أهلين فيك رايسا بالمنتدى ,,,, بتمنى مو بس تبقي متابعتينا وإنما كمان تشاركي وتفيدينا وتستفيدي ...

على فكرة أنا يئست من هالحالة كلها .... يعني كمان اليوم طلعت وواقف معي النجاح على علامة ,,,,,  لاحول ولا قوة إلا بالله

يعني أسئلة د محمد لساتها متل ما هي..... استنتاجية وفهم وتدقيق للعضم
أما اللي فاجأني انو كنا متفائلين بقسم د هند انو تجي الأسئلة سهلة أو معقولة ... فطلع كلو متل بعضه ...

والله هالفصل هو فصل الشؤم تبعنا ..... انشالله تفرج عن قريب

برجع بكرر النداء مرة تانية نتيجة للأحوال السيئة اليوم يا ريت أول ما تطلع المادة حدا يخبرنا ,,,,,, وإذا ببشرنا بالنجاح بكون فضل علينا ... وشكرا

السلام عليكم

الحمد لله أنو خلصنا من هالمادة

مع أنو في أسئلة شوي غريبة عند الدكتورة هند بس على العموم ما شي حالها بتنحل

و منيح ما جابت وصفات غير وحدة لأنو مو دارس وصفات منيح

و الدكتور محمد أمين أسئلته كانت كتير صعبة

يعني مفروض يكون في تدرج بالصعوبة من سهل مباشر لمتوسط لصعب

بس هو شايفنا و مو مصدق و مفكرنا عباقرة زماننا بس لأنو كانت نسبة النجاح بالتكنو 1 75% و قبل هيك أقل

و على فكرة كنت متوقع أنو يجبلنا بروتين و يحط عليه أسئلة استنتاجية

ما رح أحكي عن تفاصيل الأسئلة لأنو الكل قرفان و بدو يخلص

موفقين ان شاء الله تجي أسئلة الإصطناع سهلة

السلام عليكم
و بعدين مع هالكلية!!!!
يعني يا حدا داعي علينا يا أما نوايانا مو تمام لأنو مو معقول الشي اللي عم يصير معنا هالفصل...
  يعني فهمنا أنو نحنا بنظر الدكتور كتير مناح و إنو بدو يجيب أسئلة تناسب مستوانا بس مو لدرجة إنوأنا  طالبة سنة ثالثة حل أسئلة طلاب دراسات عليا و متخصصين ..يعني هي الأسئلة لتحطيم المعنويات مو أكتر..لأ و كلو بكوم و سؤال عامل الإزاحة اللي لازم أختار الجواب (ليس أيا مما سبق) بكوم تاني..لإنو حاطط غرام ناح الرقم 3..
أي أنا من كتر ما توترت صرت قول ربع ال12 هو 8   بقا رح انتبه إنو حاطط واحدة لعامل الإزاحة!!!
بس الواحد شو بدو يحكي يعني بضل أستاذي و لازم أحترمو بس و الله مالي مصدقة إيمتا رح يجي الخميس مشان شوف الدكتور و إفهم ليش هيك عمل قبل ما أطلق أي حكم سلبي..
و الله الواحد صاير بيطلع من الفحص و صاير معو over dosing من الاكتئاب و بيقدر يوزع منو على الكرة الأرضية و بزيد معو احتياطي..
و اليوم ما بعرف شو صرلي أول ما سألتني رفيئتي كيف طلعتي فرطت من البكاء و أناما بكره حدا يشوف دمعتي إلا شوي ..و الله مو جاية على بالي أمسك أي محاضرة و أدرس...
بس لسا ما خلص المسلسل يعني لسا في الحلقة الأخيرة و ما قبل الأخيرة بالاصطناع و الإحصاء و لنشوف شو رح يصير من أحداث و مشاهد..  
حسبنا الله و نعم الوكيل..

                                          مرحبا
كيفكون
كيف كان الفحص
يمكن يكون كتير منيح ما حدا بيعرف شو بيصير
بس حاسة الدكاترة عم يتسلو فينا




موفقين
الله يستر

السلام عليكم

طولي بالك "نور الهداية"

يعني زكرتيني بأيام السنة الأولى لما طلعو البنات من مزاكرة العملي الحيوان يلي كانت من 2 و عم يبكو لأنو آخدين 0

مافي شي محرز

هي أسئلة الدكتور صعبة بس كلها بتنحل

بس سؤال DV كان بياخة عالمزبوط

و مشكلة الدكتور ما بيعرف يحط أسئلة لكل المستويات

كل الأسئلة فيها أفكار و مافي شي مباشر

و المشكلة كمان أنو بالفصل الأول كان في أسئلة الدكتور جورج حليناها بخمس دقائق و نسيناها أما هلأ كان عنا الدكتورة هند ما قصرت فينا

و يلي قاهرني أنو أنو طلعت جايبة دورات و أنا مالي دارس دورات آل لأنو هي دائما بتجيب أسئلة جديدة

يعني كنت ركزت أكتر عمحمد أمين

درسو منيح اصطناع و إذا حدا عندو أي معلومة حول المادة يا ريت يخرنا و بندعيلو بإذن الله

