السلام عليكم
انا طالب سنة خامسة هندسة الطاقة الكهربائية اختصاص طاقات متجددة
الموضوع حلو بس لاحظت انو ما حدا عم يحكي عن الهمك او (كلية الهندسة الميكانيكية و الكهربائية )
انا رح قدم فكرة عن الهمك باعتباري سنة خامسة يعني صرت مخضرم و انو الي رفقات بمعظم الاختصاصات

اول شي الهندسة الميكانيكية بتنقسمال
1- هنسة الميكانيك العام(بترجع بالسنة الرابعة بتنقسم الى فروع قوى ميكانيكية و طاقات متجددة و هنسة نووية)
2-هندسة سيارات و اليات ثقيلة
3-هندسة التصميم الميكانيكي ( يمكن تلاقوها بكليات تانية باسم التصميم والانتاج بس هيي نفسها )( في بالسنة الرابعة او الخامسة قسمين الاول تصميم و التاني علم المواد)
4-هنسة الغزل و النسيج او تسمى هندسة ميكانيك الصناعات النسيجية وتقاناتها

بالنسبة للفروع الاربعة حسب خبرتي البسيطة
القوى الميكانيكية  ( مكيفات برادات تسخين منزلي -------)
الطاقات المتجددةبتشمل الطاقة الشمسية( التسخين الشمسي والخلايا الكهرضوئية او الفوتوفولطية) و طاقة الرياح ( استخلاص الطاقة الكهربائية من الرياح وتصميم العنفات و توقع سرعات الرياح مع الساعت الموافقة لها) وطاقة الكتلة الحيوية
هنسة نووية فرع جديد و غامض استقبلة فيه السنة الماضية 7 او9 طلاب ما بعرف بس بتصور انو مجالاتو محدودة ببلدنا الا اللهم دراسات عليا)
هندسة التصميم الميكانيكي بتشمل تصميم الالات وحساب الاجهادات
اما علم المواد فهو عن خواص المواد وقدرتها على تحمل اجهادات الشد و الفتل و درجات الحرارة
اما هندسة الغزل والنسيج فما بعرف عنها كتير

اما الهنسة الكهربائية بتشمل
1- هنسة الطاقة الكهربائية يتحكي عن الالات الكهربائية (مولدات محركات محولات)
ونقل الطاقة الكهربائية (توتر عالي) و التحكم الالي ( على فكرة في بجامعة تشرين و البعث نفس الاختصاص بس بجامعة حلب ما في هالاختصاص وفيها اختصاص الطاقة الميكانيكية المختلفة عن الطاقة الكهربائية يعني ما فيه الواحد ينقل من حلب للشام)
و فيها اختصاص طاقات متجددة بالسنة الرابعة بيشبه الى حد ما الموجود بالميكايك مع التركيز على الامور الكهربائية( ربط مه الشبكة خلايا كهرضوئية ------------)
2- هنسة الالكترون و الاتصالات فرع حلو و لكن من اصعب فروع الكلية( على فكرة كلها صعبة) فيها (تلفزيون رادار سونار معالجات صغرية واتصالات وكتير اشياء)
3-هنسة الحواسيب و الاتمتة كمان فرع صعب بس حلو فيه اختصاصين بالسنة الرابعة تحكم واتمتة و التاني ما عم اتذكر ايمو
4- الهنسة الطبية يقال انو هو من احلى فروع الكلية واسهلها دراسة

على فكرة اول سنتين الواحد ما بياخد شي الو علاقة بالاختصاص( يعني اول ينتين رياضيات فيزياء كيمياء توازن ------------------------------)
و بيبلش الدراسة الجدية من السنة الثالثة

المعروف عن كليتنا انو صعبة بس اذا الواحد حب فرعو اكيد بينجح

السلام عليكم

أحببت أن أخبركم عن الاختصاص الذي تخرجت منه هذه السنة و هو المحاسبة - كلية الاقتصاد

الدراسة في كليتنا تمتد لأربع سنوات

السنتان الأولى و الثانية مشتركتان بين جميع الاختصاصات حيث يتم إعطاء الطالب مواد من جميع الاختصاصات لتعريفه عليها

و يختار الطالب في بداية السنة الثالثة أحد الاختصاصات التالية بناء على الرغبة و ليس المعدل: إدارة الأعمال، المحاسبة، التأمين و المصارف، الاقتصاد، الإحصاء التطبيقي.
و ينال الطالب إجازة في الاختصاص الذي اختاره.

أما عن اختصاصي المحاسبة فهو ممتع جداً خاصة للأشخاص الذين يجيدون التعامل مع الأرقام و يبرعون في الرياضيات.

و من المواد المحاسبية التي تعطى في الكلية:
مبادئ المحاسبة 1و 2، محاسبة شركات الأشخاص و شركات الأموال
محاسبة التكاليف، محاسبة متقدمة، محاسبة حكومية، و مواد أخرى بالإضافة إلى بعض المواد المرتبطة باختصاصات أخرى...

