السلام عليكم

بعد مناقشات و مباحثات و أخذ و رد

اتفقت مع protues (Ironman) على أن نترجم من كتاب encyclopedia of pharmaceutical tecnology

و ذلك لأنه يحوي عديد من المواضيع المختلفة في الصيدلة التي تناسب كل السنوات

من تحليلية و صيدلانيات و تكنولوجيا الصيدلة و مواضيع أخرى

لقد وضعنا مجموعة من المواضيع لكل من السنوات الثانية و الثالثة و الرابعة (بعد الترفع)

من الأفضل أن يختار كل من يريد المشاركة موضوع خاص بسنته

لكن يمكن لأي شخص من سنة معينة اختيار موضوع من سنة سابقة

و كذلك إذا أراد شخص من سنة معينة موضوع من سنة عليا أن يخبرنا بذلك

حمولو ملف الوورد و اختارو المواضيع و إن شاء الله سأجد طريقة لوضع كل جزء على حدة للتحميل بدل أن يضطر الشخص تحميل الكتاب بأكمله لأنه ضخم و يتكون من 4000 صفحة و حجمه حوالي 80 ميغا

أرجو من الجميع المشاركة فبالنهاية هذا مشروع فيه فائدة لتعلم اللغة و إضافة شيء جديد لاختصاصنا و خاصة أن هذه الموادة لا توجد لها كتب مترجمة بالأسواق كما في الحيوية و التحليلية و غيرها

و لمن يقول أنه يفضل القراءة باللغة الأجنبية و لا حاجة له للترجمة فأقول له أن كل دولة في العالم لها كتبها و مراجعها بلغتها الخاصة

فلماذا كان الغرب سابقا يترجم من كتبنا؟؟!!

هكذا سرقو علومنا و تقدمو علينا

فحاليا نحن نبدأ بالترجمة و بعد ذلك إن شاء الله يخرج من بيننا من يبدأ بالتأليف بهذا المجال

ملاحظة:

أرجو تثبيت الموضوع و إن أمكن وضعه في قائمة المواضيع في الصفحة الرئيسة للمنتدة ففي الصيف يدخل الكثيرين على النت و بذلك نجذب إنتباههم

و الله من وراء القصد

ما بعرف أديش أعداد الصفحات لكل موضوع بس أنا لفت انتباهي أكتر من واحد ..

ورأيي انو كل ما واحد اختار موضوع ينعملو cut وينرفع هون لحتى ما يصير خربطة ..

هاد حل مبدئي ...

أنا بختار واحد أو أكتر مما يلي (تبعاً لعدد الصفحات)
• Adverse Drug Reactions
• Alternative Medicines
• Drug Delivery: Ophthalmic Route
• Drug Delivery: Vaginal Route
• Dosage Forms: Parenterals

انتو اختاروا وارفعولي الجزء هون لحتى نبلش ... إن شاء الله

***************************************************

*ZAID*  و  proteus

الله يعطيكم ألف عافية

أنا بصراحة ما كتير عرفت بالأقسام الموجودة

بس حابب شارككم




بتمنى أنو أنتو تختاروا الأقسام الملائمة لطلاب السنة الأولى

و أنا إن شاء الله مستعد للمساهمة



         

==============

بتذكر كمان نو كنتو حاطين آلية

معينة مشان الترجمة بتعتمد على تبادل الفقرات المترجمة

بين شخصين مشان تدقيق الترجمة

بتمنى أنو  ترجعوا تحطوها مرة تانية

           

انا كتيييييييييير حابة اشتغل بالترجمة


انا مستعدة استلم اللي بتلاقو مناسب


الله يعطيكم العافية

هي شغلات مفيدة بالترجمة كان حاططها الأخ بشار

((الله يجزيه الخير ))

أكيد الترجمة لازم تدقق

المصطلحات اللي ما عرفتوها حطوها متل ما هي

إذا حسيتو أنو في فقرة فيها توسع زيادة عن اللزوم (خاصة العلاقات الرياضية) اتركوها

السلام عليكم

أنا من بعد إذنكم بستلم ترجمة هدول البحوث

انا بصراحة حبيت هالفكرة كتير

و جاي على بالي ساعد

و اي شي بدكن تترجموه انا جاهزة  و بنضم لالكن

و فكرة فارس كتير معقولة


و شكرا الكن زيد و بروتيوس عالفكرةالحلوة

السلام عليكم

أريد أن أنوه إلى أن الغرض هو الاستفادة و الإفادة

و ليس الترجمة الحرفية

فنحن لسنا بصدد ترجمة الكتاب بالكامل و طباعته و نشره

فهناك مواضيع متقدمة بالكتاب لن نفهمها إلا عندما نصل إلى الدراسات العليا إن شاء الله

فإذا كانت هنالك جملة صعبة بعض الشيء فبإمكان الشخص وضعها هنا في هذا الموضوع و نساعده بترجمتها

و إذا كان هنالك فقرة ليست ذات فائدة كبيرة كتجربة عالم معين و علاقات رياضية معقدة فممكن كذلك وضعها كما هي هنا و نفكر إن كانت هامة أم لا

أرجو من الجميع المشاركة لأنه تقلايباً لن تزيد حصة الشخص عن 15 صفحة تقريباً هذا مع الجداول و الصور التي لن نترجمها

إن شاء الله سينزل بروتيوس الملفات مجزءة كلا على حدة هنا و سأنزل الكتاب كاملا كذلك على 4shared
و بالتوفيق

السلام عليكم
أنا لهلأ ما فهمت شي..
يعني مو المفروض تحددوا وقت لاستلام تسجيل المشاركات؟
و تحددوا وقت البدء بالترجمة؟
بعدين مو كان لازم نحط إعلان بالجامعة مشان نجمع طلاب أكتر؟لإنو هون بالمنتدى أد ما جمعنا حالنا ما رح نوصل للعدد المطلوب..

على العموم بتمنى تخبرونا هي التفاصيل..
و أنا بدي موضوع ال HPLC و إذا كان هالموضوع كبير فبتمنى حدا يساعدني فيه..

و الله يجزيكم الخير,,,و لا تنسوا إنو يد الله مع الجماعة.......