السلام عليكم

هلأ بجوز ما كتير ممكن فيدكم بالموضوع لأنو ما عندي إخوات بنات كبار

يعني الكبيرة صف عاشر

بس زكرتوني وقت مرة رحت عمدرسة إختي و سألت عنها

يعني صارت إختي حديث كل البنات بالمدرسة

و مشان حكي الناس

ما بسأل بنوب

هو الناس ما بتحب غير النميمة و ما بيخطرلهم غير الفكرة العوجا

اقتباس

يعني صارت إختي حديث كل البنات بالمدرسة

اقتباس

بقى عندنا بالمجتمع ما بيخطرلهم أنو ممكن أخ وأختو يطلعوا سوا

هلق هون بتكمن خطورة الغيبة و خاصة بين البنات "لا تزعلوا مني" بس عنجد كتير بنات روح قلبهن يستغيبوا الناس...و يظنوا  ظن السوء ...


أصلاً ما بيحطوا ببالهن نية حسنة أنو هالبنت رايحة مع أخوها أو أبوها مشوار...

و لو خرجت عن الموضوع.......بحب وجّه كلمة للمستغيبين :

يا جماعة هادا شرف يللي عم تحكو عنو و هي أخلاق يللي عم تشكو فيها!!!

فتخيلو حالكن مع أخوكن و حدا اطلع فيكن تطليعة غلط .....قديش رح تدايقوا؟؟؟



أصلاً أنا بحس أنو البنت يللي عم تغلط بيكون كتيــــر واضح عليها ....مثل هدول يللي بتلاقيهن ما بين حدائق الكليات...

فخلي الواحد بعيد عن الشبهات ......و ينظر بحسن نية على تصرفات الناس...أريح شي...

يعني بصراحة رح ابكي وأنا عم أقرأ الردود      

شكلو هالموضوع يانور كتير عاطفي ومأثر فينا كتير

بالسنة الأولى زارني أخي بالجامعة واضطريت متل الأوادم اشرح لرفقاتي أنو هاد أخي
أنا الكبيرة بس أخواتي ببينو أكبر مني ماشالله
بعدين فكرت
وين المشكلة حتى لو شافوني العالم بالجامعة أو براتها ماشية مع أخي أو يمكن رفيقي بس باحترام ومن دون غلط......... ليش بدي كون بموقع المتهم   

يعني الواحد صار عندو رفقات وزملاء بالجامعة وشي كتير محترم
ليش لازم لما شوفهن بالجامعة أو بالباص مثلاً ....... لازم أعمل حالي مابعرفهن
مشان العاالم..... اي مااااااااااااابيهمني
انشالله ما كون عم استفز حدا......................آسفة

معناها الله يعين الشباب والبنات 

يعني على هوا حكيك حتى أنتو ماعم تسلمو من الغمز واللمز

مشكلتنا بأفكار بالية معششة بعقولنا صار لازم تروح بقا من طريقنا

أهم شي صراحتنا مع أهلنا وثقتنا بحالنا...... وانشالله كل شي تمام

السلام عليكم :
شكرا اخت نور على طرح الفكرة ......
بالنسبة إلي عندي اخت وحدة أصغر مني بسنة...بحسها متل التوأم معي .....أقرب شخص بالعيلة إلي....علاقتي فيها كتير قوية ما بقدر ادرس إذا ما كانت معي ولا حتى هيي ....وإذا ما كانت موجودة بحس في شي متغير لأنو البنت بتعطي لمسة حنان عالبيت هي والأم.....
بعد ما نقلت من حلب ع الشام صرت روح أنا وياها عالجامعة كل يوم الصبح وهون صار موقف غير شكل ...مرة اجى لعندي شب (للأسف ممن يدعون الالتزام ) وقلي " شو قصتك كل يوم بتجي مع بنت عالجامعة الصبح" (عم يحكي معي من باب النصح    )فكان الجواب بكل بساطة هي اختي ....هون متل اللي كب عليه سطل مي باردة....    
ولهلأ علاقت بأختي قوية ودايماً منطلع سوا منكل بوظة (هي أكتر شي )أو ع السوق وأكتر الأوقات منتمشى وطبعاً العيون ترمقنا أينما ذهبنا .....    
وأحلى الشي لما بدنا نقطع شارع فهون بمسك بايد اختي ....(هون الطامة الكبرى     ).....شوي تانية بجي حدا بيقلي اترك ايدها...(من باب النخوة يعني)
بس للأسف صارت معي ظروف الصيفية الماضية خلتني بعد عنها شوي والحمد لله هلأ جنبي.....    

شكرا على الموضوع كتير حلو.....

السلام عليكم

تم إضافة قسم جديد إلى منتدى كلية الصيدلة..

و هو منتدى المواضيع المتميزة..

http://pha.jamaa.net/forum442.html

حيث سيتم منذ الآن فصاعداً تصنيف جودة المواضيع..

