السلام عليكم ...

أولاً : شكلنا فوتنا شعبان برمضان في هذا الموضوع ...

تم في البداية الحديث عن عمل من أعمال الشعب الياباني , وبعدين صرنا نحكي عن الإرهاب

وسبب تسميتنا بالإرهابيين ..وعن كذب دول الغرب وإرهابهم , واحتكارهم للإرهاب ..

حالياً : صرنا عم نحكي عن علوم العرب والغرب , ومين أخد العلم من التاني ..

- بالنسبة للعلم سواء أكان العرب هم السبّاقون , أم غيرهم ,

الحقيقة هي أنّ العالم الآن لا يعترف إلا بالواقع ( يعني نحنا أولاد اليوم ) ..

اقتبس من قول الأخ العضو (جيمس ماكسويل ..بالمشاركة رقم 19 )

ملاحظة : كل ما بين ((( .... ))) هو اقتباس

((( المسلمين من العرب هنن أذل شي ...السبب الرئيسي هو الانشغال بالدين وترك الدنيا )))

للأسف أخي الكريم أن المسلمين اليوم غير مشغولين بالدين ...

ما يشغل العرب اليوم أشياء لا ترتقي للمستوى المطلوب لتتقدم الأمة ,

وكما ترى ما هي اهتمامات الشباب العربي ...؟؟؟؟

هل العلم ...؟؟؟ أم الدين ..؟؟؟

ربما لا هذا ولا ذاك ...

كل شيء من حولنا فاسد , وكل ما حولنا لعب دوراً في التأثير على اهتمامات واتجاهات

الشباب العربي ..

من البيئة الفاسدة التي نعيش فيها , إلى الإعلام العربي الفاشل الذي يدخل إلى منزل كل عربي

إلى الأشخاص الفاسدون الذين يُفسدون غيرهم ...

لو كُنّا فعلاً مهتمين بالدّين ...لعملنا ليلاً ونهاراً على طلب العلم , ولا سيما أن هناك الكثير من

الأحاديث النبوية التي تتحدث عن فضل العلم ومنزلة طالب العلم , وفضل العالم على العابد

للأسف أضعنا اليوم الدين والدنيا ...

(((بسبب شو فكركن عم ننهان وننذل وأهلنا مشردين بفلسطين )))

أنا برأيي أنو السبب هو تفرق العرب , وانشغال الحكام العرب بتثبيت مناصبهم ( الكراسي )

وانشغالهم ليس فقط عن فلسطين , بل وحتى عن حقوق الشعوب العربية التي يحكمونها ..

ها هي الشعوب العربية تمتلك جيوش جرارة , وتمتلك أسلحة مستوردة من الغرب

أوشكت أن تنتهي مدتها في  المخازن , ونمتلك رجالاً قلوبهم كالحديد يتمنون الشهادة ..

ما نفتقده فعلاً : هو الإرادة والتصميم على تحرير الأراضي العربية المغتصبة ,

وما نفتقده أيضاً لتحرير الأرض هو عدم وجود جيش عربي موحد ومُجهز بكامل المعدات

الحربية المتطورة واللازمة لتحرير الأرض ..

-(((لقصة بدها اهتمام بالعلم مو اهتمام بالدين , وكل شي لحالوا )))

اسمحلي خالفك بالرأي وقلك أنو نحنا لو اهتمينا بالدين وطبقناه , رح يكون عنا اهتمام كبير

بالعلم , ورح يزيد إيماننا برب الكون , ورح تصير قلوبنا قوية ما نخاف غير من يلي خلقنا

وبعدين نحنا المسلمين ما فينا نفصل العلم عن دينا الإسلامي ,

ومعظم الآيات في القرآن الكريم لها تفسير علمــــــــي ,

عندما نعود للدين الإسلامي ونقرأ فضل طلب العلم , ومنزلة العالم وطالب العلم عند الله تعالى ,

وأن هناك من يستغفر لطلبة العلم , وأننا سنُسأل عن علمنا, وأن ابن آدم عندما يموت ينقطع

عمله إلا من ثلاث : ومن بين هذه الثلاث , علم يُنتفع به ...

وعندما نتذكر أننا سنسأل عن علمنا وماذا عملنا به ..؟؟؟ ؟؟ يوم القيامة, أيضاً سنسعى لطلب

العلم ...

