السلام عليكم :

أخي كنان ... و الله بزعل ...و الله لا تقليعة و لا شي ... بس يعني عرفان بالجميل ...

و بالنسبة للمقالة ما بدها كل هالقد ... خلي الكلام إرتجالي أحلى ... لأنو على هالحالة ما حدا بيكتب شي ... إذا بدو يحسب كل شي عالتكة ...

 

                                          تقبل سلامي و بشكرك عالروح الجميلة  ...............

السلام عليكم 

يمكن صار لازم بلش انااااااا  مو ؟؟؟؟

احم.... احم ....

انا طالب بكليـــة الصيدلــــة بجامعــة دمشــق ... السنة الاولــــى

حبيت الصيدلة كتييييييير

وما فضلتها ابدا عل الطب البشري او طب الاسنان .....
قالولي الناس .... الصيدلاني بائع.... و... و..... ما رديت على حدا ...
لانو دائما بحب اعمل الشي يلي انا مقتنع في وبس ...
صحي  انو بسمع للنصيحة ..... وبسمع آراء الناس ....
بس اذا ما اقتنعت بالشغلة ما بعملها ...
وهي بعتبرة شغلة ايجابية ..
بكره بنفسي شغلة وحدة ... انو ما بحب اعتمد على نفسي ...
مو ما بئدر... بس ما بحب .. وهي اكيد من سيئاتي ...
معروف بابتسامتي يلي ما بتفارق وجهي .....( ما بعرف اذا لهلأ ما زالت او لااااا )
متفائل لابعد الحدود ....
بحب شوف النص المليان من الكاسة .....هههههه
بحب ارسم الابتسامة على وجه الناس (( وخصوصا الاصدقاء المقربين ))
اكتر شي بكرهو هو غرور الاصدقاء .... وخاصة المقربين ...


   

...... حبيت المنتدى ...... وحبيت كون جزء من عائلتو المتواضعة ..

ما بعرف .. هدا كل شي حبيت  قولو هلأ ...  

لا تصعبوا الاسئلة ... لانو ما بعرف جاوب

تحياتي للجميــــــــــــــع
     

السلام عليكم

وأنا عجبني الموضوع وحشارك معكم ...

أنا طالبة سنة 2 صيدلة ... كنت وما زلت بحب الأدب الفرنسي ... بس ما إلي نصيب أدرسو بولا شي لحد الآن "غير المدرسة سابقاً"

بحب أتعلم الأشياء الإيجابية من غيري ... فبراقب أقوال وأفعال الأشخاص اللي بيصيرو قدوة بنظري ... "من أول ما فتت عالمنتدى كان في ناس فعلاً استفدت منهم من دون ما يعرفو ...وكان المنتدى أول خطوة لفوتتي بجو الصيدلة ومحاولتي التأقلم معها بعدما كنت مبلشة بفصل أول ... ما كان عندي في أي نية أو أستعداد أو رغبة بهالفرع"

إذا اقتنعت بشي فما في شي بالدنيا بيقدر يغيرلي رأيي ... ونفسي الشي العكس ... حتى لو اضطريت أظهر أو أعمل العكس ... بس بضل ما مقتنعة

لأنو كل شي بالدنيا بنظري إلو سبب ... فكل شي بيمرق عليي بحللو كتير وبفكر في "يعني بشغل عقلي زيادة عن اللزوم بأوقات كتير"... فبعطي أكبر من حجمو ... وهاد شي سلبي

للأسف الصيدلة من الأشياء اللي ما قدرت حبها فعلياً ... بتمرق أوقات بحبها ... بس ما زالت أوقات يعني ما وصلت لمرحلة القناعة ... بس إن شاء الله أوصل ... لسا في 3 سنين وشوي ... الطريق طويل

بحب تابع كل شي ممكن يفيدني دينياً ...

وعندي قناعة تامة أنو أي شي سيء بيصير معي معناه أنا عاملة شي مو منيح والله عم يعاقبني ... وبيروح النهار كلو وأنا عم فكر شو عاملة ...

