السلام عليكم......

رح احكي عن نهفتين إلي مع د. سمير

الأولى معو كانت بالأسبوع الأول من الدوام بالسنة الأولى, و كنت يعني لسا جديدة عالجو و ما لي عرفانة حدا من الدكاترة, و كنا أنا و رفيقتي عم نفتل بهالجامعة و من كتر الفتل تعبنا و كنا بدنا نطلع عالتاني و الاسنسير ما عم يجي قام لقينا تنين طلعو بالاسنسير التاني(يلي ما كنت عرفانة إنو خاص بالدكاترة) قام قلتلها لرفيقتي امشي نطلع هون بسرعة قبل ما يروح علينا..

و الله ما كذبنا خبر و طلعنا في, و كان هالاتنين هنن د. سمير و د. زيد......

قام شو سئلنا (شافنا جدبان ) أنو سنة إنتو (عمو) ...قلتلو أولى ... قام بيقلو للدكتور زيد و هو عم  يضحك إذا من هلأ وهنن سنة أولى عم يطلعوا مع الدكاترة بكرا ليصيروا خامسة مع مين بدون يطلعوا....
و من وقتها عرفت إنو هالدكتورين حبابين

و التاني(نقلا من موضوع أحلى النهفات أحلى العثرات)

باليوم العلمي العالمي للعقاقير,  كان عنا وقت فراغ منيح قمنا قلنا لحالنا منحضر

هاليوم العظيم هاد و منشوف شو بدو يصير في , و وقت خلص العملي الأول شي الساعة 10

نزلنا لتحت و شفنا هالطاولات و صرنا ننتقل من طاولة لطاولة و ناخد بروشورات و نخلي هالمشرفين

المعترين يشرحولنا عن كل شي..... و قال يعني كنا عم نفهم شو عم يشرحوا..........

و كان على بعد كم طاولة من عندنا في شوية عجقة........ طلع الدكتور معلا و في حولي الدكاترة هنن

يلي عاملين هالعجقة قال شو عم يفتتح الطاولات ( إي شو هي مول و لا شي منشأة مهمة)

المهم مالكون بطول السيرة , قال تفالحت و قلتلون لرفقاتي تعوا نسبقهون و لبين ما تخلص العحقة

منروح لغير طاولة و بعدين منرجع........ و كمان قال اتفزلكت و أخدت بروشورات منها.......

و إذ عين د. سمير بتوقع عليي و بشوفني

كيف عم آخود بروشورات و فورا بياخد كل الغلة يلي بإيدي و

بيطرأني بهدلة قال شو لسا ما افتتحوا هالطاولة و ما بيصير آخود شي قبل الدكتور معلا...

           
         
لاء و عينكون تشوف رفقاتي و هنن عم يتكركروا و يتصهصلوا عليي على الكم يلي

أكلتوا عند الصبح.....

يتبع إن شاء الله........

السلام عليكم......

رح أحكي عن موقف بيسلق البدن....

هذا وقت الفيروسات طلبت الدكتورة دفتر شي حدا عم يكتب لحتى تصوروا و تعرف شو

عطتنا..... و و قتها ما حدا رفع إيدو.... قمت قلت لحالي خليني قلها أنا بعطيكي ياه.....

و بعد كم يوم مرقت أنا و رفيقتي لعندها عالمشفى مشان نسئلها عن المحاضرات الإضافية

و بعد ما جاوبتنا قالتلي معك دفترك... قلتلها أي.... قام قالت للسكرتيرة صوريلي ياه... فصورتو

السكرتيرة و رجعتلي ياه.... و وقتها الدكتورة أخدت اسمي و رقم موبايلي.... و نحنا و طالعين

استعارتو رفيقتي مني على أساس بترجعو بكرا......

و أنا رجعت على هالبيت و حطيت راسي و نمت, و بعدين فقت و درست و صليت المغرب و

رجعت و درست.... و في أثناء ذلك كانت الدكتورة عم ادقلي و أنا و حاطة الموبايل صامت و

بالشنتة... و ما بلاقي إلا 5 مكالمات لم يرد عليها و رسالتين منها إنو مشان رد عليها.....

اقمت دقيتلها فورا و أنا واصل الدم لراسي.... و ردت عليي و قالتلي إنو شو وينك إنتي إلي من

زمان عم دقلك و ما عم تردي عليي.... أنا هلأ عندي اجتماع و بعدين بحاكيكي لأنو الوراق

تخربطوا و بدون إعادة ترتيب... و أنا قلتلها تكرم عينك....

و هي سكرت منهون و أنا اتذكرت إنو الدفتر مو معي..... و ما استرجيت ارجع دقلها مرة تانية

بكفي أول فصل ساويتو....

و النهفة الكبيرة إنو يلي راحت معي ما معي رقمها, و دق من وحدة لوحدو و ما حدا معو

رقمها... و أنا عم فور و اهمد و مضت ساعة و ما كنت لاقي رقمها..... و بعدين الله ألهمني دق

لآية الرحمن و قلت بركي بتعرف حدا معو رقمها..... و فعلا قالتلي إنو أنا معي رقمها....

