السلام عليكم .. أختي نور الشام .. أهلا وسهلا فيكي .. نور الموضوع

اطلعت على الموضوع الي ذكرتيه فوق ... بصراحة ما قرأته كله .. بس بشكل عام وشفت رأيك بهي المسألة اللي عم نناقشها هون ..

كملخص لرأيي بخصوص هداك الموضوع ( ما إلو علاقة بموضوعنا هون بس حبيت قوله )
الدين وعلوم الدنيا لا يتعارضان ولا يفترقان .
والمشكلة بالنقاش كانت التفريق بين الأمرين .. فمن تعمق قي ديننا وبحث علم أن لا تعارض أبداً بينهما
ولكن من الممكن أن يتفوق شعب بعلوم الدنيا بدون دين
ولكن ليس هذا ما نطمح إليه
لأننا أمة تؤمن بالبعث بعد الموت وتعلم أن بعد الموت حساب وعقاب وتعلم أن أول ما تسأل عنه هو ديننا قبل كل شيء

لذلك يجب أن نساوي بين الأمرين ( الدنيا والآخرة ) بدون ميل لأحدها


والإسلام وسط في العمل للدنيا والآخرة ، فكل منهما عبادة لله تعالى ، وتحقيق لغاية الوجود الإنساني ضمن شروط معينة ، بينما تأرجحت المذاهب الأخرى بين الاهتمام بالنواحي المادية الذي يظهر في المدنية الغربية الحديثة ، وأصبح معبودها هو المال والقوة والرفاهية والرقي المادي - وبين الإزراء بهذا الرقي المادي والمتاع الدنيوي كما هو الشأن في المذاهب التي تدعو إلى الرهبنة وتعذيب الجسد من أجل الروح وتهذيبها للوصول إلى مرحلة الفناء
أعتقد أن هذا الرأي مشابه لرأيكِ وأن هذا ما كنت تقولينه ؟

أعتذر لخروجي عن موضوع نقاشنا

أخي ابن درعا ...

يمكن ردي كتير طويل .. بس بتمنى إنك تقرأه كله ..

بظن سبب إنك ما لاقيت أي صلة بين اللي أنا قلته واللي إنت قلته إنك أخدت الموضوع بمنظار ضيق ..

أنا أتحدث عن نطاق أوسع .. عن مسألة نقل الأخبار وتصديقها بشكل عام
وليس فقط أخبار جبهة النصرة

خلاصة ما قلته أنا ( لوضح العلاقة بينه وبين ما قلته إنت )

من الواضح عدائك الشديد للقاعدة وأسامة بن لادن

ولكني لا أعتقد أنك جلست مع أسامة ولا حتى مع أحد الأشخاص ممن هم ينتمون لما يسمى تنظيم القاعدة

ولأنك مثلي ومثل الغالبية العظمى للشعب السوري والمسلم لا نعرف عنهم إلا ما وصل إلينا من وسائل الإعلام

من الخطأ الفادح أن نصدر أحكاماً بناءً على ما لا نثق بصحته .. صح ؟؟

وذكرت قصة الشيخ أحمد ديدات مثالاً على سهولة الخداع ولأستدل بها على أهمية التحقق من صحة الخبر



وأحد دلائل تأثر مجتمعنا بهالظاهرة
هي ما قلته أنت عن ابن تيمية فلم يكن يبيح هدر دماء المسلمين ولو أردت أن تتعرف أكثر على ابن تيمية ورأيه وطريقته فانظر إلى المشاركة رقم 43 https://www.jamaa.net/post728007.html

أُطلقت على ابن تيمية شائعات كثيرة وتشويه له ولعلمه , أتعرف لماذا ؟
لأنه ذكر أن النصيريين ( العلويين ) كفار وهم أشد ضرراً على المسلمين من الكفار المحاربين ..

