صراحة أشكر الناس اللي بالأخير اعترفوا بالوضع المتردي لهي المسلسلات لأني ما بقول لحدا إني ما بشوف باب الحارة وإلا بيلومني كأني روحت على حالي نص عمري وأنا من البداية ما بحب هيك مسلسلات لأنها بصراحة متل ما كانت بالبداية ترسخ قيم منيحة صارت هلأ ترسخ قيم من أسوأ ما يمكن وترسخ عادات قدرناو بألف يا ويلاه إنو نتخلص منا شوي
مثلا بتشوف الولد الصغير اللي بيتابع باب الحارة عم يحكي متل أبو شهاب مع أي امرأة وكأنو الرجولة  هي الحكي بنبرة مرتفعة و صوت خشن
يعني متل مافي قيم منيحة بهالمسلسلات في قيم سيئة ومو غلط إنو تنعرض القيم كلا اللي كانت بهداك المجتمع بس الغلط لما بتصير القيم السيئة محط فخر و إعجاب المشاهدين
يعني صح كان في شهامة وأخلاق عالية بهداك الوقت بس كان في كمان تخلف و جهل و حط من قيمة المرأة اللي كل الوقت عم تركض لترضي زوجها وهي النواحي المشاهدين ما عم ينتبهولا وعم يقدسوا المجتمع الشامي القديم دون الأخذ بهيك قيم سلبية.
شكرا لاحترامكم لرأيي

مسلسلات شامية بنكهة شامية كل سنة ورا سنة تذوقناها حتى حفضناها
كانت يا سلام وامورة لانه الباقي ممل ولا يحوي شي مهم
والان غارت هذه المسلسلات الشامية وقالت ليش ما اكون مملة متلها
بس  المخرج كتير زكي وهرب من الفشل  بروي الاحداث الشامية
من الواقع الثوري الفلسطيني المعاصر  والثورة السورية(حصار -جوع -تهريب سلاح -شهداء) ولولا ذلك اعتقد ان المسلسل سوف يصبح فشل كبير جدا و ينقلب على نجاح الدراما السورية كما حدث للمصرية سابقا
يعني بطل المسلسل :شو طبخت يا مرة--------بتمون ابن عمي.  وعلي الطلاق من ولادي  وقصص مالها علاقة بالواقع
لهيك براابووو
بس يا ترى لانه صار الوضع جدي وبحزن  وشهداءوبطل قصص نسوان ورجال  وعادات وتقاليد لا تنفع بتحجرها ليومنا هذا وان كان هناك شوق كبير لايام زمان تعكسه متابعة ملاين العرب له هل  يحب المشاهد ذلك ام يحن للحلقات القديمة

و الله يا مجد كلامك معقول وبعبي الراس

و خصوصا ً هي تبع سامر المصري على بعد مترين و 50 عسكري عم يقوص و ما كان يصيبوا و أحلى الشي أنو هالقطة كانت بالحلقة الأولى و من بعد ما شفت هالقطة عرفت أنو المسلسل سخيف (المكتوب مبين من عنوانو)

يعني اسخف من هيك ما عاد صفة و الله عم يطالعونا مسخرة قدام بقية العالم

وأحلى شي أنو في جزء خامس لباب الحارة أنا بتوقع أحداثوا أنو أبو العز بيروح على حرب تشرين وبيفجر خمسين دبابة و بيقتل 200 اسرائيلي و بحرر 200 اسير

أما سامر المصري  بكون عم يواجه 13 كتيبة كل كتيبة مؤلفة من 600 جندي و كل جندي معوا رشاش بيرش خمسين طلقة بالثانية و بيكون سامر المصري على الفرس و على بعد مترين و عم يروح و يجي  هيك لحتى يخلوص الطلق و ما عاد يصفى ذخيرة وبما أنسامر المصري بطل فلذلك مستحيل أن تصيبوا رصاصة بس لأنو بطل ........        يتبع في الحلقة القادمة

سلاممممممممممممممم