السلام عليكم ورحمة الله وبركاته

رح تكون هي ساحتنا الجديد لنشارك فيها كلشي ببالنا,,,, عسى ترجع الأيام الحلوة :)

السلام عليكم

مقارنه:
عند الخلق :
﴿ سمِعنا فتى يَذكرهم يُقال له إبراهيم ﴾
وعند الخالق :
﴿ إنَّ إِبْرَاهِيمَ كان أُمَّـة ﴾...
عند النَّاس فتى، وعند الله أمَّة !
لطالما قلَّلَ النَّاسُ من شأن
أشخاص مميَّزين، ولا يَضرُّهم
هذا بشيء فمَنْ خلقهم
هو أَعْلَمُ بهم !
﴿ بَل اللهُ يُزَكِّي مَنْ يَشَاء ﴾
إِنْ لم تَكنْ تَزكيتك من الله
فلن ينفعكَ من النَّاس تزكية ولا ثناء .

السلام عليكم

أَفـْضـَلُ النَّاسِ مَنْ عَشِقَ الْعِبَادَةَ فَعَانَقَهَا وَ أَحَبَّهَا بِقَلْبِهِ وَ بـَاشـَرَهـَا بـِجَسَدِهِ وَ تَفَرَّغَ لَهَا فَهُوَ لَا يُبَالِى عَلَى مَا أَصْبَحَ مِنَ الدُّنْيَا عَلَى عُسْرٍ أَمْ عَلَى يُسْرٍ...

السلام عليكم

يقول أحد دهاة العرب :
"ما غلبتني إلا جارية ، كانت تحمل طبق مُغطى ".. ..
سألتها:

ماذا يوجد في الطبق ؟؟
فقالت:...
ولمَ غطيناه إذاً !!؟
فأحرجتني.
لا اقول حكمة اليوم بل حكمة العمر : " أي شيء مستور لا تحاول أن تكشفه."
سترنا الله و اياكم في الدنيا والآخرة ..

شكرا على فتح الساحة الجديدة ونتمنى تكون فاتحة لتجديد الحياة في المنتدى الغالي علينا كلنا ...

شكراً سلام عالساحة الجديدة والله يجعل فيها الفائدة 

______________________________________

سؤال وحابة الكل يشارك فيه:
إذا رجع فيك الزمن لوقت البكالوريا...يا ترى بترجع بتختار الصيدلة أم بتختار تخصص تاني؟ وبالحالتين ليش؟

صباح الخيرات ... والله انبسطت بمشاركات الكل بعد هالغيبة ... وحبيت اسم الموضوع الجديد ..

انا اذا رجعت لورا بختار الهندسة المعلوماتية .. بعتقد كان ح يكون نمط حياتي كلو مختلف عن هلأ ... الصيدلة ببلدنا مالا خبز وفرصها مو متل ما "انضحك" علينا كتيرة و15 مجال وشو بعرفني ...

كنت مبدعة بالرياضيات والكمبيوتر وعم اتعلم لغات برمجة وعلوم كتير بنفس المجال ... هلأ اذا بدي اجمع كم رقم بعك فيهن ...

الصيدلة مليانة بصم بصم بصم ... بتذكر واحد معنا بالكلية وقف مرة بالمدرج وقال للدكتور ليش الصيدلة بالفرع العلمي مو بالأدبي ... وفعلاً عبارتو ما بنساها لأن مظبوطة مية بالمية ...

الأدوية التداخلات الصيغ آليات التأثير العقاقير طرق الاستخلاص والتصنيع وووو ... كلو بصم والبصيم بالكلية نقشت معو ويلي بحب الحساب والتفكير والمعادلات والاستقراء والاستنتاج وما كل هالأد صحبة مع الكيميا أكلها ..

هاد لسه ما حكينا عن عقدة الأطبا والصيادلة والحرب من الصحة يلي معتبرة الصيادلة زيادة عدد ... ولا المجتمع يلي كرمال وصفة الدكتور يلي مو عرفان يكتبها مستعد يهين الصيدلي ويلقي عليه بالخطأ والمسؤولية دايماً .. 

