يا جماعة أنا الاعتيان رح يجنني

أنا اللي فهمتو إنو مناخد عينات عشوائية محددة ( و إلا ما بضل شي للبيع)  و منعمل عليها الاختبارات و من ضمن هالاختبارات فحص الهوية

صح؟

طيب ليش قايلين بالصفحة 122 إنو لازم يصير فحص اختبار الهوية على كل حاوية؟!!!

هيك معناها أنا اختبرت كل الحاويات و مو عينات عشوائية!!!!

*********************************************************

بعدين كإنو في غلط بالخطة الثانية صفحة 129

قايلين بالخطة الاولى للمادة اللي من مصدر معروف جداً و الخطة الثانية للمادة اللي من مصدر معروف

فإذا أخدنا مثال إنو عندي 16 حاوية و طبقتوا القانون بالخطة الأولى و الثانية بطلع معكم إنو عدد العينات بالخطة الثانية أقل!!!!
المفروض يكون أكتر لإنو هون المصدر معروف و ليس معروف جداً

بالمنطق لما يكون المصدر معروف جداً باخد عينات أقل من لما يكون المصدر معروف

*********************************************************

و آآآآآآآآآآآخر شي
ياريت حدا يفهمني من وين طلع هاد الجدول بالصفحة 143؟؟؟؟؟؟؟؟؟؟؟؟؟

السلام عليكم

حول السؤال الأول

نحنا بنعمل اختبار هوية مبدئي بواسطة مسبار الأشعة تحت الحمراء IR probe

هو مفروض إذا حاويات لمستحضرات حقنية ان يتم على جميع الحاويات

لكن مدري أنو دستور قال أنو الأحسن لكل المواد لازم نفحص كل الحاويات

================

بالنسبة لخطط الاعتيان

لا تعدي حالك

حفظي القانون وشروط استخدامو

============

قانون Q

بنستخدمو للعينات القليلة
                                                 
بنطبق هالقانون وخلصنا
                                               
لو بدي فكر بكل جدول فما رح أخلص

هيييييييييييييييييييييييييييييييييي



مبرووووووووووووك للمنتخب .... مبرووووووووووووك لسوريا .... مبروووك النا



أحلى مباراة بشوفها بحياتي ...

الشكر لرب العالمين ...




أنا اليوم مافي شي براسي اسمه مراقبة .... مكرسة هاليوم للمنتخب ... مع انو بيستاهلو أكتر بكتييير


الي رجعة بكرة انشالله ..

هيك بدي عيش الفرحة .....


الله يحمي نسور سورياااا




عاشقة منتخب سوريااااا ..... مهاااااااااااااااا

طيب لا تواخزينا

رح نخرب عليكي هالفرحة

عندي سؤال:

باختبار العقامة

صفحة 674
                                                         
قايلين أنو في أنبوب تحفيز النمو (الشاهد الإيجابي بمعنى آخر)
                                               
يكون الاختبار مقبولاً إذا لم تبد أي عبوة من العبوات المطعمة نمواَ خلال 5 أيام
                                         
مو مفروض يظهر نمو بما أنو شاهد إيجابي

والله ما في شي رح يقدر يخرب عليي هالفرحة ...


بس لأني فرحانة رح جاوبك عالسؤال:::::


اي هون في خطأ والصح:  بدل إذا لم تبد ..... حط :::: إذا أبدت أي عبوة نمواً خلال 5 أيام

أولاً - شكراً مها على الفصل التاسع ......وباعتبارك خبيرة بمحذوفات المراقبة

شو رأيك بالنوطة تبع الفصل التاسع ...شو وضعها؟؟

...........

بالنسبة لكل حاوية متل ما قال زيد مجرد نفتح الحاوية ونحط الجهاز....اصلاً حتى لوصارت فالحكي عن الوحدات أما بالحاويات بيكفي ناخد عينة من الحاوية وما رح ناخدها كلها أكيد باعتبارها مادة أولية

أما المنتجات النهائية فاختبارها مخرب لها ..

بالنسبة للطريقتين بالاعتيان ..

