بسم الله الرحمن الرحيم




المسلسلات الشامية.....الظاهرة التي اجتاحت القنوات الفضائية في الأعوام القليلة الماضية.....حيث كانت هذه المسلسلات  في بدايتها ظاهرة تتميز بالإنتاج الكبير والعدد الكبير من النجوم والهدف الدرامي....الذي وصف في بادئ الأمر بتذكير الناس بالأخلاق الحميدة والخصال الكريمة ونشرها بين الناس.....كون المسلسلات تعتبر عامل تأثير لا يمكن الاستهانة بآثاره سواء الايجابية او السلبية بين العامة من الناس



ولكن.....مالذي بدل الماضي.....وشو عدا ما بدا ؟؟!!؟؟



فبعد النجاح الغير مسبوق لمسلسل باب الحارة بجزأيه الأول والثاني...والذي برأيي كان في جزئه الثاني ليس الا استغلالا لنجاح اجزء الأول

صدمنا بتوالي المسلسلات الشامية


من باب الحارة..وأهل الراية...وجرن الشاويش...وييت جدي....وغيرها...وكان ذلك بعد نجاح الخوالي وليالي الصالحية


وكلها تدور في نسق واحد....وتبني جل احداثها على استغلال....غباء وسخافة المشاهد

بالله عليكم هل كانت هذه هي الشام....أم انهم يرسمون لنا الشام كما يريدونها !!!


بالله عليكم هل يوجد اسخف من المشاهد الذي يقبل بما يجري في المسلسلات الشامية لهذا العام وما قبله....


فهل يعقل في الحلقة الأولى من بيت جدي أن يقف سامر المصري على فرسه على بعد مترين من 30 جندي فرنسي يصوبون النار عليه ولا يصاب ولو حتى بخدش.....لك يا رجل حتى مخطته ما شرت من الرصاص؟؟؟؟؟؟


وهل يوجد غير  المشاهد المغفل يقبل بما حدث بباب الحارة....حيث ظهرت الفنانة منى واصف في الجزء الماضي بدور ساحرة او دجالة (أم عبد الله)...وفي هذا الجزء تظهر بدور ام جوزيف ؟؟؟؟!!!!!!!!!!!




ملائكة الشام:

نعم هذا ما رسمته مسلسلاتهم الشامية....جعلت من اهل الشام القدماء كلهم ملائكة...واهل كرم وهمة وفروسية وشهامة ومروءة واهل ثقافة و عقل ومنطق وذوي ايديولوجيات ضخمة.....وحتى اللص الذي ظهر...الادعشري...جعلوا منه في نهاية المسلسل بطلا واسطورة في الشرف والنزاهة((يعني انا هي بلعتها شوي بحكم اتقان بسام كوسا للدور))


وجعلوا في كل حارة كبيرا.....وللمفارقة فان هذا الكبير تجتمع فيه الصفات الملائكية جمعاء...من عقل وكرم ووسامة وشهامة وخير وتسامح وثقافة ومنطق وروح جميلة وهو الشخص المحبوب حتى من اعدائه ؟؟؟!!!!!!


النسق الثوري:
أما للنسق الثوري فرواية أخرى في مسلسلاتهم الشامية !!!!!!


فهل يعقل بأن يقولوا لنا بأن أهل الشام هم من أخرجوا المحتل العثماني !!!!


اما المحتل الفرنسي والذي أخذ نصيب الأسد من ثورة اهل الشام...في مسلسلاتهم الشامية....فله روايات وروايات...!!!!


فكل اهل الشام كانوا ثوارا....وان لم يكونوا ثوارا فكانوا مساهمين كبارا في الثورة ضد المحتل الفرنسي

نعم استبسل شباب الشام في ميسلون مع يوسف العظمة.....ولكنهم في مسلسلاتهم لم يذكروا ميسلون ولا غيرها.....بل  صنعوا لمسلسلاتهم معارك حصرية بمسميات حصرية وابطال حصرية !!!!



فهل نصدق بأن فرنسا التي كانت في ذلك الزمان من أكبر القوى الاستعمارية....يمنعها الأستاذ أبو العز وثلة من الشباب أصحاب الشوارب المفتولة من دخول الحارة!!!!!






ألهذه المرحلة وصل الاستخفاف بالمشاهد "السوري" حصرا.....حتى سمحوا لأنفسهم "بتمريق" كل ما خفت قيمته وزادت دقائق عرضه على الفضائيات ؟!!!


