رد مشاركة : كُنتُمْ خَيْرَ أُمَّةٍ أُخْرِجَتْ لِلنَّاسِ ... فأين نحن اليوم ..؟؟ ولماذا ..؟؟
طيب :
أول شي : أنا ما قلت إنو الكفرة المتقدمين " المبدعين للحضارات " هنن مناح ,,, فيك تقرأ تعليقي مرة تانية و تشوف إنو أنا ما جبت هالسيرة أبداً ,,, أنا بس عم اتغنى بجمال الحضارات اللي خلقوها ,,, و بتوقع إنو رب العالمين لما خلق الأرض و حط فيها هالثروات فما قصدوا إنو نتفرج عليهون و بس ,, لازم نستثمر هالخير اللي حطوا الرب ,,, و لحد هلأ كل المستثمرين هنن الغرب ,,, ما بدي اتشعب كتير بس في كم فكرة لازم نبه عليهون ,, تخيل إنو الغرب ما بدهم يشاركونا بحضاراتهون و باللي أنجزوه ,,,, تخيل حياتنا بدون الحضارة الغربية ,, أكيد بتعرف إنو لو بدك تروح ع بيت الله ف بدك شهر لو ما في طيارة ابتكروها الغرب ,,, تخيل الغرب ما وصلولنا جهاز الكومبيوتر ,, في كتير شغلات بس باختصار حياتنا بدون الغرب و إنجازاتهم رح تكون كتير صعبة .
جملة " يضرب التقدم إذا خلا من الدين " : أنا ما جبت هالسيرة أبداً ,, أنا ما كتبت جملة بتسدعي هالتحليل الغريب و لتطلع معك جملة متل هي ,, انا بدي تقدم مع دين ,, بس ما بدي نخلط بين التقدم و الدين ,, و إذا دينا اللي هو أصح دين بين كل الأديان السماوية ,,, لاء و بحالتو هلأ ( اللي بتسموها إنتو بعد كبير عن الاسلام الحقيقي ) بظل أحسن دين لأنو العقيدة صح و ما في غيرا صح بين كل الأديان ,, تخيل نحنا الدين الوحيد الصح بالعقيدة و اللي هي أهم شي و دينا بحضنا على طلب العلم على قولتك و المجتمعات التانية كل أديانا مشوهة و مغلوطة ,, آخر شي بنطلع نحنا الأكثر تخلفاً !!!!!!!!! ,, هاد ما بيعني غير إنو التقدم و صناعة الحضارات شي مو مرتبط بالدين أبداً ... فقط بيرتبط بالعلم و العمل .
أقوى و أكتر جملة صح قلتا بحياتي ,, بقولا على طول للمشايخ اللي بعرفهم ولخالي اللي هو دكتور بالشريعة :
" لن تتقدم الأمة بكثرة المساجد ,, لن تغير المساجد شيئاً في الدنيا ,,, فأجر المساجد هناك في الآخرة ,,, و إذا أردتم تقدماً في الدنيا و قوةً تعزّ الإسلام و أهله ,, فتلك هي على أبواب الجامعات و فوق طاولات البحث العلمي ,, فأكثروا من الجامعات و حسنوها و تبرعوا لمختبرات الأبحاث بدل أن تتبرعوا لمساجدَ امتلأت أرضنا بها و خلت من أناسها .
البند رقم " 1 " و " 3 " بتتفق معي فيون ,,, البند " 2 " اللي كنت بدي قولو إنو علماء الدين مقصرين ,, و لو حطيت تفاصيل البند رقم " 2 " ع جنب ,, و حاولت تستخلص الفكرة العامة فوقتا رح توصل للشي اللي كنت بدي قولو : إنو علماء الدين مقصرين .
البند رقم " 4 " برجع بأكد ,, إنو البعد عن الدين قد يعود لأسباب ترتبط بالعلم ,, كالأمية مثلاً ,, فالإنسان المتعلم سيكون دينه أقوم من الأمي ,,, بل أقول هنا إن التشدد في الدين قد يلهي عن العلم و طلبه ,, و مهما خشعنا في صلاتنا ,, مهما أطلنا من لحانا و قصرنا من أثوابنا ,,, مهما صمنا النهار ,, و مهما قمنا الليل ,,, مهما و مهما ............ لن نستعيد عزتنا و هيبتنا في عصر كهذا ,,, إلا بالعلم ,, إلا بقيام الليل ,,, ليس في صلاة ، و إنما في علم و بحث و مثابرة .
تحياتي .
كُنتُمْ خَيْرَ أُمَّةٍ أُخْرِجَتْ لِلنَّاسِ ... فأين نحن اليوم ..؟؟ ولماذا ..؟؟
حتى إشـــــــــعار آخر 
ومنستنى بدل الشوي .. شويتين ونص 
وأهلا وسهلا فيكن بأي وقت وبكل وقت 
من جديد .... 
