السلام عليكم
انا من طلاب علم الاجتماع السنة الرابعة
ان الدراسة في علم الاجتماع ممتعة وهي من السهل الممتنع
ولكن دائما يراودك شعور بانك لم تتعلم شيء فالدراسة في قسمنا ينطبق عليها مقولة اعرف شيء عن كل شيء فقط فنحن ندرس الفلسفة وعلم الانسان وعلم النفس ووووزززززز
اما الشق الثاني من المقولة السالفة الذكر وهي ان نعرف كل شيء عن علم الاجتماع فهذا ما يؤرق طلاب علم الاجتماع ويشعرنا بالضياع فلا يوجد تخصص ضمن السنوات الدراسية مع شح الدراسة الميدانية وبعد المنههج عن المجتمع الذي من المفترض اننا سوف نتخرج للعمل عليه وبشكل عام من يقرا اسئلةالامتحان باستثناء بعض الاساتذة يعتقد انه في برنامج من سيربح المليون (من قال_ وفي اي عام _وبعض الاسئلة التعجيزية)والتي تعتقد ان الهدف منها ليس اختبار مستوى الفهم عند الطالب اختبار بقدر ماهي نموذج روتيني والحديث يطول في ذلك وهذا حال قسمنا وليس حال علم الاجتماع لانه من ارقى العلوم

كتير حلوة هالفقرات الجميلة يلي  بتنور الطالب بكل كليات الجامعة وبتخليه يعرف اكتر عن كل اختصاص  الشكر للجميع))))))))))))))))))))

شكراً لك من ساهم باثراء هذه الصفحات ..

وأتمنى إغنائه من ما لم يذكر من أقسام وأفرع ..

دمتم بخير جميعاً ..

ووفق الله كل واحد في دراسته ..



أحمد

انا بوافقك انو كلية الطب هي الأفضل وأنا بتمتى لوطلعلي ماكنت توانيت ولا لحظة

السلام على الجميع:
أنا لونا سنة ثانية رياضيات, طبعاً بالبداية بدي وافق الأخ معاذ على كل شي كتبو فرعنا مظلوم كتير من يللي ما بيعرفو.
لما سجلت بهالفرع كنت رغبانة فيه كتير وبعد ما درستو حبيتو أكتر, صحيح في مواد أحلى من مواد- الله يسرلنا البنى الجبرية ياااااا رب- بس بشكل عام الاختصاص ممتع.
بس يللي زاعجني أنو دخولي الرياضيات بالذات كان بسبب دراسة الميكانيك السماوي ويللي كان أحد الاختصاصات بس تفاجأت أنو هالاختصاص التغى!!! وهلأ بقول يا ريت درست فيزياء عالأقل كان فيني كمل بفيزياء الجسيمات الصغرى يللي بلاقيها ممتعة أكتر من الجبر  وبيضل فيها تحليل ومعادلات. بس شو بدنا نساوي بركي من هون لصير سنة رابعة بيرجعولنا هالاختصاص الحلو كتير.

دعواتكم معنا

أنا أسمي محمد وممكن  تنادولي همكانو هي السنة الاولى ألي بمعهد هندسة الميكانيك
بصراحة أنا كان حلمي هندسة المياكينك بس سبحان الله دخلت المعهد وجد أنا مستمتع بالدراسة في
المعهد مدة دراستو سنتين وبعدين تتخرج منو بشهادة مساعد مهندس
بالمعهد سبع فروع أو أختصاصات
وزارة التعليم العالي بتمنح الاوائل من خريجين السنة التانية الحق بتكميل الدراسة بكلية الهندسة
واطمح ل هالشي أنشاء الله

أبو حسن1

أهلاً وسهلاً فيك معنا .. أوافق رأيك وقد تكلم الأستاذ طلال عن اختصاصك ..

louna

أهلاً بك أيضاً بيننا وبارك الله بك ..
والرياضيات من أرقى العلوم .. بنظري ..

همكانو

أهلاً بك أخي محمد وبارك الله فيك ..
اتمنى لك مستقبلاً زاهراً كما تتمناه لنفسك ..

أحمد

السلام عليكم ورحمة الله وبركاته أنا طالب في جامعة البعث في كلية الهندسة الميكانيكية في قسم القوى الميكانيكية صحيح هناك صعوبة في المنهاج لكن السبب بالنسبة لي أن السنة الأولى هي موادفيزياء وكيمياء ورياضيات وأجد الصعوبة لإني دخلت الكلية بشهادة ثانوية مهنية وهذه المواد لم تكن بهذه الضخامة لكن أملي بالله كبير وبإذن الله سأكون ذات همة عالية لأكون من المهندسين الناجحين إن شاء الله رب العالمين والسلام عليكم ورحمة الله وبركاته

مرحبا
انا لبيبة    انا ادرس ارشاد نفسي  وفي الحقيقة
اني دخلت هذا الفرع بكامل رغبتي    لذا والحمدلله مستمتعة بدراسته
انه اختصاص جميل بالرغم من صعوبة بعض المواد فيه
وهو اكثر اختصاص يعنى بالامور النفسية الانسانية التي غالبا
ما لانوليها اهتمامنا     
اتمنى ان انجح فيه
و بالمناسبة كل شخص منا بحاجة للارشاد بدرجة ما
 
ودمتم بخير     

معقول 10 صفحات وما في ولا طالب فلسفة حكى عن هالفرع

له له ياحيف مابصير

بس يلة مابأثر أساسا الفلسفة ام العلوم يعني محتوية كل هالاختصاصات

يعني انتوا هلأ ولادي ادرسوا منيح ها

المهم صار وقت احكي عن اختصاصي وبلى هاللعي

أنا طالبة فلسفة سنة تالتة

والحمدالله فرع الفلسفة كتير حلو وأنا كتير مبسوطة فيه

بأول سنة أخدنا معلومات عن الفلاسفة وكيف نشأت الفلسفة

وعلم نفس

وأما بالسنة التانية أخدنا كمان معلومات موسعة أكتر عن الفلاسفة وتوجهاتن وعم الجمال والمنطق
يلي شيبلي راسي بس الحمدالله وبعدين فهمته ورفعت الفصل التاني ودعولي رفع المنطق فصل أول
وكمان أخدنا بالسنة التانية أخلاق بس أسهل بكتيييييييييييييييييييييييير من يلي كانت بالبكالوريا
أنا هيك شفتها

وأما بالسنة التالتة باعتباري جديدة على هالسنة فمارح اعرف احكي كتير عنها
بس كل شي بقدر قوله انو في مادة فيها فيزيا وكيمياء والله رح فوت بالحيط منها
وفي كمان الفكر السياسي
يعني فرع متنوع فيه كل شي

ماقلتلكم بالبداية ام العلوم

وبالنسبة للاختصاصات بصراحة مع انو هالفرع كتير مهم وببلاد برة اله كتير أهمية
بس للأسف عنا مهمش يعني تصير أستاذ مدرسة
واذا عندك هواية بالتحرير الصحفي لازم تجيب معدل منيح

ما بعرف اذا فيه كمان اختصاصات

بس الحمدالله مبسوطة بهالفرع

وشكرا أخ أحمد على هالموضوع

وبعتذر اني تأخرت بالرد

مع خالص احترامي وتقديري