السلام عليكم و رحمة الله و بركاته :

الأخ محمد :

أسعدني مرورك الكريم

أيضا لدي بعض الأسئلة : هل الرضى عن الذات بالنسبة لك تعني عدم تحريك عجلة لحياة نحو الأمام ..؟هل تحب تحمل المسؤولية ؟؟؟

 و بالنسبة للتعبير ... هل تعتقد أن يدك و قلمك يستطيعان التعبير عنك و عما يدور في رأسك من أفكار أكثر من لسان حالك  ؟؟؟؟

                                               

                                                            جزاكم الله خيرا و تقبلوا مني أسئلتي

السلام عليكم و رحمة الله و بركاته :

الأخ أيهم : و الله مو مقلاية حدا بالعكس مقلاية نفسنا ...

أما بالنسبة للأسئلة :

هل تعتقد أنك رايق جدا و ذلك لتدريسك للمرحلة الإبتدائية ... أم أنك تدرس المرحلة الإبتدائية لأنك رايق ؟؟؟

و هل تمارس المزح على كل الناس أم فقط القريبين منك و الذين إعتادوا عليك ؟؟؟

و ما هي الأشياء التي تغضبك ؟؟؟و النسبة للمغامرة ... هل لديك أذن تسمع للنصائح .. أم حب المغامرة لديك تهور ؟؟؟

 

                                                      أنتظر ردوركم  ....

اقتباس

و الله مو مقلاية حدا بالعكس مقلاية نفسنا

ليش اينو منون أصعب

مستعد واجه كل العالم على أمر عملتو بس وقت اللي بواجه حالي بلاقيها أصعب

علما ً انو يوميا ً قبل النوم براجع كل الشغلات اللي عملتها بالنهار

اقتباس

هل تعتقد أنك رايق جدا و ذلك لتدريسك للمرحلة الإبتدائية ... أم أنك تدرس المرحلة الإبتدائية لأنك رايق ؟؟؟

هههههههههههه

هاد السؤال حلو........

التدريس بالمرحلة الإبتدائية بدو بال طويل بس انحطيت بالتدريس بسبب دراستي

ومنها إكتسبت البال الطويل

اقتباس

هل تمارس المزح على كل الناس أم فقط القريبين منك و الذين إعتادوا عليك ؟؟؟

لاء طبعا ً فقط مع المقربين وبالمناسبة ماباخد صديق غير من بعد قتالة انا وياه

اقتباس

و ما هي الأشياء التي تغضبك ؟؟؟

الغدر والكذب فقط

اقتباس

و النسبة للمغامرة ... هل لديك أذن تسمع للنصائح .. أم حب المغامرة لديك تهور ؟؟؟

هههههههه

بسمع النصيحة بعد مايكون الضرب ضرب والهرب هرب

*******************************
ومن ثم لي سؤال الك:

ليش بتحبي الفضايح      

كتبتلك رقم الهاتف بالرد الأول منشان ماتكتبي أسئلتك ويشوفوها الكل

قولي في خصوصية بالموضوع

*******************************

السلام عليكم  

حابب اسأل الاخ ايهم ....

بس بدي اسألو هون لانو عم دقلو عل البيت عم يطلع النمرة غلط  

    

اقتباس

مشكلتي دائما ً بصراحتي مافيني جامل حدا بنوب

بس بنفس الوقت مابخلي أي شخص يزعل مني

فعلا هي مشكلة ...

بس السؤال انو كيف ما بتخلي حدا يزعل منك  

لانو الصراحة بتزعل كتيييييييييييييير ......

سألني انااااا   

بانتظار جوابك ....

عدنا 

اقتباس

هل الرضى عن الذات بالنسبة لك تعني عدم تحريك عجلة لحياة نحو الأمام ..

اكيد لا مو ثبات وعدم تجديد , بعتبره راحة نفسية بسبب الوصول إلا بعض الاهداف كدفعة معنوية نحو المزيد  , لكن هذا لا ييعني التخلي عن مسيرة التطور .

اقتباس

هل تحب تحمل المسؤولية

ما فهمت طبيعة سؤالك , بس رح جاوب حسب ما فهمت .

دائما بتحمل مسؤلية افعالي  وبعترف باخطائي مهما كانت النتيجة .

قد اصف نفسي بالجبان احيانا لتجنبي القيام بأمر ما وتحمل مسؤليته .

اقتباس

بالنسبة للتعبير ... هل تعتقد أن يدك و قلمك يستطيعان التعبير عنك و عما يدور في رأسك من أفكار أكثر من لسان حالك

أكيد وهالشي بلاحظه لما بتكلم بالشات , يمكن لأنه عندي الوقت لأحسب الكلمات اكتر قبل ما قولها , بينما بالواقع فانا مضطر قول الكلمات الواردة في ذهني  بنفس اللحظة . بينما بالشاتت بتروى اكتر لوصل الفكرة يلي بدي ياها .