وهذا منهج النظام في محاولة تشويه من عارضه , وهذا أمر واضح في التصرفات المتخبطة لهذا النظام
كما فعل مع الشيخ عدنان العرعور وكيف اتهمه بأمور قذرة أفضل ألا أذكرها هنا

وهذا أمر لا يستغرب من مثل هذا النظام القذر الظالم الجائر الــ .. الــ.. الــ...
ولكن ما يؤلم القلب حقاً ... أن ينجح النظام بخداعنا وأن نصدق ما يطلقه من أباطيل .

فكلنا سمعنا أن ابن تيمية هو إمام التكفير و هو وهو وهو .. ولكن لو رجعت حقاً إلى كتبه ومنهجه لعرفت الحق والصواب .

ومن أجل أن نحمي أنفسنا من وسائل الخداع هذه يجب ألا نطلق حكماً إلا بعدما نتحقق بأنفسنا من صحته بل يجب أن لا ننقل من الأخبار إلا ما نتأكد من صحته
فعند مسلم أن النبي صلى الله عليه وسلم قال : "كفى بالمرء كذباً أن يحدث بكل ما سمع "
وفي الصحيحين عن النبي صلى الله عليه وسلم أنه ذكر أن الله كره لنا ثلاثاً ذكر منها القيل والقال
وهو نقل الحديث والقول بأن فلاناً قال وبأن فلاناً قيل له
وفي ذلك نهي عن نشر وإذاعة أخبار الناس من غير تثبت ولا تحفظ

وهذا المنهج الذي أمرنا به الله ورسوله وهو المذهب الذي  يجب أن نتبعه



أيضاً مسألة 11 سبتمبر .. فيها شكوك كثيرة ولغط كبير فهناك من قال أن هذه العملية هي من صنيعة أمريكا ومنهم من قال أنها من صنيعة القاعدة و .. و .. و .. والكلام في ذلك كثير .. وبناءً على ذلك أسألك كيف تأكدت من روايتك تلك ومن تلك الأرقام التي ذكرتها ؟؟؟؟؟

2967 قتيل ؟ و 128 مسلم ؟ و 5 عمال يهود ؟ و 6 نساء ؟ وإحداهن حامل بالشهر السابع ؟!!!!!!!!!!! ( ياشيييييخ ما ضل غير تقلي المرأة حامل بولد عيونه زرق )

كما أن لو أن الحكومة الأمريكية كانت على علم بالعملية فمن المؤكد أنها كانت ستسقط الطائرات في السماء قبل أن تقترب حتى من وسط المدينة

كما أن كلامك هذا ما من شيء يجعلنا نعتقد أنه صحيح
( لا أتهمك بالكذب هنا ولكن لا أظن أنك تحققت وتأكدت حقاً مما قلته )

أخيراً أذكرك أنا لا أدافع عن أسامة بن لادن ولا الظواهري ولا حتى جبهة النصرة ... ولكن قبل أن تصدر أحكامك على أي شخص أو جماعة أو تصرف أو أي شيء كان  ..يجب أن تتحقق من صحة ما لديك

فمن الأفضل أن لا نحكم على أحد بناءً على أخبار وأدلة نقلها إلينا من لا نعرفه ولا نثق به وما من شيء يجعلنا نصدقه .. بل هناك الكثير مما يدفعنا لكي لا نصدقه


أخي ....
إن كنا ننتظر أن تسلحنا أمريكا وفرنسا وبريطانيا .. فعار على ثورتنا !
دول العالم أساساً لا تريد أن تدعمنا ولا أن تسلحنا ولا تريدنا أن ننتصر .. فهي تتفرج وتصفق لنا ونحن نَقتل ونُقتل

فلو لم تكن هناك جبهة نصرة في سوريا لكانت وجدت ألف ألف حجة غير تلك


أخي ... أنا جلست مع جماعة من جبهة النصرة .. وتناقشت معهم كثيراً .


