شكرا لجهودكم ,,

يمكن انا متخوفة زيادة بس ياريت تنورونا شو لازم نعمل من اول السنة

مثلا على اي مواد منركز ،، دفتر الملازمة شو قصتو عالتمام

شو مطلوب منا اوراق ؟؟

شكرا مرة تانية

إذا ممكن حدا يكتبلنا ملخص عن السنة الخامسة

مشكورين.....

أهم شي بس هيك بدي قوله عالسريع

نصيحة من أخت مشان ما يصير فيكون متلي

فتت عالخامسة والكل عم يقولو انو السنة الخامسة ما فيها شي وصرت اتراخى بالدراسة وبالوقت ..

ولقيت حالي وقت الفحص كتييييير مضغوطة وحاسة انو المواد من أصعب ما مر عليي بالكلية (رغم انن هنن يمكن مو هيك بالحقيقة) لهيك ما تنغرّو وادرسوا لهالسنة متل أي سنة مضت ..

وبالتوفيق

ملخص سريع

مراقبة :

النظري: في كتاب بس مع الدكتورة الجديد الله أعلم

العملي: تحليل أشكال صيدلانية لمعرفة مدى تطابقها مع المواصفات..العملي سهل لكن الجلسات طويلة نسبياً والعلامة منيحة

كيمياء حيوية سريرية:

النظري: نفس الطقم تبع الحيوية 1 و2 (د.فايزة + د.سحر) وهنا تتناول الكيمياء الحيوية لحالات سريرية مثل السكري والنقرس وحالات نقص الماء ...إلخ ما في داعي للشرح عن الأسلوب

العملي: نفس الحيوية 1 تحاليل مثل تحليل البول والدم وغيره ...والعلامات كمان نفس الشي مالها علاقة باللياقة مع أنه على زماننا قيل أن الحضور قد أثر على العلامة بس حتى لو كان الحضور بيزيد علامتين 3 صدقوني رح تفضلوا ينقصوا أحسن ما تحضروا 3 ساعات



بيولوجية جزيئية:

نظري بحت:

د. شادن: تتناول الحموض النووية : النسخ - الترجمة - التضاعف يعني باختصار التعبير الجيني وآخر محاضرة هي عن تنظيم التعبير الجيني

المحاضرات سهلة كتير والفلاشات التوضيحية بتساعد كتير على فهم المادة بس الأسئلة غامضة شوي وبتخليكم confused

د.فوزة : كالعادة محاضرات مترجمة والحفظ بصم والأسئلة كانت كيدية عزماننا

المشافي

النظري: د.وفاء حمود ود.لمى اليوسف

المادة يلي بتحسوا الها طعمة متل صيدلية المجتمع بس أرقى وأحلى الدكتورتين بيعطوا بيوم واحد ساعة ونص بساعة ونص

المادة كتير سهلة باعتبار الأمراض والحالات (متل أمراض القلب والضغط والقرحة وغيره) مرت معنا من قبل إضافة أنه نفس منهاج النظري بتاخدوه بالعملي بس المشكلة بالأسئلة الصعبة + ما في وقت لحل الأسئلة الكثيرة لذلك من الضروري الدراسة بتركيز والاطلاع على نموذج الأسئلة ووضع الوقت بالحسبان يعني السؤال يلي ما بتعرفه بلا ما تجاوبه اتركه لبعدين

عموماً المادة ما صعبة إذا اندرست أول بأول ...


العملي :

العملي حلو عبارة عن حالات تخيلية بتنعطى والعملي بينقسم لقسمين:
قسم د.وفاء (نسبياً سهل ) - قسم د.لمى نسبياً أصعب حسب ما قيل لي

بس المشكلة أنو العلامات بالأخير حسيناها شلف على أبو جنب !!!؟؟

تغذية وحميات

د.جليانا المحاضرات سهلة وفيها أرقام يجب حفظها بس المشكلة بالأسئلة

أنو في بعضها من المريخ لذلك عليكم بالدورات...يعني إذا المادة إلها 3 أيام خلوا يومين للمنهاج (بتلحقوا وبتخلصوا) ويوم للدورات ..

لغة أجنبية

؟؟؟؟

السلام عليكم

أنا ركزت بدراستي على المراقبة لأنو كتاب قد البلوكة
والمشافي بدها دراسة منيح بس كنت اكتبها فكأني دارسها
بس لا تنسي (phmab‎‏)‏ أنو كان الفحص أسبوعين

يمكن بس هالمادتين بدهم تركيز
والحيوية بدها بصم منيح
بس كانت الأسئلة سهلة ليلي دارس كل  المحاضرات

الخلاصة

متل ما قالت مها يجب الدراسة ...الفصل سهل كتير إذا درس المنهاج لكن إذا لم يدرس فالأمل ضئيل لأنه دورات ما في ....

نسيت الملازمة

الملازمة دراسة دورات ملازمة ودورات صيدلانيات - عقاقير واطلاع على منهاج الأدوية (الشغلات الأساسية)

أنا ما درستها إلا لوقتها والحمد لله علامتي اجت ممتازة لذلك ما في داعي تاكلوا همها من هلأ بس زبطوا الدفتر ..

(((((((((الملازمة دراسة دورات ملازمة ودورات صيدلانيات - عقاقير واطلاع على منهاج الأدوية (الشغلات الأساسية))))))))

برأيي هالسنة تركزوا على مادة التحليلية و التحليل الآلي لفحص الملازمة

السنة الماضية كان العميد د. انطون فإجى كتير أسئلة صيدلانيات

و فهمكم كفاية

موفقين

السلام عليكم ..

ممكن حدا يفيدنا بقصة الحضور ؟؟؟

السلام عليكم

أنا رح جاوب عن يلي بعرفوا بشدوا الهمة......