السلام عليكم

اليوم نزلت جبت دورة السنة الماضية

سمعت أنو الدكتور خليل بجيب دورات دائماً

يعني يلي مو ملحق لسا يحاول يدرس مشيل و فوزة

بس في كم سؤال بدي شوف رأيكم فيهم

أحد الجراثيم التالية تسبب مرضاً في اللثة و الأسنان
- strept.viridans
-strept.pneomonea
-strept.pyogenes
-peptostreptococcus
-strept. mutans
بعتقد الإجابة هي 4 لأنو هي جراثيم لاهوائية و هي يلي بتسبب الخراجات
أما لو فرضنا هي الفيريدانز فهي موجودة بالأسنان بس غير ممرضة
أما القيحية فبتصيب البلعوم مو الأسنان

عند تحضير المستنبتات الخلوية لزرع الفيروسات يجب تأمين سائل مغذي لحفظ الخلايا الحية  ويعقم بواسطة :
- مراشح الكوليديون
- مراشح ذات مسام 0.22 ميكرون
- مراشح بورسلان 0.47 ميكرون
- angular centrifugation
- autoclaving
بعتقد الإجابة هي التانية لأن الأولى بنستخدمها لتعيين حجم الفيروسات

اختر الخطأ:
filogin:
-تطور الريبوزومات
- انزيم الإندوكيناز
- تسلسل الmRNA
- binomfront
صراحة ما فهمت شي من السؤال بس يلي بعرفو أنو المسابير الفيلوجينية بنستخدمها لمعرفة المرحلة التطورية للجرثوم

مفهوم التوكسيم:
- الصفات الشكلية
- التحسس على عاثيات الجراثيم
- الصفة المستضدية
- وجود البلازميد
- التحسس على الصادات الحيوية

بعتقد أنو هي وجود البلازميد

الصحيحة:
الشحميد القلبي في كشف الداء الإفرنجي عن طريقة:
- تثبيت المتممة
- تفاعل التجميع (جمع التفاعلات)
- تفاعل تثبيت الحركة
- تفاعل التحوصب
- الترسيب

الله أعلم..... دورت بالمحاضرة و ما لقيت شي

عوامل الفوعة للمكورات الرئوية
- الصفات الشكلية
- التحسس على عاثيات الجراثيم
- وجود البلازميد
- الصفات المستضدية
- التحسس على الصادات الحيوية

أنا شاكك بالإجابة الأولى لأنو المكورات الرئوية ما بتكون ممرضة غير إذا في عندها محفظة و هي من الصفات الشكلية

هادا أغلب الشغلات يلي لقيتها صعبة

بالنسبة لسؤالم "نور الهداية" فإجا سؤالين عن الموضوع هاد و كانو مباشرين و سهلين

على فكرة ركزو منيح على الدورات لأنو حاسس هادا القسم كلو متل بعضو
يعني الطفيليات و الجراثيم و الفيروسات و الفطور
كلهم بموتو بالدورات

موفقين

اقتباس

الصحيحة:
الشحميد القلبي في كشف الداء الإفرنجي عن طريقة:
- تثبيت المتممة
- تفاعل التجميع (جمع التفاعلات)
- تفاعل تثبيت الحركة
- تفاعل التحوصب
- الترسيب

بعتقد ... تفاعل تثبيت الحركة لأنو بالسفلس في immobilisine .... ولا لكون عم بحكي عن شي تاني ... وبلشت خبص!!!!!

اقتباس

عوامل الفوعة للمكورات الرئوية
- الصفات الشكلية
- التحسس على عاثيات الجراثيم
- وجود البلازميد
- الصفات المستضدية
- التحسس على الصادات الحيوية

أنا بظن الإجابة الرابعة ... ليش المحفظة مو من البنية المستضدية ... ولا بس من الشكلية؟؟؟

موفقين

اول شي شكرا كتييييييييييييييييييييييييييير زيد ومها

الصراحة انا ما حفيدكن كتيييييير باسئلة الدكتور خليل لانو ما دارستو مظبوط
موفقيييييييييييييييييييين


ان شاء الله بكرا بتيجي اسئلة حلوة يعني حاجتنا اسئلة صعبة
استوينا

 

شو مشان اليوم الجراثيم
كانو اسئلة فوزة غير شكل
يعني لو درسنا خليل احسن
 

عنجد كانوا الاسئلة شغلة
لكن حدا بجيب سؤال اختر المختلف
كتبت كم شغلة وتركتنا نتبحر لحالنا
تقولوا معنا 3 ساعات فحص
حتى ميشيل ما قصر وفي شغلات مو بالمحاضرات
على كل حال مضت
بس عم يقولوا بكرة العلامات(لاخذ العلم)
موفقين وادعولنا

السلام عليكم

الله بعين شو بدنا نعمل

و المشكلة أنو أجت أسئلة فوزة عندي أول شي

أول صفحة ما جاوبت شي

بعدين تاني صفحة شرحو........و لا شي مفهوم

آم قلت خلصنا زتلك كم جواب

يعني بسبب أسئلتها الخرندعية خبصت بكم سؤال لخليل كان ممكن جاوبهم بسهولة

_______________________________________________________________

على فكرة المادة تصححت كلها و توقعت و بكرة بدها تنزل

و آل أعلى علامة 83

موفقين

الحقيقة اللي زعلني انو عأساس أنا أكتر شي مركزة على قسم د فوزة آم ما عرفت حل غير يمكن يا سؤال يا اتنين والباقي تشليف ..

اقتباس

لكن حدا بجيب سؤال اختر المختلف
كتبت كم شغلة وتركتنا نتبحر لحالنا
تقولوا معنا 3 ساعات فحص

والله الحق معك نونا
أنا هالسؤال ما كنت أعرف شو اللي بيربطهن لحتى أعرف المختلف

ولا شو مشان هالسؤال تبع رتب ... ؟؟؟؟؟!!!

بس يلا الحمدلله المهم خلصنا من المادة ... يعني أنا حاسة ماعد عندي ولا نص كالوري ادرس فيها للمواد الجاية .... استنزفت حالي عالأخير ...
بس شو بدنا نعمل .. بدنا نضغط على حالنا

******************************************

بس لو سمحتو... لما تدروا انو نزلت الجراثيم بكرة ... حطولنا خبر عالمنتدى لحتى قول لأختي تمر من الشغل مشان ما خليها تمر عالفاضي ,,, ويسلمو

******************************************

السلام عليكم

نزلت مادة الجراثيم...نسبة النجاح 85%..
لحقوا جيبوها ..
مبروك للناجحين ...

مرحبا



نزلت الجراثيم



موفقيييييييييين






     

مبروك النجاح

مها 74 بالجراثيم
 
زيد 82


  موفقين