شكلك مضغوط يا رائد
 يلا طول بالك شوي و انشالله بتحلحل كل أمورك يا رب

و بالنسبة الي أنا بتصدق اني ما بعرف شو بدي أعمل ما كتير بحلم صير محامية بس يمكن فكر بالتدريب

معدلي رح يطلع 62.9 تقريبا و كنت عم فكر بالماجستير بس من لما صار في امتحان معياري غيرت رأيي لاني ما الي جلادة عالدرس بعد ما خلصت

اما الوظيفة فهي حلم نوعا ما متل ما بتعرف

والله ما بعرف شو بدي ساوي

هلّئ كل شخص  بعيش حالة تخبّط وحيرة بأهدافو واختيارو للمجال اللي بدّو يبني عليه مستقبلو وقت بيتخرّج وحتّى بيبدأ معو هاد الشي من السنة الأخيرة بالجامعة.. يعني هاد الشي طبيعي ومع كل شخص بيصر هيك

حاليّاً خدي نفس وفكري على مهل لأن هاد مستقبل

في عندك خيارات كتير...وبالنسبة للماجستير مانو ضروري أو إذا كنتي رغبانة فيه فيكي تتقدّمي عليه.. وبما إنّك حقوق فقدّامك مجالات مالها نهاية يعني فيكي تختاري وتقدمي على أي وظيفة بأي وزارة أو جهة عامّة طالما الحقوق مرغوبة ومطلوبة بكل أسواق العمل وحتّى فيكي تشتغلي كمستشارة قانونيّة بشركة خاصّة ..هاد غير المحاماة أو القضاء إذا كنتي ناوي على هالشي ولو بعدين.

ومتل ماقلتلّك إذا حابّة تكملي دراسة فيكي تتقدمي على دبلوم من خارج الجامعة في دبلومات كتيرة أو ماجستير لأن في بفرعنا أقسام متعدّدة سواءً بداخل الجامعة اللي هي بتحمل 6 اختصاصات وهي دراستها متعبة للغاية أو من برّا الجامعة اللي مقبولة شهادة الحقوق فيها هي بتكون مدّتها أقل.

ومتل ماقلتلّك فيكي ترتاحي سنة إذا كنتي رغبانة بهالشي وبنفس الوقت بتاخدي فكرة عن كل مجال وتقرّري على أساس معلوماتك عنهن لأن جميع المجالات السابقة بضلّها مفتوحة أمامك..

والله يخترلك اللي فيه تحقيق آمالك ويخترلك كل الخير

اكيد شكرا كتير الك

بس معك حق التخبط طبيعي
وحكيك كلو صح

انا ما كنت مفكرة ابدا بالماجستير لانو بصراحة فرعنا متعب بتطلع منو عندك تخمة من الدرس بس لما بقول انو معدلي فوق 62 فورا بيقولو لي جربي حظك بالماجستير و قلت لحالي للسنة الجاي بالنسبة لهاد الموضوع
اما الوظيفة فالواحد ما في يقول بدي وظيفة و يقعد يعني الواحد بيتمناها و بيستنى

بس كنت بدي استفسر عن كلامك لما حكيت عن
(دبلوم من خارج الجامعة في دبلومات كتيرة أو ماجستير لأن في
بفرعنا أقسام متعدّدة سواءً بداخل الجامعة اللي هي بتحمل 6 اختصاصات وهي
دراستها متعبة للغاية أو من برّا الجامعة اللي مقبولة شهادة الحقوق فيها هي
بتكون مدّتها أقل.)

لانو انا بصراحة ما عندي ولا فكرة عن الموضوع و بتمنى اذا عندك معلومات تساعدني

مها في بكليتنا بالنسبة للدراسات العليا 6 أقسام وهنن:

1- ماجستير قانون دولي
2- ماجستير قانون عام
3- ماجستير قانون جزائي
4- ماجستير قانون خاص
5- ماجستير قانون تجاري
6- ماجستير قانون إداري ومالي

بالنسبة للدبلومات والماجستير من خارج كليّة الحقوق واللي فينا نسجّل فيها هي كتيرة منها:
آ. بالنسبة للدبلوم( دبلوم التأهيل والتخصّص):

1- دبلوم التأهيل والتخصص في إدارة الموارد البشرية.
2- دبلوم التأهيل والتخصص في إدارة المشروعات.
3- دبلوم التأهيل والتخصص في إدارة التسويق.
4- دبلوم التأهيل والتخصص في المعلوماتية الإدارية.
5- دبلوم التأهيل والتخصص في إدارة التدريب.

كل هالدبلومات هي تابعة للمعهد العالي للتنمية الإداريّة.

ب. بالنسبة للماجستير الأكاديمي:

1-ماجستير التأهيل والتخصص في الإدارة والاستراتيجيات والتنظيم.
2- ماجستير الدراسات العليا في العلوم الإدارية.
3- ماجستير الدراسات العليا في الأعمال الدولية.

في مجالات أكتر من هيك متل المعهد العالي للدراسات السكانيّة وإدارة الأعمال وغيرها.

إي مو بس مبرووووووك
وهي أحلى زلغوووووطة

بعد ألف شكر الك بتمنى تكمل مساعدتك الي و تعطيني معلومات دقيقة عن هالاختصاصات اذا كنت بتعرف و كيفية الدخول و التقديم عليها بالتفصيل
وكمان اسا عم تقلي اسا في اختصاصات  شو بتعرف كمان
بصراحة انا حابي اسا ادرس و آخد شهادة بس ما كتير بعرف بهالاختصاصات
رح دور ع النت و رح انطر ردك
لأني انا مو بالشام و اذا كنت بعرف اكتر برتاح و بختار بعدين بسجل

ب. بالنسبة للماجستير الأكاديمي:

1-ماجستير التأهيل والتخصص في الإدارة والاستراتيجيات والتنظيم.
2- ماجستير الدراسات العليا في العلوم الإدارية.
3- ماجستير الدراسات العليا في الأعمال الدولية.

هاد كمان تابع للمعهد العالي للتنمية الادارية؟

بس ايمتى التسجيل و شو الشروط و هل يوجد امتحان معياري او امتحان لغة؟