مهنة بدها راسمال بالملايين واستشاراتها ببلاش ورواتبها لموظف بمعمل أو بشركة بالأرض .. !

بالنهاية يمكن لو درست غير فرع كنت بمتل هاليوم عم قول نفس الحكي بس بالعكس وانو لو دخلت صيدلة كان احسن ... دايماً الواحد منا بحب المجهول ولما يقرب منو ويشوف حقيقتو بيندم وبيتمنى لو ضل عالصورة يلي كانت بقلبو وتفكيرو ...

انتو شوووو؟

أنا بختار صيدلة ثم صيدلة ثم صيدلة ههه

هلا ليش.. فلأنو الصيدلة هي العلم الأساس في اكتشاف الادوية والتفكير العميق في الدواء ولأنو نحنا بحاجة الو كتير وباأخص بعد الاخطاء الكبيرة اللي منشوفها اللي بيرتكبها الاطباء بوصف الادوية وهي مسؤوليتنا كصيادلة لحتى ننقذ المريض اللي ممكن يكون يوم من الأيام واحد منا او من اولادنا ...

بالمختصر الصيدلة علم روعة ولكن لازال مجهولا ونحن علينا أن نكتشفه من جديد ونقدمه بشكل آخر إلى العالم ....لانو والله بدون الصيدلة العالم مو حلو بنوب ههه

والصيدلة ابدا مالها بصم ...هي بحث واستنتاج وتحليل واكتشاف

السلام عليكم

ما بختار غير الصيدلة ما رح حس حالي باي مكان تاني باستثناء مكان واحد لا طبيعتي بتسمحلي انتسبله ولا أصلا موجود عنا بالبلد وهو علوم البحار...

الصيدلة قد لا تكون علم أرقام وحسابات بس أبدا ما كانت بصم الا بمنهاجنا التعيس.. بس ومع هيك فينا نطلع برا الكتب ونطور حالنا ونبحث.... أنا روح قلب البحث العلمي والتدوير ع اجوبة للأسئلة يلي بتخطرلي او بتخطر لغيري... أبدا ما بقدر اخد معلومة واحفظها هيك وامشي عنها الا لدور ليش وكيف... الصيدلة تماما اجت ع مراقي... وكلو كوم وخدمة الناس وتفريج همهم... جد ما رح لاقي مجال تاني اقدر كون ع تواصل فيه مع شريحة كبيرة من الناس اتحمل اذاهم في سبيل افادة الناس واخد عليه الثواب... او تصلني دعوة بظهر الغيب من حدا نصحتو او طمنتو ع شي من يلي بعرفه...

يسلمو نور ع السؤال رجعتي عملتيلي ريفريش لقناعتي بالصيدلة :)

الله يهنيكن ... هي نعمة كبيرة ...

هلأ مراقب ادوية بحب الكيميا كتير من يوم يومو .. ما استغربت الجواب انا :)

سلام ... معك حق منهاجنا التعيس هو يلي عطاني هالفكرة عن فرعنا .. الدليل اني بالمدرسة كنت قول لاهلي ما بتخيل غير كل صيدلية مكتوب عليها اسمي ع كتر ما كنت اتمنى ادرس هالفرع ...

يعني بالله ليش ليكون في شي 6 مواد نبات وعقاقير ويا ريت منطبقها بالحياة العملية ... كلو المنهج لازمو قلب فوقاني تحتاني وطريقة أسئلة الامتحان هدفها يكون تفهم الطلاب ..

يعني مفتاح يهودي ليييش ... انا حملت السموم 3 مرات لأن يكون في شي كلمة بالمحاضرة نسيانتها آم يطلع كل الجواب غلط .. والأسئلة بصم 100%

طيب شو برأيكن المواد يلي ما كان فيها بصم بالامتحان؟؟؟