وقد عرضوا علي أن أنضم إليهم .. ولكني رفضت لأسباب لسنا في صدد نقاشها

وما أعرفه من أخبارهم لم أعرفه عن صفحات التواصل الإجتماعي ولا من وراء الشاشات ..

وإلى الآن أرى أنني لا أعرف عنهم ما يخولني لكي أصدر بحقهم الأحكام وأقول بأنهم فاسدون أو صالحون ...


بس ملحوظة أخيرة :
قلتلي أهل الشام شعب متدين بامتياز ؟!؟!؟!؟!؟!؟

أي متدين ياشيخ ؟ بيكفيك تتمشى بالشام الساعة 4 العصر بشارح الحمرا أو القصاع أو حديقة التجارة أو أو أو أو .. إلخ
بعدين ما رح تقلي متدين بامتياز ..

ما عم قول إنه أهل الشام ما فيون خير ..
بس هي الحالة اللي هنى فيها .. مو ( متدينين بامتياز )

قال الرسول صلى الله عليه وسلم : إذا فسد أهل الشام فلا خير فيكم .
ولا يعني ذلك أن أهل الشام لا يفسدون ولكن إن فسدوا فلا خير فيكم

يمكن ردي كتير طويل .. سامحوني
تحياتي

أخي ....
إن كنا ننتظر أن تسلحنا أمريكا وفرنسا وبريطانيا .. فعار على ثورتنا !
دول العالم أساساً لا تريد أن تدعمنا ولا أن تسلحنا ولا تريدنا أن ننتصر .. فهي تتفرج وتصفق لنا ونحن نَقتل ونُقتل>>>


كلام دقيق جدا جنتل مان يحمل معاني أتمنى أن يدركها جميع السوريين..

ياارب ارزقنا النصر على أيدي شباب مسلمين مؤمنين ..

النصر إذا تم بمساعدة العدو فهو ليس نصرا,, بل إنه فخ و مصيبة كبرى..