إذاً : عندما نعود للدين الإسلامي ونعرف كل ذلك , لا بدّ لنا وأن نطلب العلم وبكل شغف

وأن نسعى لنشر العلم , والعمل به ,

(( وقل ربي زدني علماً ))

سلامي واحترامي للجميع ...

سلام ,,, مو أنا اللي خرجت عن صلب الموضوع ,,, إنتو " وسعتوا " النقاش قبل ما إحكي أنا .

مو " الأديان " هي اللي بتفرض على الأمم إنو يتعلموا و ينهضوا بالحضارة ,,,, اللي بفرض طلب العلم هو " الحاجة البشرية " و بس , الإسلام ذكّر بهالشي مشان لا نوصل للي نحنا فيو هلأ ، بس إنك تحكي إنو " طلب العلم " إلو علاقة بالإسلام أو غيرو من الديانات فهادا الشي مو صحيح أبداً ,,, نسبة الأمية ب " اليابان " صفر بالمية ,,, مو " الدين " اللي محى الأمية باليابان ، و إذا بدك نسبة اللي معتنقين " دين صحيح " باليابان لا تتجاوز " واحد بالمية " .. معناتو الدين شي و العلم شي تاني ، إرادة البشر و تصميمهم و حبهم للتعلم و حاجتهم للتطور هي اللي بتحض على طلب العلم ، بتيجي بعدا الأديان لتنبه و تذكر و بس .

لإيمتى بدنا نظل عايشين على خير أبحاث الغرب و علومهم و نقول و الله نحنا المسلمين لأنو بعدنا عن الدين قام الله خلانا متخلفين ، لاء ، اللي خلانا متخلفين هو بعدنا عن العلم مو عن الدين ,,, قيام الليل " بعيشنا " بروحانية و بقربنا من رب العالمين  ,,، بس إذا إنتا ناوي تبتكر شي تنفع فيو أمة الإسلام و تعيشون بعزة ,,,, فطريقك لهالشي مو " قيام الليل " ,,, بالعكس طريقك " قعود الليل " ,,, قعود الليل و إنتا عم تتعلم و تفكر و تكتب معادلات و تخطئ و ترجع تتعلم ,, آخر شي بتوقع إنك تاخود نفس أجر اللي قام الليل ,,,, بمدينتي في " 14 " مسجد ,,, 2 بنتهون الدولة و البقايا من متبرعين ، بس ما في و لا مختبر للأبحاث ، و لا مختبر لأبحاث الطلاب الجامعيين ، حديقة للأطفال ما في ، مع إنو اللي بتبرع لبناء مسجد هو إنسان همو تنرفع كلمة الرب ,,, معناتو هو إنسان مسلم و قلبو عالدين ,,, بس ليش ما اقترح يتبرع بمالو لإحداث مختبر لأبحاث الطلاب الجامعيين ؟! ، الجواب مو لأنو بعيد عن الدين ، بالعكس هيك إنسان قريب كتييييييير من الدين ،  الجواب لأنو بعيد عن العلم ,,, الخلاصة اللي بدو يصنع حضارة قائمة على العلوم فيو يصنعا و هو " منكر للذات الإلهية " ، بس إنو نرمي سبب تخلفنا و ذلنا على قصة بعدنا عن الدين ، فهادا الشي عم يخالف كل شي حقائق على الأرض ، الشي اللي بتقولو إنو مكتوب عنا بالقرآن ليش ما بتكتشفوه إنتو ، احزرو ليش ؟ ,,, لأنو ما في إصرار و لا في إرادة و في عداوة مع العلم .

عل كل اللي بتعب أكتر رح يلاقي أكتر ، بالوقت اللي كنا فيو قاعدين بحلقات لتحفيظ القرآن بعد عهد الخلافة الراشدة ، هنا كانو عم يتعلمو علوم " الرياضيات و الفيزياء و الهندسة " .. قام نحنا وصلنا للقرن الواحد و العشرين و لسا كتييير آيات ما بنعرف تفسيرا ، قام هنا فسرولنا ياها بما تعلموه .... شي بضحك بس ببكي أكتر .. للعلم : قراءة القرآن فريضة بس حفظو لأ ,,,, في كتير حكي ببالي بس قايم بدي روح على ساحة الحرية ,,, تحياتي .