أتمنى أن أكون قد قدمت معلومات مفيدة

   
   

أسعد الله أوقات الجميع أنا صخر المحمد طالب بكلية العلوم السياسية بجامعة دمشق والحمد ترفعت على السنة التانية وقبل ما أحكيلكو على العلوم السياسية رح خبركم أنو العلوم السياسية رغبتي من الصف السابع من لما بلشت أسمع بشيء اسمو العلوم السياسية وبدأت الفكرة تكبر براسي منم خلال ميولي لكل ماهو سياسي وخاصة شعوري بمنافسة الانتخابات اللي بتصير بشكل دوري لأنو جوي فيه معارك انتخابية "مجلس الشعب والانتخابات الحزبية ..............الخ المهم ولظروف معينة أهمها الاهتمام بالامور الوطنية والسياسية تراجعت دراستي بالتاسع وجمعت 130 وبالواسطة دخلت الثانوية المهنية النفطية بحمص لانو بدها مجموع مثل العامة 165 على ايامي المهم النفط مو رغبتي ومااهتميت بدراسة هالفرع ووصلت الباكلوريا نفط وببداية السنة سجلت بالامتحانات بكلوريا حرة أدبي مع أني كنت صفر بالانكلش وببحور الشعر وما الى ذلك من امور الادب العربي وفقط كنت شاطر بالتعبير وشوي بالاعراب وبدأت اتعب على حالي بموضوع اللغات بالفصل الاول لحتى امنت علامات النجاح بالعربي والانكليزي وبالفصل الثاني بدأت اتصفح باقي المواد وكنت مولع بالاخلاق والجغرافية والتاريخ وجمعت اول سنة 157 وماطلع لي شي بالعام وسجلت وطلعلي بالموازي الرغبة 15 وهي مكتبات ومعلوما والفرع كتير حلو بس مو ميولي ولا طموحي المهم درست الفصل الاول وقضيتو صياعة وقررت عيد البكالوريا ب1-2 يعني الفصل الثاني وجمعت 184 ودخلت رغبتي الاولى والاخيرة علةم سياسية "اسف للاطالة بس حبيت وصل فكرة انو كل انسان بحب ميولو وممكن يضحي منشانو بكل شي وانا ضحيت بكل شي منشان العلوم السياسية " والعلوم السياسية هي مو علم واحد بتشتمل على مجموعة علوم أهمها المواد الاقتصادية والقانونية والتفكير النساني"فلسفة"وفيها احصاء ومعلوماتية وتركيز على اللغة و.......و..............و...............و المهم الفرع رغم صعوبة بعض موادو للبعض انا بلاقيه أمتع فرع بالعالم من حيث الدراسة واقل فرع فيه ظلم بس هادا مابيعني مافيه ظلم وطلابو مستقلين عن باقي الكليات وهدا شي حلو وبشع بنفس الوقت

وبالنسبة للمستقبل في كثير عالم بتقول استاذ قومية بس برأيي استاذ قومية مثقف وبيعرف خفايا الاحداث وتحليلاتها احسن من دكتور طلطميس مابيعرف اسم وزير الصحة ماعلينا المهم مجالات العلوم السياسية كثير واسعة وخاصة بعد ماتحول المعهد للكلية
الاعلام السياسي والصحافة والتلفزيون
المنظمات الدولية
جميع دوائر الدولة "موظف من الدرجة الاولى
وزارة الخارجية والسلك الدبلوماسي
طبعا وهي الاشيلء مابتجي بالهين وبدها تثقيف ذاتي شديد وبدها المام كامل باكثر من لغة غير عربية
ووظيفة التربية برأيي للي مابيتعب على حالو كويس


وأهم شي الدراسات العليا اللي صارت عن جديد عنا بسورية ماجستير ودكتوراة
اسف جدا على الاطالة. بس مشكلتي الوحيدة بحياتي اني مولع بالعلوم السياسية ومابتصور حياتي بدونها.
تقبلو مروري.

بسم الله الرحمن الرحيم
اني خالد جمال طالب في كلية الرافدين / قسم علوم الحاسبات وان من محبين هذا القسم الذي كنت احلم الدراسة في هذا القسم لان مجتمعنا مجتمع التطور وان هذا القسم في العراق من اهم الاقسام جمالاً واني اعتذر لاني اقول هذا الكلام وانا احترم جميع الاقسام والكليات الاخرى وسلامي لكم جميعاً يا احباني