أجعل المشاهد السوري حصرا والعربي بشكل عام من نفسه "مسخرة" بتصديق كل ما قالوه والتصفيق له أشد التصفيق



والمضحك المبكي في هذه الأمور بأن مخرجي وكاتبي هذه المسلسلات يظهرون على التلفاز ليقولوا :: المشاهد العربي ذكي كتير وما بيمرق عليه شو ما كان !!!!



اي يا رجل....اللي عم تعملوه شو ما كان....ومدري شو...وهات ايدك ولحقني...وبتقلي المشاهد ذكي !!!؟؟؟؟؟




في النهاية أحببت أن أشرككم رأيي فيما رأيت وأتمنى أن تشاركوني بآرائكم

وأتمنى ممن لديه رأي مخالف لما ذكرت أن يوضح لي رأيه باسهاب عليّ وغيري نعرف سببا واحدا أو عدة أسباب لحصول هذه المسلسلات السخيفة على أعلى نسبة مشاهدة !!!!



ملاحظة: أنا لم أتابع أي مسلسل هذا العام أو في العام السابق وانما ما كتبت كان بحكم اطلاعي على كل شيء....يعني ثقافة عامة....طبعا اذا صنفنا هالمهازل ضمن الثقافة






مجد

أول الشي شلون انت ماشفت مسلسلات من سنتين وشلون انت مطلع عليهون هي الشغلة مافهمتى
بعدين الجزء الاول والتاني من باب الحارة تم تصويرون مع بعض وبشكل متواصل
بعدين هدي شوي شو اسخف من هيك مشاهد موحلوة هل الكلمة
المسلسلات الشامية ما اظهرت انو الكل ملائكة
المسلسل ما بينقل الواقع بس كمان لابد من اضافات
بقا روء وهدي الله يرضى عليك

والله يا خي معك حق


فشيتي خلقي بالهحكي



لك كلو بكفى وموبايل سوني اركسون الجديد باب الحارة بكفى


انو الشركات عم تتسابق بزيادت سرعة الاجهزة ودقت الكاميرا وسرعة الاتصال

بالانتر نيت  وهن مستفين عقولنا عم ينزلونا موبايلات فيها مقاطع من مسلسل


والله شي يقهر


تحياتي الك عزيزي


منعطف النسيان

واخيرا ......حدا فهمان طلع وحكى

اي والله كرهوني بالمسلسلات وبالشام (مع اني شاميه ) وصرت اول ما يقرب رمضان تلعي نفسي

يا سيدي المشاهد العربي مالو علاقة بالذكاء وبقمة الغباء
يعني بحطولك هالمنتجين كم مسلسل ليشحنو المشاهدين شوي فخر وبطولات ويتذكروا امجادن وياريتها امجاد الا كله كذب واخطاء تاريخيه بحطولك احداث مالها علاقة بالزمن يلي عاملين في المسلسل يا اما بيسلخولك فيلم هندي وبحطولنا نقط حمر ع جبينا وبتلاقي الكل عم يستنى وينتظر السيد معتز يتنطوط ويعمل مراجل

اي والله عيب عنجد قمة بالسخافه .....لا والاحلى من هيك انو الناس بالعالم العربي طبعا الناس المتخلفين مفكرين انو نحنا لهلأ عايشين هالعيشه !!!! وصاروا لما بدن يقلدونا بيئولوا تئبرني وتشكل اسي  وشكلين ما بحكي

لا وصار في موبايل ل باب الحاره كمان ....وغير بيجامات باب الحاره وشناتي باب الحاره  وبسكوت باب الحاره وبكرا بالجامعه يمكن يعملوا محاضره عن باب الحاره ماحدا بيعرف لانو ممكن بسام الملا يجي ع بالوا يثقفنا حاراتيا

لك ااااف وقال شو لسى في جزء خامس


 

اي والله صدقت
قال شو؟؟عكيد ابو شهب و ابو علاب و ام زكي و ام غبي و مدري شو كفايتو
اي يضربوا هنن وهالعلاك الفاضي
و الله يستر ما يصير في مرض اسمو انفلونزا الضبع
لأنو مافي بباب الحارة حارة اسمها حارة الخنازير

تحيتي إلك أخ مجد   
وكل عام وإنت بخير  وينعاد علينا وعليك       
وهلأ منفوت بالموضوع:

بالبداية بشكرك وبهنيك عالموضوع ((( كما جرت البروتوكولات يعني )))

انا معك بكل كلمة قلتها 

بس مدري ليش حابة حط حالي شوي بالاتجاه المعاكس 

اقتباس

وأتمنى ممن لديه رأي مخالف لما ذكرت أن يوضح لي رأيه باسهاب عليّ وغيري نعرف سببا واحدا أو عدة أسباب لحصول هذه المسلسلات السخيفة على أعلى نسبة مشاهدة !!!!