الموضوع تشعب كثير , وتحتاج الى قعدة ( ماكنة ) لانو الموضوع هام

وكل ما تكلمنا به في هذا الموضوع ستؤدي بنا الى الحال في سوريا وما ستؤدي عليه في المستقبل

فالحالة السيسيولوجية التي تمر به افكارنا  , تحتاج الى تنظيم  , وبعد التنظيم تريد شخص يصل هذه الافكار
الى شاطئ البر ,  ( يعني ايصالها للعالم )

تقبلوا مروري السريع , الان ولي عودة اخرى

The Lord

قال صلى الله عليه وسلم :

" اعمل لدنياك كانك تعيش أبدا .. واعمل لآخرتك كأنك تموت غدا "

السلام عليكم

شو الموضوع تشعب كثير .... والكلام فيه يطول .. لكن إن شاء الله الكل رح يقتنع
وأرجو أن لا نصل لطريق مسدود

أول تعليق لي بعد هاي الغيبة هو أنو بخالف تمامًا كلام James Maxwell مدري ليش أو كيف رح أقنعو (لكن برحب كثير بجيمس والحمد لله على السلام مع أنني متأخرة كثير "بعتذر" )
أحترم رأيك كثير لكن لي تعليق خاص بس مو هلء...

بدي أرجع لتسائل "نور الشام " وهو ليش بنتصف ونتسمى إرهابيين وتنتسب لنا كل الأعمال الإرهابية عند الغرب .
لدرجة أنو حتى بيناتنا لما يصادفنا شب ذو ليحة وثوب قصير وسروال نصف ساق
أو بنت متحجبة حجاب واسع وفضفاض مباشرة نقول عنن متشددين

المهم .. أول شيء لأنو الإسلام شرّع لنا الجهاد في سبيل الله بأموالنا وأنفسنا
وأثبت التاريخ أن أرواحنا زهيدة في سبيل الله ولا نخشي القتال وجها لوجه

بدي أرجع للوراء لو سمحتم
الرسول صلى الله عليه وسلم قبل البعثة كان الصادق الأمين
والكل يعلم ويشهد لذلك
لكن ما إن أجهر بالدعوة أصبح الكاذب المنافق الساحر الغير مرغوب فيه
هذه أول الغيث
وليس بالبعيد في ولايات أفغانستان وباكستان وما جاورها , استعانت أمريكا وحلفائها بمجندين أفغان على رأسهم الراحل "بن لادن"  قامو بتسليحهم ودعمهم بالأموال والدعم كذا في الأمم المتحدة ليس ألا لإخراج السوفيا الروس من هناك
وكانت وسائل الإعلام آن ذاك وكذا الرئاسة الأمريكية بوصف المقاتلين (بالمجاهدين) وأمام الجميع
لكن لما انقلب السحر على الساحر صارو مجرمين وارهابيين ويجب القضاء عليهم

إذن حسب رأيي هي مجرد تزكية إعلامية يحركها الكره للإسلام
وهذا شي ذكرو ربنا رب العالمين في القرآن الكريم:

{وَلَن تَرْضَى عَنكَ الْيَهُودُ وَلاَ النَّصَارَى حَتَّى تَتَّبِعَ مِلَّتَهُمْ قُلْ إِنَّ هُدَى اللّهِ هُوَ الْهُدَى وَلَئِنِ اتَّبَعْتَ أَهْوَاءهُم بَعْدَ الَّذِي جَاءكَ مِنَ الْعِلْمِ مَا لَكَ مِنَ اللّهِ مِن وَلِيٍّ وَلاَ نَصِيرٍ }

والكلام يطول
هذا الي طلع معي نور أن شاء الله توفقت

*_^

عن جد الموضوع فات ببعضو ...

لازم نحدد النقاط الرئيسية يلي بدنا نتناقش فيها ,

مشان نعرف كيف بدنا نكمل النقاش على هذا الأساس ..

-ومتل ما قال ( اللورد ) الموضوع صار بدو قعدة ماكنة ...

في كتير شغلات حابة أني أحكيها ,, بس هلأ تعبانة شوي وأفكاري فايتة ببعضها

- حابة أحكي شغلة وحدة هلأ :

أنو أنا كتير بكره الغرب , وما بحب أني أتغنى فيهن , حياتهم ليست أفضل حالاً من حياة العرب

- هم أُناس لا يعرفون الإنسانية , فقط يتغنون بالدفاع عن حقوق الإنسان ,

وأكبر دليل على إنسانيتهم الحروب الهمجية والفساد في الأرض ..

وسجن أبو غريب , وسجن غوانتانامو الغني عن التعريف ...