الأولى لاختبار العينة (ما بس استعراف)

أما التانية بس استعراف وبالتالي رح تكون أقل ..لأن بس استعراف

ألف مبروك لمها.........قصدي للمنتخب السوري 


والله حلال عليكِ.........مو متلي روحت عرس وعصرية بسبب المراقبة ولأني ضيعت كتيير وقت أول يومين بعد الملازمة 



=====================

اقتباس

و من ضمن الأخطاء المسألة اللي سألت عنها غولدن

يسلموا أنك ذكرتينا بتصحيح الأخطاء...........بس بتضل المسألة خطأ وما بيطلع نفس الرقم 



===================

كل شي سلايدات ما عجبني بنوب

كأنو ضحكان علينا الدكتور بسلايدات التاسع!!

لأنه حسيت أنه نفس الكتاب............بقا ندرسهم من الكتاب الملون الظريف أريحلنا


بس سلايدات أول 3 فصول....هنن 35 صفحة بكل صفحة أربع سلايدات؟؟ أو ناقصني شي؟؟


====================

بخصوص السيدي طلع على الأغلب صور لأجهزة المعامل يللي عملوها طلابه تبع حلقة البحث السنة الماضية





موفقين

بس ردأً على نسرين ...... ليكي ما بدي انزع مراقي هلأ وسب عالمراقبة ...

والله من هلأ ليوم الخميس ما بعرف كيف رح امسك أعصابي لمباراتنا مع اليابان ... الله يوقف معنا ... والله الفرح ودموعه اليوم غالييييييين كتير ويكتر خير المنتخب يلي عيشني هالإحساس يلي صرلي زمان ما حسيته ... (إلا بفوز الأهلي وأخذه كأس آسيا  )

بعدين ..... أنا فاااااااااشلة بكل شي اله علاقة بالجودة  ... من أيام الصناعية حاولت افهمها وعبس ... فهلأ علأغلب ما رح عذب حالي فيها ..


بس شو هي خبيرة ما خبيرة .... من بعد إذن نور الهداية بدي اقتبس منها هالعبارة "مين طلع عني هالإشاعة؟" ...

بس إذا بدك اسمع مني هلكلمتين نوطة الفصل التاسع ملخص عنو وتقريبا كل شي فيها موجود بالبلوكة قصدي الكتاب ..


سلايدات أول 3 فصول حكينا بموضوعهن ...



آآآخ اضطريتوني اترك فعاليات الفرحة بالفوز .. يلا أنا رايحة كمل .. ومنرجع بكرة منلتقي بالمراقبة ... مع انو الله يلعن الشيطان على توقيت الفحص مع المباريات .. والله لولا الفحص كنت نازلة دور بالسيارة وعلى تزمير وتشفيط وأحلى مشوار والله ..


نسرين ... الله يصلحك روحتي عرس وعصرية على شي مو مستاهل مع انو يمكن بظرف تاني أو من الملل تلتهي نفس المدة  .... ولو رحتي كنتي رجعتي متحمسة وبنفس مفتوحة وكنتي غيرتي جو المقت تبع المراقبة وأخواتها ... بس يلا كلو لخير

اقتباس

بالنسبة لكل حاوية متل ما قال زيد مجرد نفتح الحاوية ونحط الجهاز....اصلاً حتى لوصارت فالحكي عن الوحدات أما بالحاويات بيكفي ناخد عينة من الحاوية وما رح ناخدها كلها أكيد باعتبارها مادة أولية

شو قصدك بالوحدات؟؟؟

******************************************************


مها

الله يديم عليكي الفرح....

السلام عليكم

بس تعقيب على السؤال الأول يلي سألتو "نور الهداية"

نحن نجري فحص هوية على جميع الحاويات

والفحص بواسطة IR probe ليس دقيق لكن يعطي فكرة عامة (يعني لو أنا طالب سيتامول وطلع المسحوق أسبيرين فأكيد رح يكتشفو  مسبار الأشعة تحت الحمراء، لكن لو كنت طالب أتورفاستاتين وإجالي روزوفاستاتين فيمكن ما يحسن يكتشفها المسبار وهون لازم استخدم طريقة نوعية أكثر)

===================
                                             
بس بدي نبهكم أنو النوطة تبع الفصل ال9 فيها شغلات إضافية عن الكتاب
                                                         
يعني مو نفسو بالزبط