ببساطة غياب البديل 

يعني المسلسلات العربية وقصصها صايرة معروفة باغلبها الا ما ندر

الخليجية ... معاناه ومشاكل وهموم

المصرية ... يا اما  (ياي وسمبتيك  ) يا ( بيئة )

والسورية حب وغرام وهيام


والمشاهد مل من كل هي الامور 

المسلسلات الشامية بالنسبة الو شي جديد لانها بتحكي عن زمن غير زمنو وواقع غير واقعو .... بتحكي عن الماضي  ( بعيدا عن الاسلوب التاريخي الذي يهرب ويمل منه المعظم )

بترجعنا للامجاد ومتل ما بتعرف نحنا العرب اكتر شي بنحبو نحكي عن امجادنا وماضينا المشرف

اغلب يلي بشوفو المسلسلات مو هامنن لا نص ولا بطيخ

بشوفو لانو موضه او لانو بعوضهن عن اشياء فقدوها

باب الحارة من الجزء الاول نصو تافه وما الو معنا
ورغم هيك نسبة المشاهدين الو كتير عالية والكل بتفرج عليه

البنات مشان ابو العز يقبر قلبن
والنسوان بركي بيتعلمو شوي من فريال وسعاد 
والرجال كل واحد بحط حالو محل العقيد وبسرح بخيالو 

بقا خلين يشوفوها دخيلك و  بلالهن سيرة الحب واهل الغرام (( بعيشو سير غرامن الخاصة لحالن    ))


بعدين ما تنسى انو المشاهد غير السوري ما بيعرف شي عن الشام او عن تاريخها ورجالها يعني بباسطة رح يصدق اغلب يلي بشوفو  وفي منن بفكرو انو هالشي مستمر لهلا


اما بالنسبة للنسق الثوري فانا براي هاد هوي الجانب المهم ويلي لازم يتركز عليه  

يعني الخوالي كان من احلى المسلسلات رغم انو قصتو مبالغ فيها

وما في مانع تنذكر الثورة بجوانب مختلفة حتى لو كانت بعيدا عن الواقع وبمعارك خيالية ((( شو ما كان بضل احسن من انو ابو عصام نام بالدكانة ومدري شو صرلو )))

اقتباس

فهل نصدق بأن فرنسا التي كانت في ذلك الزمان من أكبر القوى الاستعمارية....يمنعها الأستاذ أبو العز وثلة من الشباب أصحاب الشوارب المفتولة من دخول الحارة!!!!!

اي ليش لا

يعني هني اكيد لو بدهن كانو دخلو بس الموضوع بتناول سياسة الحصار والتجويع

و بهالقصة في اسقاط عالواقع 

(((( حصار ومؤن بتيجي من تحت الارض  وكم واحد ببواريد واقفين بوش جيش    ))))




بالنهاية بتمنى هالمسلسلات مستواها يرتقي شوي وما يضل متل هلأ ماديات وتكسير روس وكلمة مين بتمشي




والاريح انو الوحد ما يشوف مسلسلات بنووووووووووووب     

بس لا تنسوا ان المسلسلات الشامية ممكن تزرع قيم بسيطة افتقدها جيلنا الحالي مع هيك انا مو كتير معها..........

هلءاذا كان كلامك صحيح

شو ممكن يشاهد المواطن السوري يلي دايق خلقوا

المسلسلات الخليجية يلي فيها مشاهد من الفساد في الملاهي اليلية


واللا المسلسلات التركية يلي نزع للأخلاق وحدة بوحدة


المسلسلات الشامية قد ما كان عم ترجعنا شوي للماضي الأصيل تبعنا حتى لو بنسبة قليلة


بس أحسن من بلا




                              تحياتي لك وأرجو أن تقبل مروري