أين حقوق الإنسان عندما تضرب إسرائيل المدنيين في غزة ..؟؟؟

أين الدفاع عن حقوق الإنسان في بلدنا اليوم ...؟؟؟؟

أما الشعب الأمريكي الأكثر إنسانية , فقد أعاد انتخاب جورج بوش صاحب الحرب الهمجية

على العراق , نعم أعاد الشعب الأمريكي انتخابه على الرغم من أنه رجل دموي ,

قتل النساء والأطفال , وهجّر السكان من بلدهم , ناهيك عن المجازر , والقصف و

نهب النفط , واعتقال العراقيين ووضعهم في سجن أبو غريب ,

ثم تصويرهم للعالم , لينظر العلم إلى مدى احترام حقوق الإنسان واحترام الإنسان ,

ولينظر الشباب العربي إلى إنسانية الدول الغربية ...

-أما العدالة وسيادة القانون في الدول الغربية : فأكبر دليل عليها :

هي أن جورج بوش  , والكونداليزا رايس , الذين قادوا الحرب على العراق ,

أين هم ...؟؟؟ هل هم في السجون لمحاكمتهم محاكمة عادلة ....؟؟؟؟؟

والجنود الأمريكيون الذين ارتكبوا جرائم حرب , ومجازر بحق المدنيين , أين هم ....؟؟؟؟؟

- أما الإرهاب ( فصار شغلة ليلي ما لو شغلة عند دول الغرب )

عندما أراد ساركوزي ترشيح نفسه مجدداً للانتخابات الرئاسية الجديدة ..

بدأ بفبركة أفلامه مع أجهزته الأمنية , وجميعنا أو بعضنا شاهد أجهزة الأمن الفرنسية

وهي تقتحم بيوتاً لاُناس على أنهم إرهابيين ,

فأراد ساركوزي البطل أن يظهر أمام الشعب الفرنسي  على أنه الرجل الشجاع القادر على حماية

الدولة ومحاربة الإرهاب , والقضاء على الإرهابيين ..

أتمنى بألا نتغنى بدول الغرب , وبدل أن نتغنى بهم نسعى لتطوير مجتمعنا ,

فالتغني بدول الغرب لن يأتي بنتيجة ....

والحديث يطول ....أكتفي بهذا الآن ...

- أخت رؤيا ..للأسف أنو بمجتمعنا الشخص يلي بيكون ملتزم بالدين ...

مو بس بيكون اسموا : متشدد , وكمان بيصير اسموا : متخلف , ومعقد , متعصب ..

ووين عايش , بأي كوكب ..

وبالنسبة لدول الغرب بيخافوا كتير من التفجيرات الانتحارية , التي يقوم بها بعض المسلمين

يعني أنو يكون الشخص مُلغم , ويفجر حالو بمكان مزدحم ...

- بالنسبة لكلامك أخ جيميس بالمشاركة رقم : 22 , أنا شخصياً بوافقك على كتير من حكيك

أنو نحنا لازم نهتم أكتر بالعلم ,

ولازم نبني مراكز أبحاث للطلاب ,

والحديث يطوووووووووووووووووووووووووووووووووووووول ...

سلامي للجميع ...

كل ما ذكرته في هذه المشاركة , أو المشاركات السابقة , قابل للنقد , وقابل للنقاش ..

وهو رأي شخصي لا أفرضه على أحد ...

السلام عليكم

أهلين نور بحييك بكل ماللكلمة من معنى
"عذبناك معنا"


لو تسمحولي رح حاول ليش أنا بعرض شيء من كلام James Maxwell

هلء بالمشاركة 19 كان كلامك التالي :
+إقتباس+
"  لا تفصلو الدنيا عن الآخرة ,,,, نحنا مطالبين بالدنيا إنو نرفع راية دينا لفوق ,,, الإسلام دين عزيز بس اللي صاير إنو المسلمين هنا أذل شعوب الأرض ,,, و إذا بدنا نكون أدق شوي ,,, المسلمين من العرب هنا أذل شي ,,,, السبب الرئيسي هو الانشغال بالدين و ترك الدنيا . "

كلام سليم
لكن الختام لي رأي ثاني
لو أننا أنشغلنا بالدين لما هو حالنا مث اليوم
لو أننا انشغلنا بالدين لما يقتل بعضنا بعض الآن
لو أننا انشغلنا بالدين لكانت منظومة القضاء في بلادنا العربية تحكم بالعدل
لو أننا انشغلنا بالدين لما تفشت في بلادنا الرشوة أكثر منها بالبلدان الغربية
لو أننا أنشغلنا بالدين لما بقي فينا فقير والكل هم يزكي أموالو "على ساس أنو الزكاة من أركان الإسلام التي لا تخفى على أحد"
لو اننا أنشغلنا بالدين لكانت راية الإسلام هي العليا