السلام عليكم أخي
طبعا بلا شك إنك اعتبرت كلامي إهانة لشخصك بس أكيد أخي ما في شي من هالنوع بس لما كون عم ناقش نقاش جاد ما بحب يلي بناقشو بيطلع عن الموضوع لأني بحسو استنفذ الحجج وعم يجرني لساحة ثانية وهالشي مو مقبول إني كون أحكي عن البيض تفتحلي موضوع العجة هههه (وهذا دليل إني فارط من جوعي هلأ بس قرب الفطور )
وأخي أنت مو أول شخص بحكي هيك بس ناقشو مرة أحد أصدقائي فتح موضوع القاعدة وفكرها وافتاني بعدم حرمة قتل المدنيين المسلمين إذا كانو دروع بشرية وخلا القاعدة على صح والمجتمع الإسلامي على غلط واستشهد بابن تيمية رحمه الله ولما خالفتو بالرأي قلي هذا يلي حفظكم ياه نظام حافظ عأساس أنا ولدت بزمن حافظ وهو ولد بزمن برهان غليون هههههههه وبعدين فتحلي موضوع الإعلام وانو مسيس وانو لازم ما انصدق كلامه
 وهون المشكلة لما تكون متابع جاهل انتا رح تنتقي رأي جاهز وتتبناه أما إذا كنت مثقف رح اتشوف كل شي وتنتقي يلي بقبلو عقلك بعد تحليلك للوقائع وشو يلي ظاهر بإنو مسيس وشو هي الحقيقة لهيك ما دام الإنسان بيفكر ما في غلط ما عجبتك الجزيرة روح عالعربية ما عجبتك عروسيا اليوم ومنها عالسورية بعدين أعمل تقاطع معلومات براسك وخذ يلي بيصدقو عقلك بعد الدراسة وأي فكرت بالدنيا رح تلاقي انو الناس مقسومين 3 اتجاهات (مع وضد واطلع من راسي مش ناقصك هههه بمعنى لا هيك ولا هيك بالوسط )وكل فكرة إلها مليون موقع عالنت اتفرج عليهن وشوف مين حججو أقوى واتبنى فكرته .....
بس للأسف أنت فهمتني غلط لهيك :
أنا مو معادي شخص بعينو ولا منظمة بحالها أنا ضد الفكر المتطرف وأكرر ضد الفكر واتمسك بالدين الحنيف رافضا أقوال المتشددين وأفعالهم .
الإسلام مو دين الانتحاريين يلي بيقتلو مسلمين بعملياتهم أكثر من الكفار وللأسف هؤلاء عم يشوهوا صورة الإسلام لدرجة صارت كلمة إسلام = إرهاب وتطرف والإسلام أكيد مو هيكرح تقلي الغرب بيكرهنا للعمي أي العمى يطسهم بس مو نجي نعطيه حجج قوية لهل الكره .
بدك تشوف عمليات استشهادية حقيقية تابع عمليات شباب حماس ورجال كتائب القسام يلي وقفوا بوجه اسرائيل وعدوانها بكلمة الله أكبر بالعدوان السابق مو الأخير لأن الأخير استعملو فيو أسلحة متطورة والحمد لله وأهم شي أنهم بنصرهم أنهم اعتمدو على الله بجهادهم .
حاب قلك شغلة أنا بحب أسامة بن لادن رحمه الله وبحياتي ما رح بنسى خطابه عند احتلال العراق (إني لأقول لإخواني المجاهدين في العراق إني واللهِ لو وجدت سبيلاً إلى ساحاتكم ما قعدت ) .
بس الإسلام انتشر بالأخلاق وليس بالسيف وهذا مقصدي .
كيف اتأكدت من الأرقام
http://www.alarabiya.net/articles/2011/09/09/166022.html
بس شغل برنامج كسر لأن هالموقع محجوب علما إني عامل بحث كامل حول هالشي ومستغرق أيام كثير بحكم إني بقرأ بيوم أكثر من يلي بحكيه بأسبوع وبخصوص الولد بتوقع انو وجهو أسيوي لأنه أمه من الجنسية السيرلانكية وممكن تكون عيونو زرق لأنه أبوه معتنق الإسلام وهو من بلد أوربي بتوقع .
(وصلت ولا عيد )
قتلي العرعور شو لتكون من جماعة العرعووور هههههههههههههههههههه هيك أول ما اقتحمو مدينتا كانو يضربو الناس ويقلولهم يا عراعير علما أنو هالرجل من أخبر الناس بهالنظام لأنه من أيام درعا وهو عم يقول للناس جهزوا حالكم للمعركة  كأنو كان عارف شو رح يصير .

وبقلك أنا ما مسكت كتاب لإبن تيمية وقرأتو بس رأي العلماء والمشايخ فيو مو حسن وبقصد بالمشايخ مو شلة النظام الفاشلة قصدي يلي إلهم ثقل وارجع لليوتيوب وإذا مو حاب أنا بنسخلك الروابط صار عندي نت قوي هسع بفضل سيريتيل بعد ما رجعت لا بارك الله فيها .

سؤالي كيف بدنا نتأكد من عدد قتلى 11 أيلول نروح عأمريكا قصدك ؟؟

"كما أن كلامك هذا ما من شيء يجعلنا نعتقد أنه صحيح
( لا أتهمك بالكذب هنا ولكن لا أظن أنك تحققت وتأكدت حقاً مما قلته ) "
كلام لا يستحق القراءة
وهالكلام هذا مردود عليك وما بقبلو لا منك ولا من غيرك ومو هوايتي أظهر قدام الناس بفهم لأني لا بحاجة للناس ولا بهم بكلامهم خير ولا شر لهيك ومنشان تتأكد إني ما بحكي عن عبث ارجع للرابط السابق ولا بقا ترمي التهم جزافا ولو طلبت مني كنت حطيتلك دليل على كل كلمة قلتها بس حاسك عم تحاول تثبت صحة كلامك مو أكثر .