قمت أخدتو و دقيتلها فورا و قلتلها شو صار و بلشت آخد أول كلمة و آخر كلمة من كل صفحة...

هيك يعني لشي محاضرتين.... قلتلها حاجة ما بتصور إنو تاخد مني أكتر من محاضرتين....

و بعدين بدق الدكتورة عالبيت... و ببلش قلها أول كلمة و آخر كلمة.... خلصت المحاضرة الأولى

(و هي يلي كان فيها نقص صفحتين و يلي كركبو الدنيا) و خلصت التانية و هي لسا بدها تكمل

و هي طاسة مي سخنة تالتة انكبت على راسي... قلتلها باينتو كلو صح فما عاد في داعي

قالتلي مبلا خلينا نكمل للآخر... قلتلها متل ما بدك بلشي لتبعلك..... و هي تحكي و أنا قلها

صح... مزبوط...تمام... هيك لآخر شي مصورتو....... و أنا حاطة إيدي على قلبي إذا كان في

شي ناقص شو بدي قلها.... بس ربطم حميد ما طلع في شي ناقص..... و إذا سئلتوني كيف

عرفت لأنو و هي عم تحكي كنت عم اتذكر شو دارسة من شي يومين كنت عاملة وش لمادتها

فكلشي عم تحكي كنت عم اتذكروا و الحمد الله طلع كل شي بعدين صح.......

بس أما شو مقلب و الله ما بنسى بحياتي كلها.......

يلا مضت عخير وبقيت ذكرا بتضحك

وهي الدكتورة كتير حبابة

بس ليش عطيتيلها الدفتر

أنا كنت اكتب المادة وطنشتها

وبعدين راحت وحدة عطتلها الدفتر

وكنتي أحسن صوريلها الدفتر بالكشك قبل ما تروحي لعندها

السلام عليكم......

أي أنا ما كنت رايحة لأعطيها الدفتر.... كنت رايحة بس لأسئلها عن الإضافي ايمتى و كنت نسيانة قصة الدفتر, و هي فاحئتني بالقصة....... بس القسم البقيان عملت متل ما قلت و صورتلها ياه و عطيتها ياه.....

و متل ما قلت بتبقى ذكرى بالبال بضحك..... يعني و الله مو حلوة الجامعة بدون هيك نهفات....

والله موضوعك يا سلام نهفة..

أكيد إلي رجعة بس لأكتب الفصل اللي صار على أصوله ..
أما موقفك مع الدكتورة فوزة.. لا تحسدي عليه أبداً..

اقتباس

يمكن جماعة الشعبة التانية بيتذكرو .....

أيييييييييييييه مظبوط..........

عنجد شو بدي أتذكر منك يا سفرجل

وقتا بتذكر أنو وقع قلبنا وقت قالت الدكتورة "عميد" .........

بس بتعرفو .....

والله كنا ننبسط شوي ....... خصوصاً بهاد النهار المريخي!!!!!!!!

يعني نحس بقيمة "الهاوس" والكنباية ........

من بعد ما يكون تأرمو جنابنا من المقاعد المريحة   

ولا من المكيف اللي ما بينطفا..........2423 

         

على فكرة ال د.سمير قلنا مرة"موتصوروني هلأ وبتنشروها عالانترنت"
الظاهر إنو مرتو بتغار عليه





ههههههههههههههههههههه والله عجبتني هي لك ليكون مفكر حالو تامر حسني أو عمرو دياب

بتذكر كان يومتها عيد الحب ............

وكان عنا محاضرة بنفس اليوم عال11 أو عال12  مابقى اتذكر

وصار وقت المحاضرة والدكتور اتأخر .........اتأخر .......... اتأخر...............


ونحن صامدون............ صامدون................. صامدون

وبالآخر إجا الدكتور

وبالبداية صار يعتذر عن تأخرو  وقلنا : كان عندي مناسبة خاصة جداُ

وساد صمت  في المدرج بعدين صارو الطلاب يتهامسو يقولو : عيد الفالانتاين

حتى وصل صو الهمس للدكتور وضحك

وقلنا لاء

بس القفشة لما طلعت المناسبة ذكرى وفاة     

متذكرين طلاب الرابعة سابقاً الخامسة حالياً   

السلام عليكم.......

اقتباس

ونحن صامدون............ صامدون................. صامدون

   

اقتباس

بس القفشة لما طلعت المناسبة ذكرى وفاة 

ييييييييييييييييييي على هالقفشة و الله يتضايق  ...... بس مين هالدكتور.........

سلام لا تفكري أنو صامدون صامدون مشان المحاضرة

بس لأنو كتير بحب اقعد مع رفقاتي بالأرضي 


أي والله ياسلام قفشة ........

بدك تعرفي مين الدكتور

.
.
.
.
.
.
.
لا يا ؟؟؟

يللا رح قلك : الدكتور أنطون

بس كتير كان حباب وراقي وأخد الموضوع بضحكة