اقتباس

وقت نزلت موضوع الهضم الأستاذ الشافعي طلب مني نزل اسم الدكتورة وصورة لغلاف الكتاب ومعلومات عن الكتاب ..........

هي معناتا اعتبر الموضوع متل ملخص عن كتاب

بس الفكرة ما بنحسن ننشر شي خاص بالكلية

شي الو علاقة بمنشورات جامعة دمشق

هي ملك للجامعة

أنا بعتقد أنو المعرفة صعب تنزلو عليها

لأنها مقيدة بالمراجع

وإذا دخلتوا بالكتب الجامعية

بتدخلو بدوامة وسين وجيم

السلام عليكم

كنت مفكركم نايمين طلعتو عمتشتغلو هون

المهم...........

ما بعرف شو رح تقرررو إذا مسموح أو لاء...

يعني بصراحة ما بدنا نكتب شي وبالآخر ينحذف

وإذا ضلينا هيك على خدني جيتك  ... وبصير وما بصير .. بيمضى الصيف وما بنساوي شي!!

لهيك قولو كلمة حاسمة 

........

الفكرة تبع "فتاة المستقبل" ممكنة....

بس خلونا "إذا بدكم "شغلة شغلة

يعني هلأ نخلص فيزيو "إذا طلع بيمشي الحال"وبعدين مدخل و نبات واللي بدكم ياه

((على طول بكون أنا المضحي ....... حدا يستلم القيادة عني شوي ))

وبعدين شو ناويين تضلو سنة أولى.... والله بيأمطني قلبي كل ما فوت على هلساحة !!!!!

غيرت الاسم منشان يناسبنا أكتر

سلام...وخبرونا شو قررتو

سلام الله عليكم ورحمته وبركاته


أتمنى أن تكونو جميع بخير..

وأرجو أن تكون فترة العطلة مليئة بالفائدة...

اقتباس

تاخدو الفكرة الرئيسية من المنهاج لكن أنت طوروها من النت والكتب

بحيث تصبح أفضل وأكثر شمولية وخالية من ...........

وهاد المطلوب....

يعني ممكن ناخد الفكرة من المنهاج...ونتوسع فيها من المراجع أو المواقع العلمية الموثوقة



بالنسبة للمقالات المأخوذة من الكتب والمحاضرات الجامعية...فبإمكاننا نشرها مع ذكر عبارة "من منشورات جامعة دمشق" ضمن المصادر للحفاظ على اسم الجامعة وحقوقها الفكرية....

وأيضا فيما يتعلق بالمواضيع التي علينا كتابتها في موسوعة المعرفة بقترح إنشاء جدول للمقالات المقترحة (على الأقل المناسبة لنا) ونعمل بناءا عليه وبإمكاننا تصميم قوالب معينة أو تصانيف لجعل المقالات منظمة...

================

والسؤال االمهم قبل بدء العمل...

ما هي مواضيع المقالات المقترحة (فيزيولوجيا-.....) وكيف سيتم تنظيمها ضمن الموسوعة...(أعني مثلا تصميم قوالب للفيزيولوجيا-أو للأشكال الصيدلانية أو....) ومن بإمكانه وضعها وتنسيقها...

================

وأمر آخر...

بإمكاننا التنوع في المقالات ضمن الموسوعة...مثلا في التاريخ أو الجغرافية أو البيئة أو ...أو.... (مع التأكد أن لامقالات موجودة مسبقا في الموسوعة) فأكيد كل واحد له اهتماماته المختلفة...

===================================================

اقتباس

ليش ما نكتب محاضرات الدكتور مازن لانو حسيت هالمحاضرات أكتر محاضرات معلوماتها مكثفة و مفيدة بنفس الوقت

على فكرة انا كتبت محاضر ة العوامل العلاجية

أي فكرة منطقية....بس أكيد مع التنظيم والتوسع...

بس ضمن أي فقرة حطيتي المقال؟؟يعني حطيتي تصانيف معينة؟؟


مثلا نحنا أخدنا عن الأشكال الصيدلانية.....وطرق الاعطاء.....والعوامل المؤثرة....ممكن نجمع فقرات مثلا الحقن ونحطها ضمن مقالة واحدة..وهكذا...

وأهم شي نذكر المطلحات الدقيقة....مثلا الترجمة من المعجم الطبي الموحد...

وعم فكر أنو بإمكاننا الاستعانة بمنهاج الصيدلانيات 1-2 ؟؟؟شو رأيكم؟؟؟

السلام عليكم
بالنسبة لفكرة تطوير المعلومات برأيي هاد الشي الافضل و منكون نحنا أضفنالمعلوماتنا بنفس الوقت
ملاحظة:المقالة اللي كتبتها حطيتها بعنوان _العوامل العلاجية المؤثرة في تصميم الشكل الصيدلاني الجرعي -(م4)بس لسا ماكملتها لانو هالحكي قبل الامتحان وبعدين انشغلت بالدراسة
بس حاولو نتفق على شي بسرعة بعدين كل واحد بينشغل بشغلة و بتروح القصة.
وكن رجلا ان أتوا بعده      يقولون مر..وهذا الأثر!

السلام عليكم



بس حابة قول شغلة إنو يلي عندو فكرة محددة لنكتب عنها من منهاجنا أو غيرو فإذا بيحب يكتب ولو سطرين بالأول عن الموضوع ولا تعدو تستنو لنتفق كلنا ......... لأنو بيطير الموضوع !!!!!! 