رح كمل معك بس لأني ابتديت ولو قرأتو مشاركتك وانتبهت لإتهامك من أول مرة ما كنت رديت .

" كما أن لو أن الحكومة الأمريكية كانت على علم بالعملية فمن المؤكد أنها
كانت ستسقط الطائرات في السماء قبل أن تقترب حتى من وسط المدينة "
ليش لتسقطها ليش شو خسرت أمريكا ؟؟ بالعكس كسبت كثير كثير وغير هيك مسكو العرب من رقبتهم وصار إلهم زلة حتى الواحد يقول بأمريكا أنو بيعبد الشيطان اريح لراسو ما يقول أنو مسلم وابن عمي دكتور صرلو هناك 15سنة ولو تسمع القصص يلي حكاها ما كنت هيك حكيت بنوووووووووب .
بس يلي بيعرف بيعرف ويلي ما بيعرف بقول (ليش ما سقطوها هههههههه) .

"أخيراً أذكرك أنا لا أدافع عن أسامة بن لادن ولا الظواهري ولا حتى جبهة
النصرة ... ولكن قبل أن تصدر أحكامك على أي شخص أو جماعة أو تصرف أو أي شيء
كان  ..يجب أن تتحقق من صحة ما لديك "
مو حاب اقعد اصفصف حكي عن شباب الجبهة أفعالهم بتدل عليهم وهم كما سبق من أفضل الناس أخلاقاً وعن ذلك لن أحيد وكان تعليقي على الجولاني مو عليهم وادعو الله أن يكون نصرنا على أيديهم .
 وثانيا صديقي قبل ما تقعد ترمي بالحكي جزافا كنت خبرني عطيتك روابط التسجيلات الصوتية وانتا بحالك كنت اعملتلك فنجان قهوة ومخمخت على الهبل تبعهم ههههههههه .

"فلو لم تكن هناك جبهة نصرة في سوريا لكانت وجدت ألف ألف حجة غير تلك "
شيء يدعو للإستغراب وكأني ما قلتلك انو بدهم حجة من السما منشان يرفضو يسلحونا شو منشان تقرا مزبوط ؟؟

"إن كنا ننتظر أن تسلحنا أمريكا وفرنسا وبريطانيا .. فعار على ثورتنا !
دول العالم أساساً لا تريد أن تدعمنا ولا أن تسلحنا ولا تريدنا أن ننتصر .. فهي تتفرج وتصفق لنا ونحن نَقتل ونُقتل"
المشكلة إني بعرف إنك من الداخل وما عم تنظر بالوطنيات من الخارج لهيك
 خليني احكيلك عن الوضع الميداني لإخواني بالجيش السوري الحر الباسل :
الله بيعرف حالتهم كيف هلأ ؟؟
بالمنطقة الجنوبية من فترة بأحد ألوية عدد العناصر 700 باللواء منهم 150 غير مسلحين (ما في سلاح ولا بارك الله بالأردن مانعة دخوله  )
عمليات الجيش الحر على الصعيد الوطني كل يوم عم تنقص عن يلي قبلو بالأيام السابقة كنا نسمع عن تحريرمن 4 ل 5 كتايب ومناطق عسكرية باليوم بس هسع وحدة أو ما في .
لك أخي الوضع يشهد ربي صعب وكثير كمان ويدعو للقلق بسبب نقص الذخائر الحاد
إخوانا المجاهدين بحمص عم يستغيثوا ويطلبو المدد من الله
 ومن يومين طلع ناشط أوناطق بإسم الجيش الحر هناك ومو ناقص غير يبكي
 وخصوصا بالقصير حزب الشيطان عم يتقدم ويحرر والجيش الحر بدافع بصدرو ما في سلاح علما أن أغلب الانتصارات وعمليات التقدم لجيشنا الحر ليلية بس هون ما بينفع هالشي لأن كلاب الحز مزودين بأجهز رصد ومناظير ليلية خلت هالشي مستحيل يعني عم يموت جيشنا الحر ولسا بنقول ما بدنا تدخل خارجي (هذول جماعة الخارج الأشاوس) ههههههههه
وثانيا صحيح ما بدنا تدخل خارجي وأنا مع هالشي بس كلاب الحزب ولاد حلب يعني ولا جيش المهدي أصلو من طرطوس والإيرانييين ولدانيين بالرقة .
ليش حلال الأجانب يقاتلو مع بشار وحرام علينا ؟؟
لك يا عمي أنا ضد التدخل الخارجي بس السلاح إن شاء الله يكون صناعة معامل الشيطان 
استولينا على سلاح من النظام وهسع خلص وما في دعم ..
حسبي الله ونعم الوكيل واعذروني على انفعالي بس الشغلة بالنسبة إلي مسألة شخصية ...

