اووووووووووووووعا ديري بالك
بعتقد انو مابتئدري انا قريت بدليل الطالب انو اللي بيسجل بالمحافظات الشرقية يسمح له بالتحويل المماثل فيما بينها فقط مع الفروع يعني بس الفروعالتابعة لجامعة الفرا انا هيك فهمت لانو انا مان بدي سجل مدنية بالرقة او الحسكة بس لما قريت هاد الكلام بطلت ومابعرف ..........بس اتأكدي منيح من حدا موثوق فيكي تحطي السؤال على موقع وزارة التعليم العالي او تسئلي الموظف الموجود بمركز التسجيل للمفاضلة

بتمنى انو قدرت فيدك واذا عرفتي شي عن هدول المحافظات بوقت قبل  الاحد ممكن ماتبخلي علينا
شكرا الك
بعتذر اذا طولت
تقبلي مروري

السلام عليكم ...

sweetlife

مع انو الرد متأخر شوي ...

بس شكرا كتير الك ...

شو ما حدا بدو يرد علي و يفيدنييييييي ;    

السلام عليكم

[[safo]]

بالنسبة لتكاليف الدراسة للطلاب العرب غير السوريين فهي 320 ألف ليرة سورية بالسنة
ما يعادل 6400 دولار

هذا حسب ما أعرفه قبل 5 سنوات أما الآن فلا أدري إن كان يوجد تغيير
ولا أعلم إن كان المبلغ يقبض بالدولار أم بالليرة السورية

                                                                   
الأفضل أن تتابعي السفارة السورية لديكم

شكرا كثير أخ *ZAID*........جزاك الله خيرا

أول شي لسلام عليكم

هلأ بدي اسئلكن عن أختصاص المخابر
يعني كم بيقبلوا طالب بالعادة وفينو الواحد يشتغل أثناء الدراسة أو ع الأقل اخر سنتين ............................

ويسلمو سلف

وعليكم السلام ورحمة الله

اختصاص المخابر عادة بياخدوا في بحدود ال 16... بس كأنو هالسنة رح يقللوا العدد بكل الاختصاصات...

مشان الشغل حسب القانون ما في على حد علمي... بس أغلب الطلاب ما عم ترد وعم تشتغل وتنسق وقتها بين الدوام والشغل لحتى الدكاترة ما يدايقو منو...

عالعموم منشوف رأي طلاب الماجستير بهالقصة...

السلام عليكم:
بالنسبة للمخبري:
بصراحة هادا الفرع بده دراسة ومن أول السنة وبده تفرغ كتير كتير.
أول شي هادا الفرع سنتين نظري، مو سنة متل باقي الأفرع.
وتاني شي غير حضور محاضرات النظري والعلمي في ستاجات، وفي مناوبات بالمشفى. فما حدا بيقدر يشتغل بحكم الدوام الطويل والمناوبات حتى الليلة واللي ما الها برنامج كل أسبوع شكل. ولا حتى صيدلية مسائية.
بعدين بالأصل طلاب الماجستير هنن بحكم الموظفين، إذا رئيس القسم ألزمهم بجلسات عملي بدهم يشاركوا بالإعطاء، لأنوا بالأصل بيقبضوا راتب  

لكن العدد 16 تقريباً.
بس ملاحظة:
قبل ما يدخلوا صيدلة الطلاب بيفكروا انو الصيدلة أحسن شي فيها المخابر_وأنا هيك كنت فكر_ وانو المحاير بدها معدلات عالية. هادا الشي مو دائماً، يعني حسب المتقدمين، بجوز الأوائل تبع الدفعة بحبوا غير فرع فهادا بتنزل معدلاته. يعني الموضوع نسببي.
بالتوفيق إن شاء الله .

اختصاصي مو مخبري لكن رح احكي حسب ما أعرف وأكيد جماعة المخبر هنن  الأجدر بالاجابة

متل ماقال فارما قسم المخابر في الدراسات العليا قسم في شوية تعب في أول سنتين مواد لكن بعدين بيرتاح الواحد بالرسالة ورغم هالشي فأنا عم لاحظ انو كل طلاب المخبري اللي بعرفهن عم يشتغلوا دوام كامل يعني فينو الواحد يتأقلم مع الوضع 

بالنسبة للمناوبات هي حسب الفرع الذي يتبع القسم  المخبري فمثلا فرع الكيمياء الحيوية السريرية هو أكتر فرع مرتاح من هالناحية  بس الله يعين فرع التشخيص المخبري اللي دوامن أصعب من غيرن

بس على كل حال اختصاص المخابر اختصاص رائع  جدا  ومستقبلو منيح نوعا ما

العدد المطلوب كان 20 تقريبا (وهذا العدد يشمل كل الجامعات وحالات الموازي وغيرها )  لكن هالسنة الله أعلم 

تمنياتي لك بالتوفيق في اختيارك