اقتباس

الله يسامحك أخي الكريم فتيشة شو..بدكياها تنقلب على راس مين بالضبط؟

لك لأ مو هيك القصد

فتيشة إيجابية لتحريك الموضوع

لا أكثر

و أنا متأكد أنكم ستأتون على ذكرها


شكرا ثانية

إذا إخواني وأخواتي
شو برأيكن
الفرق الرئيسي بين الإسلام والمسيحية؟؟

هل بعمركن حاورتو مسيحي بالدين وعرفتو أفكاره؟؟
هل من المفروض الدينين يكونو دينين مختلفين؟
شو سبب الاختلاف وشو ردنا كمسلمين على معتقدات المسيحية؟

حابة أعطيكن وصلة لفيديو كتير حلو ومفيد للشيخ أحمد ديدات رحمه الله يرد فيه على بعض أسئلة القساوسة بصورة رائعة..
بتمنى كل مسلم يكون مثله بيوم من الأيام
بس بالأول حابة شوف تفاعل..ما شاء الله في قراء بس ما بعرف الردود دايما بمواضيع النكت!!
غريب أنا لي مواضيع إسلامية بمواقع أجنبية وصل عدد قرائها لل13000 والردود قريب 600 غريب أمر المسلمين والله

لا إجابة طبعا ...خرج أخي الحزين الضاحك يرمي هالفتيشة ويخلصنا...
وينك يا أخونـــــــــــــــــــــــــــــــــــــا
شعللنا هالموضوع..بدنا الناس تستفاد لأيمتا بدنا نضل نااااااااااااايمن

السلام عليكم
أنا بعتذر لأني اتأخرت بقراءة الموضوع
بس الموضوع أكتر من رائع
ومن الواضح انو عندك حجج قوية حابة تطرحيها
هلأ بالنسبة الي أنا أكيد مسلمة لأني ولدت هيك وبصراحة بحب ديني كتير
بدي كون صريحة أكتر شوي
أحيانا بتواجد بمطارح بتكون في البنات كتير سبور بستحي شوي بحالي أو اني ملتزمة زيادة باللباس
طبعا هاد شعور مو أكتر يعني ما بيتغير شي من واقع لبسي
بس أنا حبيت قلك لأني حابة اني اتخلص من هالشعورلأني أحيانا بحسو ذنب كتير كبير وحاسة انك بتقدري اتساعديني حتى كون فخورة بحالي وين ما رحت
هلأبالنسبة لسؤالك اذا بسأل المسيحية عن دينهم
الجواب اني بسأل كتير بس ما بعرف بحس أغلب يلي بسألهن ما بجاوبوا بقوة أو بصراحة بعني بحسهن خجلانين أو مابعرف يعني أحيانا بسحب الحكي سحب
بس ما بناقش بس بسمع كيف بفكروا شو بتمثل عندهن بعض الاعياد
بس قريت كتير عن اليهود
وبالفعل ما اكرهتهن غير من بعد ما عرفت عنهن كيف بينظرولنا النا أو للبشرية بشكل عام
وكيف عاملوا أنبيائهم وكيف بينظروا حتى للاله
أنا بعرف اني أطلت الرد
بس عندي كتير اشيا حابة احكيها
ان شاء الله شوي شوي منتناقش بكتير قصص
وأخيرا ألف الحمد لله على نعمة الاسلام
لأنو مافي دين عالج كافة أمور الحياة بمنطقية وعقلانية متلو
ولا دين احترم المرأة وصانها متلو
بتمنى انك اتابعي بموضوعك ولو ما لقيتي رد
لأنك عم تتركي فينا بصمات رائعة
وأنا رح تابع موضوعك وبإذن الله يكون هالعمل بميزان أعمالك

حابة كتييير شاركن النقاش

بس ما عم ققدر جمع أفكاري

الموضوع متميز جدا .. جدا

نحتاج ... بشدة إلى تثقيف .. ديني

بطريقة جديدة .. وإن هذه .. الطريقة من أكثرها فعالية

سأجمع ..أفكاري .. وأبدأ

بالنسبة لنقاش .. شخص من دين آخر !!!

فإني صراحة .. لا أجرؤ ..

بالنسبة لكون الإسلام هو دين العزة .. والمنطق ..فهو شيء

لا نقاش عليه ..

والفرد المسلم .. أجده .. ذو شخصية قوية لا يأبه بما حوله

فهو له دينه يمشي في مجاله .. ولا يكترث بما وصل إليه المجتمع

من أخلاق .......!!