تقبل تعليقي أخي وشو الشغلة يلي محتاج دليل عليها خبرني وبإذن الله رح فيدك

..3>..

شلون بدنا نقول إسمك ؟ ^_^ والله صعب

بس مو مشكلة حلو الإسم ..

المهم : كتير ناس للأسف بيقولولك إي شو ما كان أهون من بشار وحتى أمريكا أهون منه .. وبيتمنوا تجي قوات برية أمريكية وغير أمريكية لحتى تخلصنا من بشار ....

وهي عنجد مشكلة كبيرة ودليل عجهل وقصور وعدم صبر ..


"ياارب ارزقنا النصر على أيدي شباب مسلمين مؤمنين .."
اللهم آمين

أخي ابن درعا ... بعتقد إنه الحوار خرج عن هدفه وتحول إلى طعن وتشكيك وازدراء
لذلك أعتذر

بالنسبة للرابط اللي أخدت منه أرقامك ..
أنت تفعل تماماً ما كنت أقول عنه ... هو خبر على موقع قناة العربية التي أكثرنا يعلم كم تتميز بالقدرة على تغيير الحقائق ...

لك الشكر أخي ... ولك تحيتي .. أعتذر ليس لي عودة إلى هذا الموضوع

بعد قرائتي لتعليقات فعلا شي بيخوت  اذا هيك تفكير المثقفين فلا عتب عجاهل 

في كتير شغلات بحديثكم فايتة ببعضها بس رح اذكر يلي متذكروا:

بالنسبة لأبن تيمية او غيرو انو ماحدا بينكر انو من المتشددين  وحتى في مرة قرأت انو بيمشي عالرمال المتحركة بالنسبة لألو فهاد رب العالمين بقرروا مو نحنا  ولا حدا يجيب اسماء فتاوى ومشايخ لأن مافي حدا عندو القدرة يكفر بني آدم  وخاصة مشايخة هالأيام لكن اذا الرجل جاب ولد من زوجته و اثناء الجماع لم يكن رأسها نحو القبلة بيكون الولد ابن حرام  وك ياجماعة حرام هيك ناس تفتي حرام احترمو عقولكم قبل عقول غيركم.

بالنسبة للعرعور  فعلا هاد اكتر شي ضحكني هلأ مارح اتحجج بماذكرته الدولة السورية  بس بكفي تحضر مقاطعو يلي منتشرة عالنت شي يصف الرسول بألفاظ مسيئة وشي بينزل تحت الطاولة يحكي الرسول وشفت هالمقاطع بعينيي فأي خير بترتجي من هيك شخص 