شكرا كتير اختي الكريمة للمتابعة والأسئلة الجميلة والهادفة .

السلام عليكم و رحمة الله و بركاته :
الأخ أيهم :

اقتباس

علما ً انو يوميا ً قبل النوم براجع كل الشغلات اللي عملتها بالنهار

فعلا هي خطوة كتير مهمة لمحاسبة النفس و تدارك عدم تكرار الأخطاء و بشجعك على هالشي الحلو ..

اقتباس

وبالمناسبة ماباخد صديق غير من بعد قتالة انا وياه

له يا أخي ليش ؟؟؟؟ سؤال : بتحس حالك شخص بيرتاحولوا الناس من اللقاء الأول ؟؟؟؟

كيف تكون معالجتك للخيانة بغض النظر عن الغضب ؟؟؟

اقتباس

بسمع النصيحة بعد مايكون الضرب ضرب والهرب هرب

معناها ما في حدا كتير حوليك بينصحك أو في بس بيخاف ينصحك ؟؟؟

اقتباس

لي سؤال الك: ليش بتحبي الفضايح كتبتلك رقم الهاتف بالرد الأول منشان ماتكتبي أسئلتك ويشوفوها الكل قولي في خصوصية بالموضوع

و الله يا أخي حقك عليي ... بس الأسود زغالي عيوني و صرت خبص بالأرقام .. قام قلت لحالي يلا مالي غير هالموضوع ...هية فضايح بس مو كتير ... لسا الجاية أصعب ...

                                   
                                                                  أسعدني مرورك أخي و تقبل مني سلامي

السلام عليكم و رحمة الله و بركاته :



الأخ محمد :



تحمل المسؤولية قصدت بها على نطاق العائلة .... و هناك شقين للسؤال ؟؟؟ هل تستطيع تحمل المسؤولية ؟؟؟ أم تحب تحمل المسؤولية ؟؟؟

اقتباس

أكيد وهالشي بلاحظه لما بتكلم بالشات , يمكن لأنه عندي الوقت لأحسب الكلمات اكتر قبل ما قولها , بينما بالواقع فانا مضطر قول الكلمات الواردة في ذهني  بنفس اللحظة . بينما بالشاتت بتروى اكتر لوصل الفكرة يلي بدي ياها .

على فكرة و أنا نفس الشي ....بس برأيك شو الشي يلي بيشجع على الطلاقة في اللسان و البوح الصادق ؟؟؟و هل نحنا هيك أحسن أما نتغير أحسن ؟؟؟؟

اقتباس

شكرا كتير اختي الكريمة للمتابعة والأسئلة الجميلة والهادفة .

لا شكر على واجب أخي الكريم ... بس هاد لا يعني إنو خلصنا ...



                     



                                                              تقبل تطفلي و سلامي

السلام عليكم و رحمة الله و بركاته :

الأخ كنان :

بتشكر كتير مشاركاتك معنا و يلي بتسعدني كتير ... جزاك الله خيرا ...

و عم ننتظر مشاركتك الفعلية معنا .....

 

                                                                تقبل سلامي

السلام عليكم و رحمة الله و بركاته :

للإخوة الذين لم يشاركوا معنا بعد ...بمقدوركم أن تجيبوا على الأسئلة كافة و لو لم تكن موجهة لكم ...

 

هلأ السؤال يلي حابة إطرحوا على الجميع .. و لكل منا رأيه فليحافظ عليه فهو البصمة التي تميزه ....

ماذا تفعل إن كنت في مكان عام و كان مجرى الحديث لا يروقك :

أ ) تقطع الحديث لتدخل في سياق غيره ...

ب) تبقى صامتا منتظرا بعد طولة بال تغيير الحديث ...

ج) تنسحب من ذلك المكان و لا تعود إليه مرة أخرى ....

د ) غير ذلك ...

مع العلم أن الناس الموجودين في ذاك المكان هم أشخاص عاديين ... جميعهم بنفس القرابة لنفسك و ليسوا من أصدقائك المقربين ... 

 

 

                                                                    دمتم بخير .........

 

السلام عليكم 

اقتباس

 بتشكر كتير مشاركاتك معنا و يلي بتسعدني كتير ... جزاك الله خيرا .....

.امممممممممممممم

شو هي تقليعة يعني    

هههههههههههههههههههه

اقتباس

 و عم ننتظر مشاركتك الفعلية معنا ..

اذا قصدك انو احكي عن  حالي .........

    

لسا ما بلشت بالمقالة  

عما قريب ان شاء الله