مسا الخير..
اشتقت لهالمكان..
كل كم يوم بتفقده و بغص..
كل حياتنا تغيرت،، فتت لهون كنت ثانوي،، حلمت بالصيدلة و فتتها،، و خمس سنين مرءو و ما ضللي غير يوم واحد دوام ودع فيه المخابر و العملي و كلشي،، و ارجع اتجهز للامتحان النهائي..
شعور غريب، حلو و حزين، عم نكبر و الأيام عم تسرقنا...
و ما بيرجعني لمشاعر الماضي غير هالمكان.. الموحش،، بس لساته دافي
بتمنى يكونو الكل بخير.

كانت أيام حلوة ...
كل فترة بدخل وبشيّك عالمستجدات غير الموجودة، هالزمن زمن الفيسبوك للأسف. قريباً رح تدخل/ـي لمعركة جديدة بالحياة العملية.

إن شاء الله بالتوفيق

*الشــــMEDــامي*

عنجد للأسف غير موجودة.. 💔
بالتوفيق الك كمان ،،شكرا كتير

هالمنتدى إلو معزّة عندي ودائماً بتدخل عليه وبراجع مواضيع سبق وقرأتها... طبعاً لساتني موجود فيه ومابتركو لأن إلو عندي ذكريات مرتبطة بأيام حلوة.... والحمد لله في شي مشترك حالياً بحسسني إني لساتني بهديك الأيام إنو خلصت الأزمة بالشام وهالشي بحسو مشترك مع هديك الأيام بقصد كانت آمنة متل هلق

يا الله
فعلا انا كمان من زمااااان عن هذا المكان
واليوم ما ادري ايش اللي خلاه يجي على بالي
حنيت له ودخلته
فعلا له طعم
ابحث عن اصدقاء كرموني بطيبتهم ولطفهم مثل iron_man
و Y4$$3R N3T
و *ZAID*
وsweetlife
و  NIGHT rider
Bnt Al $ham
و نوردربي واهديني
وشخص كان مسؤول عن مجلة علميه نسيت اسمه
ما احلى الحياة بطاعة الله ووجود مثل هولاء الاصدقاء اللذين لا املك لهم ولكم الا الدعاء
فجزاكم الله خيرا

أخي ياسر،، الحمد لله انك بخير..
و الك الفضل بكلشي بهالملتقى..
كتير بفكر للحظات انو وين هالأشخاص كلن غابو ،، معقول صرلن شي لا سمح الله..
بتمنى الكل يكونو بخير و بمكان بيرتاحو فيه سواء بسوريا أو برا.....

أحد عشر عاما ً ومازال قلبي الحارس الأمين لهذا الملتقى

أزوره بين الفينة والأخرى لأطمئن على الجميع ..وأجمع طيب العابرين..
وأقص أثر الراحلين ..
أحد عشرا عاما ً من الحل والترحال ..ومازلت الحارس الأمين للذكريات ههنا
لم يغب عن ذهني أي نديم ورفيق/ة  شاركنا التواصل بالحرف وكان فرداً من عائلة كبيرة في هذا المتصفح الرائع..
لا تسعفني الكلمات ولا المعاني ..لأبوح أكثر.. فكلما مررت هنا.. أتوه في زحام ذكريات
جعلت قلبي في نستولوجيا لا شفاء منها…
نعم لقد أشتعل الرأس شيبا.. وأصبحت أميل للعزلة.. اصبحت قليل الكلام..وقد تفوقت في تخصصي العملي وتابعت طريقي في الدراسات العليا في تخصص علم النفس الاجتماعي
حصلت على جنسية أخرى غير عربية واطفالي الثلاثة دخلو مدارسهم وتفوقو بها
توفي بعض من ذويي وفقد بعض أخر..
أحد عشر عاماً ههنا.. أصبت بها بزهايمر فتت كل شيئ عرفته من قبل إلا من عرفته وألفته في الملتقى
اليوم أصارع الخريف الثامن والثلاثون.. ومازال للعمر بقية…

عبد الله شويخ.. معك حق هالمنتدى صار جزء من الواحد إلو ذكريات حلوة وفي أيام حلوة مرتبطة ذكرتها بهالمنتدى أو العكس هالمنتدى مرتبط بتذكر هديك الأيام الحلوة..... بعدين شو 38 عامل حالك ختيرت لساتك بعز شبابك والله فكرتك بعمرك بال50 حسب حكيك هاد هههههه