بالنسبة للقاعدة وجبهة النصرة هدول بمجموعهم تحت نافذة ارهاب وبدون ماجبلك اي معلومات بيكفي تفتح مخك وتطلع على الدول التي غزتها امريكا بعد 11 ايلول الذي كان البوابة التي صنعتها امريكا لدخول العالم العربي من اوسع ابوابو وهنا ظهر مصطلح الأسلام الأمريكي(الذي يعيد المسلم للعصور الجاهلية) ومعروف انو اغلب الشعب العربي المسلم بهذا الزمن الصعب تحولوا لعبارة عن اوراق تميل مع الريح  وبقصد انو بدأ ظهور ((شيوخ)) في الجوامع يدخلون من باب الدين لأقناع كل شخص بأنو من ليس على دينك فهو كافر وكل شيئ تابع له حلال لك طبعا ماطرحو هالفكرة بشكل مباشر بس وصلوها 

والمستهدف الأكبر الشباب فأغروهم بالجنة وهؤلاء الشيوخ شتان بينهم وبين الجنة  وآخر دليل الحور العين الناطرين بالجنة ماحدا منكم شاف كيف شوهو الجنة ومقاطع مايعرف ((بالثورة السورية))  الرجل عم يموت ويلي جنبو يقلو شفتها للحورية شفتها  لك تفه عهيك عقول وهيك ناس 

رح ارجع لموضوع صاحبنا اسامة انو يااخ جنتل بدك نقعد معو مثلا هوي كويس بس يحب يفجرلو هون وهونيك بس اوعى اسرائيل كل شي ومايقرب عأسرائيل بعدين بتطردو امريكا من الوظيفة ماهوي بيمهدلها الطريق وبعدها بتفوت امريكا بحجة مكافحة الأرهاب  وكيفن جبهة النصرة هنن بريئين بس مدري كيف الناس بتظلمن وهالمقاطع ماقنعتني كيف عم يدبحو الناس  والأطفال ويسموهم بالكفارو احلى مقطع هاد يلي يلوح بالسيف بدو يسترجع ايام الفرس والسيف فهيك شخص ماكان الو قيمة بالحياة العادية فدخل هالكار مشان يصرلو قيمة وعفكرة جبهة النصرة, داعش, القاعدة...الخ) كل هالكتائب الحبابة الكويسة كلها مصدر واحد ونفس العقلية ورح تشوف كيف رح يدبحو بعضهم لأنو المجانين مابحبو بعضهم و ديكين مابيجتمعوا

الجهاد مكانو فلسطين ولا تتحججوا انو النظام يقصفنا ولا حول ولا قوة وحزب الله تدخل ومابعرف شو من هالخزعبلات يلي كنتم تعزفوها من اول الأزمة  بلشنا بالسلمية المزعومة ومدري كم شرطي راح بهالسلمية وبعدها بالسلاح الخفيف يلي كنتم تاخدوه من رجال النظام  وبعدها فات الدعم الخارجي واجو المسلمين وهبت النخوة الأسلامية والله اكبر ورح تتحرر فلسطين بس لازم نحرر الشام ....الخ كلو كلام فاضي والغبي بيعرف انو ضحك عاللحى  صرلنا عمر بنقاتل اسرائيل وبيروحو شباب من كل الطوائف عأسرائيل وبيدافعو عنها وامثالكم حاطط ايدو ...عخدوا والسعودية الصهاينة مقيمين فيها وسفارات اسرائيل هون وهونيك  وفجأة هبيتو بس عالفاضي لأن يلي شعل تحتكم كالعادة اسرائيل يلي بتوجهكم متل ابدها وحتى كمشتكم بالدين وبالسلاح  ولسا ينكابر وكل ماطلع دليل بينطوا: النظااااام النظااااااااام فبركواااااااا..................... وهكذا بس لأيمتا بس كونو متأكدين انو كل طفل ومرأة وشيخ وشب سقط ظلما في هذه الحرب الجاهلة خطيئته في رقبتكم الى يوم الدين وعندما تلتقون بالله لن تجيبو وستستحي حتى السنتكم من النطق بأفعالكم (هذا الكلام لمجاهدي هذه الأيام)