خالد جمال
قسم علوم الحاسبات
كلية الرافدين الجامعة

أنا بدرس تربية اختصاص معلم صف طلعت عالسنة التالتة والحمدلله
درست بكالوريا علمي وجبت مجموع 201 بدون ديانة وكنت اتمنى أوصل لهادا الفرع الي عم ادرسو بس بالمفاضلة طلبوا 205 واضطريت فوتو موازي
المهم
أنا فرعي هو الفرع الوحيد الي الدولة ملتزمة معو يعني أنا موقعة عقد مع الدولة بحيث اني لما أتخرج دغري بتعين لدى الدولة معلمة للصفوف
وعلى أساس هالشي الدولة متكفلة تعطيني راتب أثناء دراستي وهو مبلغ
وأنا كوني بنت حبيت كتير هالفرع يعني كوني بدي اتزوج وارتبط ويصير عندي أسرة وأطفال فاختصاصي رح يساعدني كتير بحيث أنا بخلص دوامي كل يوم الساعة1 وعندي عطلة صيفية 3 أشهر راتبي ما بينقطع فين بالاضافة انو فرعي دراستو كتيييييييييير حلوة أنا بدرس علم نفس الانسا وعلم نفس الطفل وكيفية التعامل معو وعنا كمان جانب اسمو التربية الخاصة وهي معناها الأطفال الي بعانوا من أمراض سيكولوجية متل مرض التوحد مثلاً وأنا الدكتور المشرف بعتني حتى اعمل حلقة بحث على هالمرض بالذات وأنا رحت عند هالأطفال بمركز دار السلام وتعايشت معن وكانت كتير تجربة حلوة
أول سنة الي فات عنا دكتور حتى يعطينا مادة التربية الصحية وهو دكتور بكلية الطب كمان لما فات لعنا قال انو هو بحب يعطينا نحنا معلم صف أكتر من غيرنا لانو هو من خلالنا عم يوصل لعدد هائل من الناس لانو نحنا حنكون أول مؤثر ايجابي بحياة الطفل وصدقني فرعي هو أكبر مسؤؤلية يمكن يتحملها الانسا ألا وهي التربية تربية جيل بكامله

الهندسة المدنية من اروع العلو م في الهندسة بشكل خاص وفي العلوم الاخرى بشكل عام حيث يعتبر المهندس المدني حاملا لعلم واسع حيث انه له معرفة بالانشاءات وبالطرق وبالجسور ... الخ فهو علم ممتع ولو خيرت الان مرة ثانية فسوف اختار المدني وشكرا جزيلا

الكثيرين يعتبرون ان مجالات الهندسة المدنية تنحصر في البناء و انشاء المباني السكنية  والا كثر منهم لايميزون بين المهندس المدني والمعماري
فاذا كانت الهندسة المعمارية هي فن ابداع وخلق المباني من الخيال فالهندسة المدنية هي فن تحويل تللك الرسومات إلى معادلات رياضية ومن ثم تنفيذها على الواقع وهذا بصراحة من ابسط واجبات المهندس المدني .....................
     
حيث  تشمل الهندسة المدنية إضافة لذلك :
دراسة القوى الزلزالية وتدعيم المنشأت لمقاومة هذه القوى
دراسة احداثيات البلد ووضع الشبكات الجيوديزيةو الطبو غرافية وهي التي تقوم بتحديد موقع كل مظهر من مظاهر الارض  بشكل كامل  مما يفيد في كافة المجالاات الاخرى ( مد شبكات الطاقة أو توجيه محطات الارسال والبث .......)
مد شبكات المواصلات ضمن البلد وتجهيز البنية التحتية لهذه الشبكات من مراكز انطلاق وسكك حديدية شوارع جسور............
مد شبكات المياه ( مياه لشرب ومياه الصرف الصحي ) والكشف عن المياه الجوفية واستثمارها
  انشاء السدود وقنوات الري
  محطات معالجة المياه و النفايات الصلبة .....
  انشاء الموانئ
        وطبعا هنالك الكثير
و يكمن التحدي في هذا المجال  كون كل مشروع بحد ذاته هو  مشكلة جديدة ويحو ي ضمنه العديد من الصعوبات
فلا يوجد قالب عام يبدأ المهندس  منه لتنفيذ مشروع ما .  فهوا دائما بحاجة للبدء من الصفر فلكل مشروع  خصوصيته التي يجب احترامها
إلى جانب ان هذا الاختصاص يوفر فرص عمل كثيرة  وجيدة داخل القطر او خارجها رغم كثرة عدد المهندسين  وللمهندس السوري تحديدا مكانة مرموقة بين مهندس الوطن العربي  ولايعود ذلك لمستوى الجامعة وانما لانه المهندس السوري ( مدعوك ) يعني صاحب خبرة وبيفهم بكل شي وبيلقطها وهي طايرة
  لذلك انا انصح الطلاب الجدد  المترددين  بدخول الكلية  بعدم التردد رغم الصعوبات اثناء الدراسة لكن ها ممتعة

بكفي لليوم  ولاحقا  سوف احاول ان اعرض  ماهية المواد التي تتدرس بالكلية

اذا سمحولي الزملاء انا كمان  رح احكي على كلية الهندسة المدنية
بصراحة ..... هي كلية حلوة كتير بس بعد السنة الثانية لأنو من السنة الثالثة بيبلش الواحد بحس انو عم يدرس هندسة
بس    بنفس الوقت هي - برأيي - كلية صعبة وبدها دراسة كتير وشغل كتير 
وبكل الأحوال يعني هي بتستاهل واختصاصاتها متعددة ومجالاتها واسعة