ما سألتي عني ...
زعلت وماعد ارضى أبدا ..
إنشالله تكوني بخير

أنا مسامحتك
المهم تكون بخير ...

يا رجل انا بعرف انو دنب الكلب اعوج بس ما ببالي كل هالقد

صغر العقل بشع

ما يا حلو؟

كأنو صاير شي
أمير حمص شو صاير

ما في شي خطير

نفس الولدنات تبع ايام زمان هههههههههههههه

أنا داء خلئي
تركت الموضوع لرب العالمين
"وفوضت أمري لله"
بعدين الحكي هلأ متل الي عم يضحك ع حالو
أنا شخصيا مرتاحة ومتفائلة
والنصر قريب بإذن الله

شتأتلك بخير بتمنى تكون عايش لهلأ عم حاول كتير اني فتش عنك وعم استنى بس بصيص من الامل بس اعرف انك بخير ولا كتير خايفي عليك ومشتاقتلك كتيييييييييير

أنا أسف بس انتي بتعرفي غصب عني وبدي قلك ع قولة فيروز
ياريت منن مديتن ايدي وسرقتك ... لأنك الن رجعتن ايدي وتركتك

*رسالة للحفظ فقط*

من اليوم اللي حسني قلبي إني رح اتركك ، وأنا مو أنا ..
بوقتها ماكان يستوعبني عقلي اني رح اتركك وارجع عيش بغربة عنك
ومع انو كل شي كان عم يصير عم يبين أنو هاد الأمر محتوم ،،
لكن ماكنت عم سدقه ..وماني حابة اني سدقه... لأني مايطاوعني قلبي ولا تجيني الجرأة اني فكر فيه
هيييييييك لحد اجا الوقت اللي عشته ، وأخدوني منك وأنتي عم تنزفي .. مابعرف ليش حاسة انو موقفي موقف اللي عم يتخلى عن اللي بحبه وقت أزمته ، بس أنا ماتخليت .. والله ماكنت حابة فارقك لو بدها تفارقني رووحي
أنا هلأ بعيدة عنك وعن ذكرياتي اللي فيكي ،، عن أهلي اللي عاشوا من خيرك وربيوا ع ترابك ،، عن رفقاتي اللي احتضنتيهن لإجا اليوم اللي تحضنيني معهن وتجمعينا سوا ،،
سوريا .... أنا كتير آسفة ، ماصفيلي حيلة غير اني ادعيلك ،،وادعي لأهلك اللي الله وحده العليم بحالن ..
مع اني إلي فترة مبعدة عنك ،، بس بهاليومين لحتى حسيت انو اللي صار حقيقة وأنا هلأ عايشتها ، ومابعرف ايمتا رح ينتهي هالكابوس الواقعي اللي نحنا وأنتي فيه ..
اللوعة بقلبي هلأ وكأني من لحظات تركتك ،، موحابة انو تمر هيك أيام وتكوني انتي بحالة تبكي الحجر
مالي قدرانة اتقبل أنو الكل فرحان وعم يحضر وأنتي محدا حاسس فيكِ وعم تدوئي الأمرين
لك مابعرف ليش بقلبي غصة ، وعقلي صاير مو معي ، والله وقت عم بضحك عم حس شي عم يوجعني من جوا
أنا ماعم بعرف عيش وأنتي عم تتعزبي ، أنا مو قادرة امشي خطوة لئدام .. أنا عم برجع لورا
نفسي وصلك احساسي ، نفسي اتمشى بطرقاتك بين ناسك بين حاراتك وجناينك ، وقول بيني وبين حالي يااااااااالله أديش بعشقك ياسوريا أنتي وأمانك ... والله ماكنت حس بالراحة والأمان إلا وأنا دايسة ترابك
لكن هلأ .... هلأ انتي عم تتوجعي عم تبكي .. لك كل شي فيكي عم يحكي انو انتي ماعدتي بخير
يارب ماتطول حالتك أكتر ،، اللي صار أخد منك كتير والله أعلم أديش بدك لتعوضي وترجعي سوريا .. سوريا الحقيقة ..... منسأل الله أنو يتولاكي برحمتو ويرفع عنك بلائه وينهيلك هالحال بالقريب العاجل

هي رسالتي إلك ... ولسا اللي بقلبي كتير ،، ماحدا رح يقدر يسمعني ، ولاحدا رح يفهم عليي ، إلا القلب اللي عم يحس ألمي عليكِ ، رسالتي كتبتلك ياها بحروف بس بعرف انتي مارح تقرأيها ، واخترت مكانها هون مع اني بعرف أنو محدا رح يهتم فيها ... لكن بدي فرغ اللي جواتي ولو كان ولأول مرة بلهجة ركيكة كتير وبكلمات متخبطة ومافيها شي من التنمق أوالتنسيق ، لكن اعذريني صدمتي عليكي سلبت مني كل شي ..
أنا رح أودع رسالتي إلك هون .... لأنو بدي ترخها ،، واحتفظ فيا .. اي .. لأنو متأكدة انها رح تصير من الماضي وبمستقبلي القريب بإذن الله رح ارجعلك وشوف شو كنت عم حاكيكي وأنا بعيدة عنك ، وفصل الحروف والمعاني اللي ركنتها بين السطور لحس بألمي وقتها بس تعلو عليي ابتسامة وقول : كانت ايام صعبة كتير بس الحمدلله عدّت ونحنا هلأ بخير .. واتذكر حالي كيف اني كنت واثقة بجية هاليوم وتتجدد الإبتسامة .. وشوف إني أديش كنت متخبطة ومتدايئة لكن مافقدت أملي بالله ..

وهلأ بدي قلك الله يحميكي أنتي وأهلك ، ان شالله تحسي برسالتي ، وان شالله عيش اليوم اللي اقرأها وأنا بحضنك وتكوني بخير وسلامة وأمان ..

مع خالص محبة ..
            بنت ترابك ،،