتخوف إن شاء الله

عنا ما رسب حدا غير واحد قدمها بالتكميلية ورفعها ...


وهي شغلة حظ خاصة المقابلة ....والاسئلة المسؤولة تتكرر كثيراً ..


في كتير ناس دخلوا ما دارسين شي ونجحوا وفي منهم جابوا علامات منيحة حتى ,,,

الخلاصة ...لا تعبوا حالكن وتفكروا فيها لحتى يجي وقتها ..