السلام عليكم




ضروري وبأسرع وقت...

إلى المشاركين بالتدريب بورشات الويكي...

أول ورشة حتكون تعريفية وشغلتها بسيطة...

بس حنكلف الطلاب بالورشة الثانية يجيبو مقالات حتى يشتغلو عليها...

مشان طلاب السنة الأولى....

شو بتقترحو مقالات نكتبها ويكتبوها باقي الطلاب......وشو رأيكم تكون من منهاجنا أو قريبة عليه...

مثلا......من الخلية الحيوانية أو النباتية.....أو من أحد مواضيع العضوية....أو الفيزيولوجيا وهي لقيتها الأنسب.....

وممكن مواضيع بتتعلق بالكيمياء أو المواد الدوائية....أو هيك شي..

ولا شو رأيكم..........عطونا اقتراحات لمقالات بس بحيث ما تكون موجودة بموسوعة المعرفة من قبل.......

خبرونا شو رأيكم ؟؟؟

=================

السلام عليكم..

اقتباس

......وشو رأيكم تكون من منهاجنا أو قريبة عليه...

حلوة هالفكرة وهيك بنضرب عصفورين بحجر واحد..

هلأ بالبيولوجيا في كتير مواضيع ممكن تنكتب باعتبار أنها مفصلة وواضحة أكتر من الفيزيولو جيا ...يلي ما عنا إلمام بكتير شغلات فيها...

من المواضيع غير الموجودة على المعرفة:
النتح
الانفضاج
التنفس عند النبات
التركيب الضوئي موجود بس مو موضحة كتير الآلية يعني بدو تعديل..
الخلية النباتية وأقسامها

هدول مبدئياً يلي مروا معنا لهلأ...بالنسبة للبيولوجيا..

سلام

السلام عليكم

ممتاز....

خلينا نسجل المواضيع المقترحة .....

1-النتح
2-التنفس عتد النبات
3-التركيب الضوئي
4-الانفضاج!!! (مع أني لهلأ مابعرف شو معناته )
5-الخلية النباتية وأقسامها
6-الهضم (التنظيم العصبي)
7-الهضم (الامتصاص)
8-..............


=====================

مبارح كتبت موضوع عن بنية الأغشية الخلوية وقعدت عليه شي 3 ساعات !!!بس طلع مكتوب وبشك أوسع من يلي كتبته!!! ............مشان هيك انتبهو منيح لهالشغلة..

===============

أنا بالنسبة إلي حأكتب مقالة عن فيزيولوجيا التغذية (وهيك بدرس وبكتب مقالة!!!) وحأستعين بكتابنا وبمواقع نت مختلفة......بس الله ييسر...


رجاءا.....لا حدا ياخد الموضوع....... .........................أكيد ما بتعملوها...

وعندي موضوع تاني...........بس خليه لبعدين...عن التواصل الخلوي وبروتين G

شو رأيكم ممكن نتعاون بشي مواضيع........؟؟؟

==========================================

مرحبا

عندي فكرة

هلأ مثلا شو رأيكن نتفق كلنا علو موضوع واحد ونتعاون بكتابتو كلنا

يعني مثلا فيزيولوجيا الدم.....بنكلف شي أربعة أو أكتر يكتبوه

شو رأيكن...طبعا هلحكي مو منشان الورشة....منشان المستقبل يعني

سلام

السلام عليكم


والله لسا ما فكرت بمقالات من منهاجنا .......... بس فكرة ظريفة


بس حبيت قلك هلا إنو في مقال عن الجهاز الهضمي من وجهة نظر طبية ((يعني تشريحية)).............فيكي تشوفيه...........


http://www.marefa.org/index.php/%D8%AC%D9%87%D8%A7%D8%B2_%D9%87%D8%B6%D9%85%D9%8A#.D8.AF.D9.88.D8.B1_.D8.A7.D9.84.D8.A3.D9.85.D8.B9.D8.A7.D8.A1_.D8.A7.D9.84.D8.AF.D9.82.D9.8A.D9.82.D8.A9



بس ولا يهمك ...........
إذا بدك كتبي متل ملخص عن آلية الامتصاص للغذاء ضمن السبيل الهضمي ............ لأنو ما في مقال مستقل عن الامتصاص



وبعدين بتعملي دعاية لمقالك بإنك تعدلي بالرابط السابق (فقرة الأمعاء الدقيقة مثلا)
.....................فإذا بدك بتعملي كل كلمة ((امتصاص)) بتمر بشكل رابط داخلي بينقل لمقالتك ..........





بالتوفيق

السلام عليكم

حأكتب مقالة عن النتح أو التعرق..
إن شاء الله..


سلام

السلام عليكم


حاليا عم حاول ترجم مقالة عن البروتين ج بس المشكلة طويلة وصعبة.....ويمكن أجلها لأجل غير مسمى...

مشان هيك مين ممكن يساعدني بمقالة عن فيزيولوجيا التغذية....

حتكون مقالة من كتابنا ومن محاضرات السنة الماضية بشكل بسيط ومفيد وغير معقد...وممكن نستفيد من مواقع نت كمان...

========================

السلام عليكم:

شو كيف الهمة عندكن؟؟؟؟

تذكرت شغلة:

أنتو شو عندكن كتب تعريفية عن الصيدلة؟؟

طلبت مني "تغريد" أحد مدراء المعرفة أن نرسل لهم بكتب تعريفية عن الصيدلة من مناهج السنة الاولى...بس صراحة ما كان على وقتنا في كتب (كان عنا كتاب التشريح والفيزياء بس ) فقلت لأسألكن إذا في حدا خرج يقوم بهالمهمة من عندكن أو من طلاب السنة التانية..........




موفقين

اقتباس

مين ممكن يساعدني بمقالة عن فيزيولوجيا التغذية....

من يومين كنت عم فكر ضيف شي من كتبنا وبعتقد انسب شي فيزيولوجيا التغذية ... 

بس تذكرت انك مبلش بالموضوع فلغيت الفكرة واشتغلت ببيلوجيا النبات ... ويا ريت ما ضوعت وقت بالكتابة ... 

سبحان الله كيف حولو اوغلينية ===> يوكلينية !!!!!!!!

يعني بالبحث ما حيطلع انو طحالب اوغلينية موجودة ابدا ... بس هن بطحالب يوكلينية عاملين مقال كبير كتير ... وطبعا اللي حطيتو ما بيطلع شي قدامو ... 

[[ يا ريت يلاقولنا حل لمشكلة البحث ]]


يعني ما حدا حيخطر ببالو يبحث بلفظ الكلمة ...

منرجع للفيزيولوجيا ...انا ما عندي مشكلة بأنو اكتب بهالموضوع ...

وحتى عالويكيبيديا حاكين عن اقسام الفيزيولوجيا ...

ويمكن في غيري ممكن يكتبو في فقررو وما في مشكلة ...

اقتباس

أنتو شو عندكن كتب تعريفية عن الصيدلة؟؟

في الواقع انا ما فهمت اللي بدن يا على ما يبدو ... 

يعني عم تقولي نبعتلن كتب ...

بتقصدي اسماء كتب ولا كتب الكترونية ؟  (معلش انا من حين لاخر بكون فاصلة)