يعني  مثلا بالنسبة لموضوع التغذية ........... قلت لابحث قبل ما نبلش نتفق 
طلع في مقالة جديدة حول هالموضوع

http://www.marefa.org/index.php/%D8%AA%D8%BA%D8%B0%D9%8A%D8%A9

يلا مالنا نصيب فيها  .............. وإذا لقينا شي بالكتاب مو موجود فيها فينا نضيف !!!!!
أو إذا بدكن فينا نحاول نحول الروابط يلي فيها للأزرق ............. لا تضحكو ............ بس عنجد هي شغلة الروابط أساسية  بتقنية الويكي


على فكرة هالمقالة كتير حلو تنسيقها ......... يعني فينا نستفيد منه لمقالات جماعية تانية إن شاء الله

اقتباس

مثلا تصميم قوالب للفيزيولوجيا-أو للأشكال الصيدلانية 

يمكن هي أفضل طريقة للتنسيق ............. وهي يلي كان عم يحكي عنها الدكتور بشار بمركز متابعة أنشطة الويكي ................. وهدول هنن القوالب يلي قدرو يجمعوهن عن الصيدلة ....... وإذا نقصنا شي قالب فمنساويه إن شاء الله

http://www.marefa.org/index.php/%D9%85%D8%B3%D8%AA%D8%AE%D8%AF%D9%85:%D8%A8%D8%B4%D8%A7%D8%B1_%D8%A7%D9%84%D8%AC%D9%85%D8%A7%D9%84/%D9%82%D9%88%D8%A7%D9%84%D8%A8_%D9%82%D9%8A%D8%AF_%D8%A7%D9%84%D9%85%D8%AA%D8%A7%D8%A8%D8%B9%D8%A9

اقتباس

المقالة اللي كتبتها حطيتها بعنوان _العوامل العلاجية المؤثرة في تصميم الشكل الصيدلاني الجرعي

   

يعطيكي ألف عافية "فتاة المستقبل" .................
بس مابعرف ........... ما عم اقدر لاقيها لمقالتك عالمعرفة .............. إذا في مجال تحطيلنا الرابط تبعها

ويعني إذا بتحبو لما تنزلو شي مقالة يكون العنوان قصير ومختصر بكلمة أو كلمتين
مشان سهولة البحث .........


مثلا شوفو هاد المقال كمان بعنوان "دواء"

http://www.marefa.org/index.php/%D8%AF%D9%88%D8%A7%D8%A1


إذا بدكن فينا ننطلق منه لما بدنا نكتب شي إلو علاقة بمادة المدخل مثلا 



شوفو شو بيصير معكن ............. وبالتوفيق إن شاء الله

مرحبا...

هلأ حكيتو كتير شغلات حلوة ..

منشان المصادر بعتقد انحلت القصة ... أو بالأحرى هلا رح تنحل

بآخر كل كتاب  مكتوب المراجع اللي اعتمد عليهم الدكتور  ........

فينا نذكرهم بالمقالة أو لاء ...

يعني ضروري نقول منشورات جامعة دمشق ونفوت بسين وجيم

بنكتب المقالة وبنحط المراجع كلهم .... وخلي العالم تدور

لا عمبمزح

هلأ نحنا غرضنا نبيل ... وما رح نكتب شي خطأ

فبنكتب أسماء هي المراجع منشان التوثيق مو أكتر

وبرأيي

لبين ما نتفق على هلمشروع تمام "اللي هوة نتقاسم كتابة مواضيع المنهاج ونكتبو بالمعرفة" نبلش متل ما قالت مها

يعني الروابط الحمرا نساويها زرقا

وأكيد بتخبرونا كل واحد شو عميكتب وشو عمبيساوي ...

بركي بنصير نغار منو "غيرة إيجابية طبعا" وبنكتب كمان

هلأ بهليومين مشغول بدليل الطالب ...وقت يخلص بعطي اهتمام أكتر للمشروع الجماعي تبعنا

صباح الخير
اول شي بالنسبة لمقالتي انا آسفة( هي حالات بعد الفحص)بعنوان تصميم الشكل الصيدلاني الجرعي
كتير حبيت فكرة مقالات اللي باللون الأحمر وبتمنا نبدا فيها بتصير المقالات مفيدة أكتر و انا  رح ابدا من مقالتي لبين ما نتفق على شي



أين السبيل الى المسرة دلني
و أمتي ثوب المذلة ترتدي؟
أين السبيل و جرح البري نازف
بالله قل لي كيف أخفي دمعتي!

السلام عليكم

اقتباس

فبنكتب أسماء هي المراجع منشان التوثيق مو أكتر

الأفضل لاء...لأنو الدكتور بيقتبس من المرجع أو بيترجم منه مابينقله متل ماهو..

وشو بيأثر إذا ذكرنا "جامعة دمشق"


بالإمكان الاعتماد مبدئيا على منهاجنا ...وبعدين منتوسع أكتر من المراجع..ممكن وقتها نكتب اسماء المراجع المستخدمة ضمن المصادر..

بس يلا ياجماعة أهم شي نبلش شغل بسرعة والأمور الشكلية خليها لبعدين...

يلي بلش بالفيزيولوجيا خلي يكمل.....ويلي بلش بالمدخل يحاول يتوسع قدر الامكان..

إن شاء الله هاليومين ببين معنا كيف التنسيق بالضبط...بس خلينا نبلش..

والله يعطيكم ألف عافية...