أنا نزلت عالكلية اليوم و البرنامج موجود بالكشك و توزيع المواد كتير حلو يللا نشالله بكرا يكون حلو كمان

مرحبا انا طالبة سنة اولى
بس حبيت اسأل فعلاً العملي ما بيبلش للأسبوع الجاية؟
لأنو اليوم ما كانوا موزعين لا الفئات ولا الشعب

سنة أولى بالنسبة للعملي فما ببلشوا إلا تاني اسبوع

بس بتذكر الكيميا عطونا تعليمات عامة أول جلسة بس ما في شي مستاهل ...


وهي رح اكتب لمحة عامة عن العملي (طبعاً هاللمحة عمرها 4 سنين فصححولي إذا في شي تغير) :


الكيمياء العملي:

تقسم إلى قسمين:

القسم الأول : وهو الأكبر

في كل جلسة تتعرفون على مجموعة مكونة من 4 عناصر من الجدول الدوري ...

وتعملون تفاعلات التعرف عليها ...يعني الرصاص بيعطي راسب أبيض مع كذا وكذا ...

يعني بضلوا من أول الجلسة لآخرها وأنت عبتعملوا تفاعلات ...

وبآخر الجلسة بتاخدوا مجهول لأحد العناصر من المجموعة ...

بتقوموا بتساو تفاعلات وفق خطة عمل من التفاعلات اللي تعلمتوها لحتى تكشفوا أي عنصر معكم

وأحلى الشي لما تكون النتيجة سلبية يعني بتساوي كل شي تفاعلات وما بيزبط شي ..

يعني ما في شي

أما الحظو حلو من أول تفاعل بيسلم التقرير وبيفركها

القسم الثاني: جلستين معايرة ما مستاهلين ...

الفحص كمان مجهول لعنصر بس من كل العناصر يلي أخدتوها بالسنة

الدفتر مفتوح أمامكم وكتير سهل (إلا إذا العنصر كان ابن حرام......)

وفيه مذاكرة نظري وفحص نظري بيعتمدوا على معلومات كيميائية عامة....
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^

التشريح :

هي على غيري لأن ما كانت على دورنا


^^^^^^^^^^^^^^^^^^^^^^^^^^^^^^^^^^^^^^^^

الحيوان أو ما يعرف حالياً ببيولوجيا الخلية

هي يمكن تغيرت كمان ..........بس عموماً بيحطوا مجاهر وفيها محضرات جاهزة بطلعوا وبترسموا

وبالمذاكرة بيحطوا سلايد وبطلعوا بالمجهر ولازم تعرفوه ...

يعني خلال الجلسة حاولوا تشوفو علامات مميزة للمحضر ......

وفيه CD بينزل بالكشك آخر الشي بالصور ...

........

السلام عليكم........

بس مشان عملي الكيمياء في آخر شي مقابلة شفهي و الكل بيطلع راسب منهادون استثناء لأنو الأسئلة يلي بيسألوها ما حدا سمعان فيها...

مشان بيولوجيا الحيوان لازم يكون في سرعة كبيرة بالفحص لأنو في شي 10 محضرات بدكون تعرفوا شو هنن و على كل واحد دقيقة

و يمكن عندكون نبات هالفصل هيك سمعت إذا صح  فكمان بتحطوا شقفة من نبات معين تحت المجهر و بتصيروا تتفحصوا العناصر التشخيصية و المميزة لكل نبات و بالفحص بيعطوكون مسحوق بناء على الصفات المميزة بدكون تعرفوا شو هو مع الرسم طبعا....

شكراً كتير iron man و salam ع المساعدة   

                مرحبا في بالامكان من طلاب الصيدلة يكتبولنا شو هيي مواد الصيدلة لكل السنين

السلام عليكم.........

فيك تفوت على ساحة كل سنة و هنيك بتلاقي موضوع اسمو دليل الطالب للسنة........ في المواد و طرقة الدراسة و كيفية الأسئلة بالفحص.......

مثلا بساحة السنة الأولى في هالموضوع

http://pha.jamaa.net/art262239.html

و هيك بكل ساحة.....

السلام عليكم

بدي استفسر عن البطاقة الجامعية .. ايمتى بدنا نستلمى ومن وين
وشو لازم نساوي نحنا
وكمان بطاقة العملي .. شو الفرق بينها وبين البطاقة الجامعية 

وشكرا الكن كتير 

السلام عليكم

هلأ البطاقة الجامعية قريباً بتاخدوها ان شاء الله ... ما متزكرة الوقت بالزبط بس ما في وقت محدد

بس ما بيتأخرو فيها

لبين ما تجيبوها خلي ورقة التسجيل معكون بالجامعة

أما تبع العملي فهي ما عطونا ياها بالفصل الأول ... بس كان تأخير منهن

بس هلأ مطلوبة منا صارت لدخول العملي بما انو صارت معنا ... فلا تهكلو همها مبدئياً

أما البطاقة فهي بدكن تحتفظو فيها متل الهوية ... يعني ديرو بالكن عليها

يعني البطاقة الجامعة متل الهوية مهمة كتير ليعترفو فيك كطالب بالكلية ... أما بطاقة العملي بس لدخول مختبر العملي وللفحص

هاد اللي بعرفو لحدا الآن 

وبالتوفيق ان شاء الله 

شكرا كتير  ~ Asil~

طيب سؤال تاني :

المحاضرات يلي عم تنباع بالكشك، هل هي تبع الدكتور بذاته
اما طلاب هنن يلي كاتبينا ؟؟
يعني فينا نعتمد عليها اما لأ ؟

وشكرا كتير مرة تانية