شكرا لك شيماء

وإن شاء الله سأثابر على المشاركة في هذ الموضوع

                                                                                      Talented Arch

اقتباس

هل بعمركن حاورتو مسيحي بالدين وعرفتو أفكاره؟؟

اول شي لحتى ما تفكروني متعصبة..... انا غير مسيحية

وبصراحة بحس الدين المسيحي بيهتم بالروحانيات اكثر من الماديات والمظاهر

وكثير بحترم هالشي .....

طبعا ما بصير نحكم على الشخص من خلال دينو او طائفتو... لأن كل شخص بعبر عن اخلاقو وتربيتو من خلال  مواقفو وتصرفاتو بغض النظر عن الدين

بالنهاية كلنا بشر واخوة .. وما حدا اختار شو بدو يكون .. وبكل دين في انسان صالح وانسان سيء

أختي فداك أبي وأمي..

معرفتنا بالدين هي يلي بتخلينا نوقف بين السبورات ونرفع راسنا ..أنا شخصيا بمشي بالشارع و وين ماكنت بسن الناس ..بحس بالعزة..آسفة لهالكلمة بس جد بحسهن مساكين..بتمنا اله يهديهن..بس ما بمشي بانكسار أبدا لأني الإسلام دين عزة..فكري بهالكلمتين كل ما تكوني بين الناس..فكري إنتي شو عندك وهنن شو خسرانين..مو قصدي التكبر أبدا..
بس من ناحية ..أنا مكرمة..جوهرة مصانة..ديني أعزني..الله بحبني وفقني لهاللبس وحطني بهالاختبار لأنه متأكد إني رح إنجح..
فهمانة عليي ما؟؟
جاوبيني بصراحة خجلك شو سببه؟هنن عايشين حياتهن؟؟ وإنتي لأ؟
أبدا مو صحيح ..إذا هنن إلهن الحياة إنتي إلك الحياة والآخرة..إنتي الكسبانة مو هنن


هلأ بالنسبة للمسيحين ..عنا بالعالم العربي..مستحيل يصير فيه نقاش بين الأديان..الطريقة الوحيدة هي النت صراحة ..
وبالنسبة لليهود ..أنا اتعلمت شغلة من تجربتي عالنت..لا تحكمي على حدا أبدا..كل شخص له كيان في يهود عم يدافعو عنا على فكرة..صح قلال بس المعنى لا تعممي ..نصيحة..
شكرا لمشاركتك بانتظار بقية الحوار أختي الكريمة :)

أخت lolo
كلامك حلو ورائع كتير..
نحنا ضد التعميم..لا بدنا نعمم وبدنا نفهم العالم أنه ما يظلمنا كلنا مشان كم واحد متطرف..هاد أول شي
الدين المسيحي اهتم بالروحانيات..بس من تجربتي لقيت..تحت غطاء الروحانيات في معتقدات عم تعذب أصحابها..في خلل بالمنطق..في شي من غسيل الدماغ..في أشياء لا تجب مناقشتها..

في ناس بحاكيهن عادولي نفس الديباجة مية مرة بحسهن مسجلة..بحاكيهن بالمنطق بعيدو نفس الإجابة..صراحة اشفق عليهن..ممنوع السؤال عندهن..
بس وين النهفة بيجو بقولولنا..أنتو بتآمنو  عالعمياني!!
طبعا هاد الشي ببين أنه هاد شعورهن الداخلي..بس ما علينا ..الله يعينهن ويهديهن وأكيد واجبنا نحاورهن ونساعدهن يطلعو من الصندوق..
صح أختي الكريمة ما حدا اختار شو بده يكون..بس نحنا عنا الخيار بعدين ..شو أسمنا إنسان لكن؟
شكرا بانتظار المزيد

أختي talented arch 
شكرا لردك..
فيه قوة المسلم وعزته ..بس المسلم لازم يهتم بأمور الناس حواليه..دينا مو دين أنانية أبدا

حابة أعطيكي موضوع تتنقرشي فيه كل ما مليتي ..بالإنجليزي بس..موضوعي بمنتدى أوبرا..شوفي الردود والحوارات شيقة جد

http://www.oprah.com/community/thread/121822

اتسلي وإذا عندك تعليق على أحد ردودي يا ريت تقولي لأستفيد
شكرا للمرور :)))