السلام عليكم
مشان الله زيد..لا تحسسني إنو أنا و كل اللي بعرفهم أغبياء...
يعني شلون زبطت معك إنو كل الأسئلة بتنحل؟؟؟؟
يعني إذا أنت متعمق بالمادة كتير و فهمانها تمام و حاطط ببالك إنو تطلع من الأوائل فهاد الشي مو موجود عند كل الطلاب..مو لأنو هنن أغبياء بس على مبدأ(كل ابن أدم ميسر لما خلق له)و أنا منن يعني أنا عندي مئة شغلة مهمة غير الدراسة(يعني مو بس الدراسة) و مالي مستعدة أفطر و اتغدى و اتعشى دراسة مشان بالأخير تجي أسئلة ما بتراعي ظروف كل الطلاب..فالله يخليك لا تحكي كلام عام..
و على كل صار الوضع عنا بالجامعة من أسوأما يكون ..لأ و نحنا مضروبين بحجرة كبيرة إنو نحنا طلاب جامعة دمشق..أي يجوا يشوفوا شو عم يصير..هي اليوم طلاب الرابعة نازلة الدمويات و شي بخلي الواحد يطق من القهر..

السلام عليكم

الله يسامحك

ليش هيك فهمتي كلامي

كان قصدي أنو ما تحملي الأمور أكتر من طاقتها

والله مافي شي بهالدنية بينزعل عليه

المهم طولي بالك و ضربيها طناش

والله أنا بقدر ظروف كل الطلاب

عندي رفيق بضل يشكي أنو ما عم يحسن يوفق بين دراستو و شغلو

فبحاول ساعدو قدر المستطاع

بعدين رح تعمليلي متل رفقاتي

مفكريني آعد عم آكل الكتب أكل

ما شايفة أنو بفوت عالنت ميت مرة باليوم

لأ و ما بخلي فلم يعتب عليي

و صاير من جديد مأدمن عالفيس بوك

طولي بالك........يمكن تكوني محملتيها زيادة

موفقين

السلام عليكم
و الله أنا معصبة و صايرة ما عم أتحمل كلمة...
على كل حصل خير..و بعتذر إذا أسأت بالكلام بس بطق إذا ما عبرت عن وجهة نظري..
و الله يخليك حاجة تقول إنك محملتيها زيادة..و الله أصعب شي بالحياة إنو ما تلاقي نتيجة تعبك..

نصيحة..دير بالك من الفيس بوك..لإنو من كتر ما عم أسمع عنو أشكال ألوان ،قررت إنو حتى ما أعمل تصفح فيه..و أهم شي ما تتأثر دراستك لأنو و الله ما صدقت يطلع حدا فالح فينا و يرفع راس المسلمين..اللي دينهم بدأ بكلمة إقرأ بس للأسف الوضع الحالي خلى الغرب يقولوا عنا إنو نحنا متخلفين..
شوف وين صرنا بغير بموضوع..ما قلتلك ما بقدر ما عبر عن وجهة نظري..

يلا درسوا منيح و إن شاء الله موفقين..

السلام عليكم

بالنسبة للفيس بوك فأنا بس بشوف أخبار رفقاتي بالإمارات لأن انقطعت عن أخبارهم

و في شوي من زملاءنا بالكلية مشاركين فيه

يعني قائمة الأصدقاء بحسابي بالفيس بوك ما بيطلعو 10

أما بتلاقي كل واحد عندو فوق 200 صديق

هو صراحة فيه شغلات ما بتسوا فبحاول اتجنبها

___________________________________________

بالنسبة للإصطناع

سمعت أنو واحد راح دارس بس دورات و جاب 50 (نظام قديم فرفع المادة)

بس يلي دارس المادة جاب علامة منيحة

أنا مالي جايب دورات بس عندي دورة 2007 فيها 50 سؤال من أصل 70

أغلب الأسئلة من السلفاميدات و سهلين

و شغلات من السكري و الكورتيكوئيدات بيتجاوبو عادي

بس المشكلة أنو السنة الماضية ما كانت تعطي الدكتورة ربا

و شكلها متزاولة منا

خايف تكتر من أسئلة اصطناع NSAIDs

بس بنصحكم تدرسو الدكلوفيناك لأنها قالت أنها بتحبو و كانت رسالة الماجستير تبعها عنو

موفقين

اقتباس

و الله الواحد صاير بيطلع من الفحص و صاير معو over dosing من الاكتئاب و بيقدر يوزع منو على الكرة الأرضية و بزيد معو احتياطي..

لك آآآآآآآآآآآآآآآآآآآآه والله هالحكي صح مليون بالمية .... وأنا صايرة عم امسك المحاضرة وقول "لك ليش لتعذبي حالك ... عم تدرسي كتير وآخر شي بتطلعي وانتي مو عارفة مصيرك النجاح ولا ؟؟؟؟؟؟"
هاد غير الملل اللي صار ماعد يحتمل بالمرة .... الله يخلص هالفصل على خير ... لأنو مو حاطين ولا مادة الواحد بيقدر ياخد نفس فيها .... كلو صعب وضخم بشكل مو طبيعي

حسبي الله ونعم الوكيل

موفقين

(رجاء ,,,,,, بتمنى اللي بيقدر ,,, إذا الله أكرمنا بالنجاح بالتكنو ,,, انو يبشرنا وما ينسانا ..... وانشالله كلنا مننجح فيها .... وكل واحد بياخد على أد نيته ياااااااا رب)