رد مشاركة : لمحة عن كليات جامعة دمشق و فروعها... تفضل كلمنا قليلاً عن اختصاصك ..لو سمحت
مرحبا انا عصمت انا متخرج من كلية الهندسة الزراعية
درست خمس سنوات بالكلية , وبعد التخرج درست دبلوم نجحت بكل مواد الدبلوم بما فيها مشروع التخرج بمعدل عالي بس رسبت بماده واحدة وهي المكافحة الحيوية رسبت على علامه وحده زعلت في بداية الامر واستغربت من دكاترة الماده كيف بيرسبه مهندس على علامة طبعا نحن كنا لساتنا صغار بنظرهم يعني متخرج ولا سنه اولى عندهم نفس الشي .
بعدها تركت وبطلت كمل الدراسة سافرت اشتغلت طبعا مو بمجال الزراعة ولغاية هذه اللحظه انا ما استفدت من شهادتي ولو بليرة سوريه وحده اشتغلت بمجال المقاولات والبناء وعملت مؤسسة وبديت مشوار جديد علشان ضل متذكر حالي اني مهندس زراعي اشتريت نبتة وحطيتها عندي وكل يوم بطلع فيها وبضحك اخر شي بقول للكل نحن في عصر المال الشهاده الواحد بيستخدمها مرة وحده بحياته هي لما بيروح يتزوج وابو العروسه بيسأله شو دارس بيقله مهندس بيروح ابو العروسه بيبتسم .
رح اختم كلامي بنكته في مره واحد راح يخطب قله ابو العروسه : عمو شو عندك شهادات
رد الغريس : والله ما عندي غير شهادة سواقه .
لمحة عن كليات جامعة دمشق و فروعها... تفضل كلمنا قليلاً عن اختصاصك ..لو سمحت 