والمشكلة أنو هالشي بيصير حتى مثلاً بجلسات العملي ... إذا ما زبط شي أو عصلج معي شي ... ما بعود بعرف بشتغل وبهلك رفقاتي وأنا عم أسألهم شو عاملة أنا اليوم ؟

هي بعض الأشياء عني ... على أمل أنو غير السلبيات مع الأيام ...

~~~~~~~~~~~~~~~

بالنسبة للسؤال اللي طرحتي فأنا دائماً بتصير معي ...

إذا كان في مجال لأني قوم فهاد اللي بعملو ... وإذا ما في مجال "يعني مثلاً في ناس من عمري لازم أقعد معهم" فبضل قاعدة بدون ما أسمع اللي عم ينحكى وبلتهى بشي تاني

بس ما بفكر لا فوت بالحديث نفسو ولا أقترح حديث جديد ...

تقبلي مروري

السلام عليكم و رحمة الله و بركاته :

الأخ كنان :

صحي انو بسمع للنصيحة ..... وبسمع آراء الناس ....
بس اذا ما اقتنعت بالشغلة ما بعملها ...

جميل جدا فهذا دليل الوعي و العقلانية ...

بكره بنفسي شغلة وحدة ... انو ما بحب اعتمد على نفسي ...
مو ما بئدر... بس ما بحب .. وهي اكيد من سيئاتي ...

هل أنت أصغر إخوتك ...؟؟؟

بحب ارسم الابتسامة على وجه الناس

شيء جميل جدا ...هل هذا يعني أنك عنصر المرح بين رفاقك ؟؟؟؟

　

اكتر شي بكرهو هو غرور الاصدقاء .... وخاصة المقربين

هل تستطيع مصاحبة المغرورين و تحملهم ؟؟؟؟؟ و كيف تتعامل مع ذلك ؟؟ و هل تعتبر أن غرورهم يدل على غرورك و لو بنسبة ضئيلة أم لا علاقة ؟؟؟

و الآن بعد مرور فصل لك في الصيدلة ....هل النتائج كانت تأكيدا لقراراتك الحازمة أم لا ؟؟؟

 

 

                                                        أسعدني مرورك أخي الكريم و تقبل سلامي

السلام عليكم و رحمة الله و بركاته :
أخيتي أمان :
كلام جميل يدل على شخصية عاقلة متزنة ...فتشرفت بك .....

                     

اقتباس

    وأمان تحاول أن لا تفقد الأمان

             
                      متى تفقد أمان الأمان ....؟؟؟؟

                             

اقتباس

        وفتاة بلا ألف ونون 

                                    هذا دليل أنك حنون ....


             

اقتباس

    وهدف يصل إلى الاحدود ولكن لم تحقق أي من أهدافها بعد

 
  ما هي العوائق التي تقف في وجه تحقيق أهدافك ؟؟؟ ألأنها بعيدة المدى ...أم أن العلة في طبيعة الأهداف ...أم شيء آخر ؟؟؟؟


                         

اقتباس

و ورقة خريف لم تسقط بعد

             
  ما الذي جعل هذه الورقة تصفر في ريعان الشباب...

اقتباس

و فتاة تحاول أن لا تخطئ لتحافظ على مبادئها اللتي تعتقد أنها من المستحيل أن تفقدها

أعتقد بذلك أنك فتاة خجولة ... لست مندفعة في الأحوال العادية [ في المعاملات الإجتماعية ]....



       

اقتباس

            أناضل كل يوم في حياتي ولا يهمني أي من الناظرون

        ما هو نضالك في هذه الحياة ؟؟؟؟


                               

اقتباس

    سؤال واحد من أنا في نظر الله..

                    فعلا سؤال يحتاج لوقفة ....



                                                    أسعدني مرورك أخيتي ....فتقبلي مني السلام

السلام عليكم و رحمة الله و بركاته :

أخي نحال الجبل :

قد بدى لي أنك إنسان مكافح ... بكل معنى الكلمة ...

اقتباس

الدين أول التزاماتي ...... و الدعوة اليه أكبر اهتماماتي

فعلا هذا السؤال لي شغف لأعرف رأي الشباب الملتزم به .... كيف تكون دعوتكم إليه ؟؟؟؟