و المواضيع المميزة حقاً و التي ينصح بزيارتها سيتم نقلها إلى هذا القسم..

و يمكنكم اعتبار هذا القسم ساحة تكريم للمواضيع المفيدة و التي يكون صاحبها ( تعبان عليها)

يؤخذ بالاعتبار عند تميز الموضوع:

1- احتواء الموضوع على اساليب توضيحية ( صور - ألوان - .......الخ)
2- أهميته الموضوعية و معناه المفيد و الهام..
3- فكرة الموضوع ( مبتكرة - متميزة )
4- كثرة المشاركات فيه..


و قد يتم غض النظر عن كثرة المشاركات في المواضيع العلمية أو الانكليزية..


( هذه الساحة مخصصة فقط لمواضيع أعضاء كلية الصيدلة)

دمتم بخير..

والله يا نور الموضوع يلي طرحتيه بيلامس الوجع تمام..
يعني العالم أول ما يشوفو البنت مع شب أو العكس دغري بيظنو ظن السوء..
أنا أخي صغير ومو خرج لسه إني روح معو مشاوير أو شي.. بس بالمقابل عندي خالي كتيييير صحبة معو يعني منتعامل كأنو هو أخي وأنا أختو .. وهو أكبر مني بكم سنة.. بس لما نمشي بالشارع بتلاقي عيون العالم مبحلقة.. إنو شو هدول؟؟؟   بيجي عبالي اكتب لافتة "الله وكيلكن هدا خالي.. " بس يصطفلو... بعرف حالي مالي غلطانة..
ومن جهة تانية عندي أختي اللي أكبر مني كنا أنا وياها متل التوم.. ما منفارق بعض ومنروح ومنجي سوا خيرات الله.. وأحلى الأحاديث معها.. وأكتر وحدة برتاح لما إحكي معها هيي أختي.. عنجد يعني قد ما كانت صحبتي مع رفقاتي بالجامعة قوية ما بتوصل لصحبتي مع أختي..  بس الله ييسر لها تزوجت..
آآآآآخ يا نور .. والله فتقتيلي جروحاتي
                                                                                                           
يعطيك العافية وسيم..

السلام عليكم
والله أنا مبسوطة إني طرحت فكرة خلت أفراد العيلة يرجعوا يجتمعوا شوي...
و شكراً لكل اللي  شكروني على طرح الفكرة و هادا من ذوقكم...

وسيم _ فارما _ سويت لايف _ طوق الياسمين _ نانون
عنجد خليتوني اضحك...و انا مفكرة إنو بس أنا بتصير معي هالقصص من شك الناس و تصرفاتهم الغريبة....

سلام
بالنسبة للسبب اللي ذكرتيه فأنا ما كتير مافهمت شو قصدك...بس إذا قصدك إنو الشب ما بتقبل رأي غيرو فمعناها في عندو مشكلة بتخليه يخسر مو بس أخته ، لأ و كل الناس كمان...فلازم ندير بالنا من هالنقطة لأنها عنجد بتهدم كل العلاقات الاجتماعية...

سويت لايف....نانون

اقتباس

الله يسامحك يانور الهداية فتقتلي جروحاتي

اقتباس

آآآآآخ يا نور .. والله فتقتيلي جروحاتي

آسفة...   ما قصدي ضايق حدا...

اقتباس

وين المشكلة حتى لو شافوني العالم بالجامعة أو براتها ماشية مع أخي أو يمكن رفيقي بس باحترام ومن دون غلط......... ليش بدي كون بموقع المتهم

و لو إنو قصة الزمالة مو موضوعنا بس عفواً سمحيلي قلك إنو حدود الزمالة أبداً ما بتوصل لإني امشي مع زميل إلي برات الجامعة...
يعني إذا في ضرورة ممكن حاكيه أو يحاكيني بالجامعة و بس تنقضى الضرورة بحمل حالي و بمشي أما إنو أمشي معه بالطريق فهي ما عاد إلها علاقة بحدود الزمالة أبداً...
هاد رأيي و أنا بحترم رأيك...
____________________________________

شكراً وسيم...و هلأ هيك صار يشتغل التنافس تمام

معك حق نورالهداية  الزمالة مو موضوعنا.........
بس كأنو فهمتيني غلط...... أنا قصدي إذا شفت حدا من زملائي بالفئة مثلاً
بالصـــــــــــدفــــــــــــة وبدون موعد مســـــــــــــــــــــبق
مثلاً بالباص ........... موضروري اعمل حالي مابعرفو .... مع  أنو نحنا منحكي ومنسأل بعضنا أثناء العملي أو النظري
بالنهاية هاد مو موضوع النقاش بس حبيت وضح...  

ومرة تانية شكراً إلك عالموضوع وشكراً لكل الآراء اللي بحترمها جداً