[[لو سمحتوا من هون و رايح أي حدا بسمع بأي شي يخبرنا حتى لو شاف إنو القصة مو مهمة...]]

صراحة سألتني يلي كاتبة هالملاحظات إذا ممكن تنزلهم بالكشك

قلتلها بتفيدي الطلاب
                                                             
وسألت الكشك كزا مرة عنهم وبقلي مافي شي
                                                       
بعدين نسيت الموضوع

=====================

[[آل: يجب أن يبقى تركيز الH+ قليلا ً لأن ذوبانية الراسب تزداد كلما ارتفع باهاء pHالوسط]]
                                                           
بالأساس في خطأ بالجملة
                                                       
لازم تركيز H عالي (مو منخفض)

يسلمو زيد ...


طيب مشان المعايرات بالكيمياء الرطبة .... يعني شو عم تحفظو بالضبط .. بس الأمثلة ولا شو؟؟


لأنو إذا الواحد بدو يقرا التفاصيل بتاكل كتييير وقت

السلام عليكم

أنا حسيت أنو أي شغلة فيها تعداد بتجي بالفحص
                                     
أو أي شي معو مصطلح بالإنكليزي
                                               
بالنسبة للمعايرات فأهم شي معايرة كارل فيشر (مستحيل ما تجي)
                                                                         
أما بقية المعايرات فقرأتهم عالسريع ومجرد معرفة الفكرة العامة

اقتباس

طيب مشان المعايرات بالكيمياء الرطبة .... يعني شو عم تحفظو بالضبط .. بس الأمثلة ولا شو؟؟

الدكتور قال إنو الأمثلة فقط للاستئناس

يعني متل ما قال زيد المهم الفكرة العامة و شي مثال كتير مشهور

اقتباس

بالنسبة للمعايرات فأهم شي معايرة كارل فيشر (مستحيل ما تجي)

أنا ما فهمت منها شي غيرأول  كم سطر

و بالمناسبة إذا حدا سأل شو تركيب محلول كارل فيشر شو منجاوب؟؟؟

هلأ أنا لما حضرت هي المحاضرة الدكتور وقف عند صفحة 519

فيا ترى باقي الصفحات محذوفين

*****************************************************

كمان سؤال:

السلايدات فيهن شي محرز كتير؟

يعني إذا الواحد تركهم بصير شي مصيبة؟؟

*****************************************************

سؤال عالهامش:

حدا زارتو ذبابة تسي تسي بهالكم يوم؟

حاكم أنا هلكتني هالذبابة مبارحة

السلام عليكم

أهم شي بمعايرة كارل فيشر (تقول اخترع الذرة)

تفاعل I2 مع SO2 بوجود الماء

المثانول: مذيب
البيريدين: قبط البروتونات الناتجة عن التفاعل

يستخدم مقياس الكمون: إلكترود Pt  (بغير مكان مذكور أنو بنستخدم مقياس الأمبير المضاعف bi-amberometry)

يضبط التيار على 10 ميكروأمبير

عند نقطة انتهاء التفاعل: انخفاض الكمون بشدة لزيادة I2

يقيس كميات زهيدة من الماء: 10 ميكروغرام

يضبط المحلول بطرطرات ثنائية الصوديوم الحاوي على 2 H2O

((طبعاً فتحت الكتاب لعرفت اكتب هي الشغلات))

=====================

إذا قصدك على سلايدات الفصل 9
                                                   
في بأولهم وصف لأجهزة وطرق تحديد الشكل البلوري (DSC وغيرها)
                                           
وفي بآخرهم وصف لأنواع المذيبات وتصنيفها
                                                         
الباقي يمكن كلو إعادة

=========================
                                                           
بالنسبة لشغلة النوم
                                                         
كتير مرات هيك بصير فيي وقت بدي اهرب من واقع الحياة

بالتوفيق جميعاً

شكراً زيد

بس الوضع ما عاد طبيعي بنوب

لكان في بني آدم طبيعي بالحياة بنام 20 ساعة من أصل 29 ساعة

   

*********************************************************

مشان المسألة صفحة 497 حدا عرف يحلها؟

حاولت حلها بكل الطرق و ما عم يطلع نفس الجواب

إذا حدا عرف يا ريت يسعفني بالجواب....

اقتباس

((طبعاً فتحت الكتاب لعرفت اكتب هي الشغلات))

زيد ضحكتني .. يعني اتقيت شرنا بهالعبارة 



خلوني ساعد شوي ...


