إنشاء الله في 9/2/2009  الساعة التاسعة مساء

سأحاول قدر ما استطيع مع أنني سأكون مشغولاً بأمر ضروري

و لكن أرجو أن تكتب يا Iron Man كل ما ستتفقون عليه هنا في هذا الموضوع

فربما لن أستطيع التواجد في ذلك الوقت

لكن إذا قمتم بتوزيع الصفحات فأرجو ألا تنسوني

(  و ألا تنسوا أنني طالب سنة أولى   ) ( يعني أبقوا على أسهل الأقسام

لنا )

ما بعرف إذا يوم الاثنين  الساعة 9فيي كون بالمنتدى بس رح حاول على كل حال إذا صار في توزيع للصفحات ياريت تعطوني 20 صفحة وياريت تكون من قسم التكنولوجي ........
ولكم جزيل الشكر

مرحبا شو صار بهالمشروع شو بطلتو
بدنا نعملو خبرونا شو نساوي لانو عنجد متحمسيلو كتير

السلام عليكم

صار شوية تغييرات

بدنا نترجم بالبداية كتب الها علاقة بالصيدلة بس صغير شوي

بس حالياً في كم شغلة معصلجة و عم نشتغل فيها أنا و قاضي

بس يصير شي بنخبركم أكيد

السلام عليكم
والله يا طلاب الرابعة (الثالثة سابقاً) كنت بدي نزل مشاركة و قلكم شو صار بموضوع الترجمة بس كنت عم انتظر للخميس لإنو في شغلة بجوز ساويها و إذا بدي ساويها رح تاخد مني الصيفية كلها و يمكن حتى نوم ما أقدر نام منيح و رح يكون صعب شارك و هالشي رح يبين معي الخميس ..بس بعتقد إذا 20 صفحة إن شاء الله بقدر عليهم و لو كنت مشغولة..
مبدئياً حطوني بالقائمة و أنا حابة شارك و لو ما رح نام ولا دقيقة..
بس ملاحظة إذا في شي بالترجمة إلو علاقة بالكيمياء التحليلية فياريت تخلوا إلي لإنو أنا بحب التحليلية كتير و مخليتها رقم 1 من ضمن الخيارات اللي ناوية أعمل فيها ماجستير...
بالتوفيق للجميع..........

هلأ ممكن نترجم هذا المرجع (وأنا بفضل ذلك)

أو شي كتاب صغير

من الكتب المقترحة:

أساسيات الكيمياء الصيدلية (طبعاً العنوان بالانكليزي) هاد ممتاز للسنة الأولى والتانية

مبادئ الترموديناميك في الجمل الصيدلانية (للي ترفعوا للتالتة) بس الشباب ما كتير مقتنعين فيه


فشو رأيكم نبلش بالمرجع أكيد ما رح نترجمو كلو لأن في كتير شغلات حكي مصدي (بالنسبة إلنا طبعاً)

فما رأيكم؟؟؟؟؟؟؟؟؟؟؟؟؟؟

السلام عليكم

أنا فكري أنو كل واحد يترجم قسم من المرجع

لأن في كتير أقسام متنوعة

يعني في شغلات إلها علاقة بالتحليلية و شي بالصيدلانيات و شي بالتكنو و شي بالعقاقير

إن شاء الله بجتمع مع proteus (ironman) و بنتناقش بالموضوع

___________________________________________________

في شغلة مالها علاقة بالموضوع بس حابب نوه إلها

ما حدا يترك الدعاء

أدعو الله و تيقن من الإجابة

و خاصة أثناء السجود

والله لما يستجيب إلك الله بتحس بحلاوة الإسلام و أنو في قوة خفية وراك مسيرتك

يلا يا جماعة عجلوا شوي انشالله حنقضي الصيفية كلها ننتقي شو بدنا نترجم؟؟؟

بس يا جماعة يا ريت تشاورونا عالسريع بالمقترحات الممكنة المتوفرة و الجيدة كبداية.


هلق أنا برأيي أنو نبلش بكتابين صغار مع بعض أو كتاب واحد متنوع مشان كل واحد

ببلش بالقسم يلي بحبه, وقتها الكل ببلش بهمة.

لأنو صراحة أنا مثلاً بحب كتير (الأدوية) و (الصيدلة السريرية) و (الطفيليات)و (الأمور المخبرية) فرح ترجم أكيد أسرع و

بهمة أكتر بكتير  من (الكيمياء التحليلية) مثلاً - يلي ما بتنزلي ع معدة-

طبعاً أنا رح ساعد بكل شي بقدر عليه شو ما كان القسم بس حبيت وضح قدراتي ..



بالمختصر إذا الكتاب -أدوية- أو -صيدلة سريرية- أو -طفيليات -اتركولي حصة الأسد..

لما تقرروا ,كيف رح ناخد نسخ عالنت او بطريقة أخرى؟؟؟؟؟


يا ريت تردولنا خبر بكرة لأنو ما لح أقدر أفتح نت للأحد..


                - الله يسرلنا أمرنا-

ما شاء الله

     

بما أنو همتكم عالية

و بما أنو في نظرة جدية بخصوص مشروع الترجمة



فبس يصير أي شي رسمي أتذكروني

     



الله يعطيكم  ألف عافية

هلأ أنا ما فهمت لهلأ شو المرجع اللي اتفقتو عليه ؟؟؟؟؟؟؟؟؟؟؟؟

انشالله يكون متنوع لأنو كل واحد مهتم بشي معين ....

خبرونا شو هو المرجع وطريقة الحصول عليه ... بالكلية ولا عالنت؟؟؟

وخلونا نبلش بهمة عالية !!!!!!!!!!!!!!!!!!!