اقتباس

في الواقع انا ما فهمت اللي بدن يا على ما يبدو ...

يعني عم تقولي نبعتلن كتب ...

بتقصدي اسماء كتب ولا كتب الكترونية ؟ (معلش انا من حين لاخر بكون فاصلة

صراحة أنا لسا ما كتير فهمت الموضوع.....بس قلت أول شي بسألكن شو الكتب يللي عندكن .....

بس بعتقد مطلوب إرسال الكتب شخصياً بالشحن لمصر مثلاً.....


وببقى بتأكد من المطلوب..........

السلام عليكم


اليوم حكينا أنو ممكن نكتب بموضوع فيزيولوجيا التغذية.......كلنا سوا....ومنحطه ضمن مساهمات جماعية

خلينا نقسم الدرس لأقسام.....وكل واحد بيكتب قسم على موسوعة المعرفة..


وفي كمان موضوع الهضم...........هلا كتبت عن الامتصاص.....بس تم تحويل الموضوع إلى الهضم....فممكن نستغل هالشغلة ونكتب كمان عن جهاز الهضم ووظائفه و.....

ممكن طلاب السنة الأولى يلي اتدربو حديثا يكتبو أو يساعدو........شو رأيكم



بس لازم نتصرف بسرعة................بلا ماتمط الشغلة.....

وملاحظة تانية....

مو ضروري (برأيي) أنو نتقيد بالكتاب 100%.........ممكن نحذف الشغلات العلاك أو غير المهمة وممكن نستفيد من غير مواضيع.......ولا شو رأيكم؟؟


بالتوفيق جميعا.............والسلام عليكم

السلام عليكم


بالنسبة لموضوع فيزيولوجيا التغذية

أنا رأيي  نتقاسمه مع الطلاب المشتركين الجدد بكرة....

وإذا بدكون منقسم الدرس لأقسام.....وكل واحد بيحجز قسم....وبضيفه للمقال...


ححاول تقسيم الدرس لأقسام وشوي تانية بكتب التقسيم المقترح....

أو إذا حدا عندو رأي تاني فيتفضل....

والمقالة حأحذفها من مقالاتي وخليها ضمن جدول جديد مقالات تاعونية أو هيك شي....

كل واحد فينو يعدل يلي بدو ياه....



موفقين جميعا....

السلام عليكم ورحمة الله وبركاته....



يالطيف شوفي غبرة هون.......أديش صرلكم مافتحتو الموضوع؟؟؟

صار بدو شوية تعزيل وتنظيف....وشوية تغيير بالديكور...

قصدي تغيير بالاسم....

لأنو إن شاء الله صرنا سنة تانية!!!...طبعا بإذن الله....


وهلأ صار وقت نرجع لنشاطنا قبل الفحص....(يخزي العين...!!!)

يلا ناطرين أفكاركم....

والله يمضي هالمادة البقيانة على خير...

السلام عليكم ورحمة لله وبركاته...

سبحان الله!!!

كم هو  غريب انقضاء تلك الأيام....-أيام الامتحان-....بسرعة البرق...

كم قلنا من قبل :((لا وقت لدينا الآن....لدينا امتحااااااااااان...))

وها قد انتهينا والحمد لله ....وحان الوقت لنكمل  ما بدأنا به خلال الفصل الثاني و نعود إلى هدفنا الرئيس ألا وهو إرضاء رب العالمين والعمل على نشر العلم  و التعاون على ذلك....

وأظن أن آخر فكرة اتفقنا عليها كانت اقتسام بحوث منهاجنا لنشرها على المعرفة....

فما رأيكم أن نبدأ بمادة الفيزيولوجيا باعتبارها المادة التي افتتحنا بها الامتحان؟!

وكنت أفكر ما رأيكم أن نبدأ ببحث لم نأخذه خلال الفصل كالكلية مثلاً وبذلك نضيف إلى معلوماتنا شيئاً جديداً أو كما يقولون ((نضرب عصفورين بحجر واحد..))...


أفيضوا علينا بآرائكم....

نسأل الله العزيمة والتوفيق....

والسلام عليكم

السلام عليكم ..
مبروك النجاح لكل مين نجح و انشا الله كل مين حمل مادة بعوضها و بمعدل عالي
بس حبيت اسأل شو صار منشان كتابة بحوث الفيزيولوجيا عالمعرفة؟
لاني حابة ساعدكم بأكبر كمية ممكنة
نسقوا واعتبروني باذن الله معكم
موفقين...

(اذا أتقنت ادارة وقت الفراغ تتقن ادارة وقت  العمل)
أنت لا تنجح ما دمت تتخيل الفشل

مسا الخير
ليش ما نكتب محاضرات الدكتور مازن لانو حسيت هالمحاضرات أكتر محاضرات معلوماتها مكثفة و مفيدة بنفس الوقت
غير انها تماما متعلقة بمجالنا
على فكرة انا كتبت محاضر ة العوامل العلاجية.

مسا الخير


أول الشي بدي أتأسف عالتطفل على ساحتكم

ثانياً

بالنسبة لمشروعكم

أنا حابب أنصحكم أنكم طوروه بشكل افضل

بمعنى

تاخدو الفكرة الرئيسية من المنهاج لكن أنت طوروها من النت والكتب

بحيث تصبح أفضل وأكثر شمولية وخالية من العلاك الجامعي

ثالثاً وأخيراً
أنا عندي ثلاثة أرباع محاضرات الفيزيولوجيا

حيث كنت أكتبها في السنة الأولى

ورح حاول نزلها هاليومين

بحيث يكون النص جاهز عندكم

السلام عليكم
                                                                           
بس في فكرة
                                                                             
ما بنحسن ننزل كتاب جامعي متل ما هو عالمعرفة
                                                                                 
لأن هي بتعتمد على وضع مقالات
                                                                       
ولازم يتم تحديد المصادر لكل فقرة