مشان المسألة صفحة 497 فيها أخطاء والتصحيح مايلي:

التمديدات كما يلي 75 ملغ      ب 1000 مل

                                0،75 ملغ    ب10 مل

                                0،75 ملغ  ب50مل

1%    كثافته الامتصاصية  323
س%              =                  0،24

س=  0،000743    %    أي غ  ب100 مل من المحلول ...

ولكن نحنا عنا ملغ ب50 مل


فبكون تركيز المحلول = 0،000743 ضرب 1000  تقسيم 2 = 0،3751 ملغ ب50 مل

النسبة المئوية = 0،3751 تقسيم 0،75  ضرب 100 = 49،53%

شكراً مها

و أنا كنت مفكرة إنو في خلل بعقلي

طلع الخلل بالكتاب

************************************************************

بدي قلكم على مقلب صار فيني مشان ما يصير معكم

قال هبت علي رياح الذكاء و تركت الدراسة و قلت خليني حل الدورات

و مافي غير يمر معي أسئلة من المريخ و بلش يجيني الاكتئاب

بعدين هبت علي رياح الذكاء مرة تانية و خطرلي شوف تاريخ تأليف الكتاب

و لقيت التاريخ 2007 و هون كانت الصدمة لإنو الدورات اللي ما بتنحل هي اللي قبل 2007

يعني بالمختصر لا تحلوا غير الدورات اللي من 2007 و طالع مشان ما يجيكم الاكتئاب عالفاضي

موفقين

يا هلا فيك ...

انبسطت انو في حدا سهران لأنو أنا اليوم ما درست ولا كلمة واتدايقت كتييير للظلم يلي صار معنا بمباراة اليابان ... الله لا يوفقه للحكم .. الواحد إذا خسر بقول مو مشكلة الرياضة ربح وخسارة .. بس انو يفوت عليه هدفين والاتنين مو مستحقين هووون بتكون الطامة الكبرى ..

يلا الله يوفقنا بمباراة الاثنين ويعوضنا ونفوز عالأردن ونتأهل ..

فهلأ قلت بدي نام لأنو تعبت أعصابي اليوم .. بس لسه عندي كتيييير وبكرة لازم اترك كل شي بقيلي وابدا بالتركيز شوي عاللي قريتن لأنو حاسة طار كل شي من راسي ..

ووينك يا فنجاني القهوة وخوود على كافئين بلكي بصحالي شوي وبدرس كم صفحة وبكرة بتبلش المراجعة وكل شي بقي باي باي



شكرا على نصيحتك مشان الدورات .. وحضرتي أكييد ما كنت رح انتبهلها


لك شو مشان الفصل السادس .. شو درستو منو؟؟

وكمان الأجهزة بآخر الفصل التاسع والمعايرات والله مررت كم كلمة من كل فقرة مو أكتر ... لأ والحمدلله مو تارك جهاز مو حاكي عنو .. كمان هدول الله معن


صحي شو قصة سحب الأدوية والمستحضرات ... شكله في إن بالموضوع ..

يعني السنسوداين، فيا أناناس، كل مستحضرات الروزيغليتازون، الديكستروبروبوكسيفين، السيبوترامين ... إلخ


شو مشااان؟؟؟

بعرف حكيت كتير ... بس عم فضفض ومشان تحل عني ذبابة تسي تسي الملعونة :)

موفقين

والله يا مها انقهرت كتير عليكِ بيللي سمعته من ظلم للمنتخب......قلت إن شاء الله تكون انقطعت الكهرباء عندك وما شفتي هالشوفة مشان تعرفي تدرسي

==============

بخصوص الفصل التاسع يا لطيف شو جنني.......طويل وغليظ......آخره عندي ممانعة من تركيزه وبعد ما قرأته رجعتله وكأني مو سمعانة فيه من قبل 


بس حضرت محاضرته بتذكر قال الأجهزة يللي بالصفحة 516 وأول 517 مطلوبين بالاسم بس.....وقتها قال هدول للتحليلية ومن 520 للأخير كمان بتذكر ما شرحه إلا كأسماء إلا اللهم مقياس الأمبير والتوقف الميت dead stop




صراحة مو متأكدة بس على الحالتين ما بطيق هي الشغلات وما بركز فيها



موفقين بالمراجعة