فكثير ما أرى شاب ملتزم و تحلف لي صديقته أنه يصلي و يخاف الله ...ثم أراه في أماكن يأبى إلتزامي ذكرها ...و هل هكذا الدعوة له برأيك ؟؟؟؟

اقتباس

عدم الخوف ........ لم أتعلمه أو أشعر به بحياتي كلها

لم أفهم هذه النقطة أخي الكريم .....
للخوف أوجه كثيرة ... و هي تتعدى الخوف من الأصوات و الأشباح ليلا ...لكن ألا تخاف من المستقبل ؟؟؟ من القادم ؟؟؟من خذلانك لأحدهم ؟؟؟ من فوات الأوان على عمل خير؟؟؟فما هي أسباب الخوف عامة برأيك ؟؟؟هل عدم الخوف بالنسبة لك هو الأنس بالله ووجوده بجانب عباده ؟؟؟ أتمنى توضيح هذه النقطة ...

اقتباس

نسيت الدموع منذ زمن لا أذكره ......... ياريت بعرف ابكي

أتؤمن أخي الكريم بالقول القديم بأن الرجل لا يبكي ؟؟؟ و متى يبكي برأيك ؟؟

اقتباس

أهم هواياتي اكتشاف كل شيئ جديد ........... أظنها من السلبيات

لم اعتبرتها من السلبيات ؟؟؟

اقتباس

لا تنتقدوني فهي تقول لا طعم للحياة دون يومياتي

و الله هي حالنا كلنا و حالي خاصة لأنو مو صفيان غيري بالبيت ... فبحب مازحها شوي على لاطفها شوي يعني ... الله يخلي للكل أمهاتن ..و يخليلك الوالدة ....



                                                        اعذر تطفلي أخي و كتر أسئلتي و تقبل مني السلام

مرحبا...


اتذكرتيني؟

اقتباس

طيب ممكن انتي تبلشي بأول مشاركة مشان توضحيلنا أصدك...

 

خلص وضح أصدك و انا رح شارك كمان...


طيب....أنا طالبة صيدلة سنة أولى...


أنا كمان هيك عن طريق أصدقاء تعرفت عالمنتدى و سجلت فيه...و عجبتني المواضيع يللي بتنكتب فيه..


ايجابية لأبعد الحدود...و متفائلة كمان...

بحب المزح كتييييييييييررر.....بس وقت الجد جد...

عندي ثقة كتيير كبيرة بالله....


و كمان عندي قناعة انو أي شغلة بسيطة بإيدك فيك  تساوي منها شغلات تبهجك و تخليك أسعد واحد بالدنيا...

من سيئاتي انو أوقات بكون حساسة زيادة...

و كمان أوقات بكون عصبية زيادة...

ما بحب زعل حدا...و لا بحب اجرح حدا بكلامي...  

بس كمان ما بحب حدا يزعلني...

ما بجامل...بس كمان ما بتطلع عالسلبيات...بحب دائما احكي عن الايجابيات...




اممم...شو كمان.؟؟


طيب هاد يللي أنا كتبتو عن حالي ازا حدا عندو سؤال يتفضل....


اي صحيح...و مشان السؤال...



هلأ لو الشغلة فيها  حكي من فوق الأساطيح و بلا طعمة يعني أكيد رح غير السيرة...

أما لو موضوع عادي بس ما بيهمني رح ضل ساكتة...و استنى لحتى يتغير الحديث...  

يتمنى تكون وصلت الفكرة...  

السلام عليكم و رحمة لله و بركاته :
أخيتي أسيل :
شرفني مرورك الكريم ...و أسعدني ...

اقتباس

حتى لو اضطريت أظهر أو أعمل العكس

هل لديك القدرة على إظهار خلاف ما تخفين ؟؟؟؟و هذا السؤال لأني من النوع الذي لا يستطيع إخفاء المضايقة أو التوتر عند حدوثهما ...أو أي شيء آخر ...

اقتباس

لأنو كل شي بالدنيا بنظري إلو سبب

                                        فعلا و أنا كمان ....

هلأ سؤال : الناس بيقولولك إنك كتير حساسة و لا تعطي الأمور أكبر من حجمها .. و لا تفكري كتير ...ولي شو بتدققي ..إة حاجة حساسية زيادة ...؟؟؟؟؟
بتحسي إنو عقلك ما في إلو وقت راحة ...دائما شغال ؟؟؟و إذا إة بيتعبك هالشي و لاعادي ؟؟؟؟




                                                                          جزاك الله خيرا أخيتي و تقبلي سلامي