"هذا كلو لم أتطرق للعلوم التي ترفعنا في الدنيا"

حسنا :
فرضـًا من كلامك أننا انشغلنا بالدين إليك ما كان سيحدث:

أول ما اُمِرَ به الرسول صلى الله عليه وسلم هو القراءة ولم يُأمَر بالصلاة
إذا الإسلام من بادء الأمر هو دين حق ودين علم
لاحظ في قول الله تعالى :
بِسْمِ اللَّهِ الرَّحْمَنِ الرَّحِيمِ.
اقْرَأْ بِاسْمِ رَبِّكَ الَّذِي خَلَقَ (1) خَلَقَ الْإِنسَانَ. مِنْ عَلَقٍ (2) اقْرَأْ وَرَبُّكَ الْأَكْرَمُ (3) الَّذِي. عَلَّمَ بِالْقَلَمِ (4) عَلَّمَ الْإِنسَانَ مَا لَمْ يَعْلَمْ (5)
صدق الله العظيم

أراهن أي أحد منكم أن يتعلم العلم ذون الكتابة بالقلم وأن يستغني عنه كلياً
وأنظر لنسبة نجاحك

إذًا من الظاهر الملتزم بالدين من الظاهر للعامة أنه الإنسان الخجول الطاهر الصادق المؤدي للأمانة ... ألخ
ماذا لو كان كل فرد يتصف بما يلي ألا كان لمجتمعاتنا العربية أن ترقى لما هو أسمى
من ناحية التكافل والأخوة وبهذا لا تعمها الفساد والسرقة والفحشاء والقوي يُنكَّل بالضعيف كما هو الحال اليوم
بما أن من كلامك أن يجب فصل الدين عن العلم كما ذكرت :
+إقتباس +
" لإنسان اللي واقف و ماسك حجر بوش دبابة ما بينتصر ، لازم يكون معو دبابة متلا مشان ينتصر "

كلامك صحيح لكن به تناقض
لو أننا انشغلنا بالدين ألم تسمع كلام الله الدي يقول :

¤ وَأَعِدُّواْ لَهُم مَّا اسْتَطَعْتُم مِّن قُوَّةٍ وَمِن رِّبَاطِ الْخَيْلِ تُرْهِبُونَ بِهِ عَدْوَّ اللّهِ وَعَدُوَّكُمْ وَآخَرِينَ مِن دُونِهِمْ لاَ تَعْلَمُونَهُمُ اللّهُ يَعْلَمُهُمْ وَمَا تُنفِقُواْ مِن شَيْءٍ فِي سَبِيلِ اللّهِ يُوَفَّ إِلَيْكُمْ وَأَنتُمْ لاَ تُظْلَمُونَ  ¤

تأملها جيدا :
لو أن لنا في الدين شيء لكنا أعددنا العدة والكل قلبه يرهب ويرجف بمجرد التفكير بالوقوف بوجهنا

إذن لم ننشغل لا بالدين ولا بالعلم
انشغلنا "سواء حكّام أم مواطنون بسطاء " بشهواتنا وسبيل إرضائها
إنشغلنا بالمال وسبيل العيش الرغيد ولو على حساب دم غيرنا
حتى صار حلم الشاب العربي بناء بيت والزواج والشغل
أركز على كلم حلم .............. (  حلم  )

ومن المفروض أنها من الأساسيات




من كلامي هذا ما هي انشغالاتنا:
الدين ؟
العلم؟
الدنيا ؟
الشهوات ؟؟؟؟؟؟؟؟؟؟؟؟؟

تقبل نقدي جيمس وكما قالت نور هذا رأيي ولا أفرضه على أحد

تحياتي  !!!!!

السلام عليكم .

نور الشام .... اقتباس " أنو أنا كتير بكره الغرب , وما بحب أني أتغنى فيهن , حياتهم ليست أفضل حالاً من حياة العرب " ,,,, أي و أنا ما بحب إتغنى فيون و بردي ما قلت إنو هنن مناح ، أنا قلت إنهم صناع حضارة و قدموا كتير ، بس برأيي إنو حياتون أفضل من حياة العرب ... العرب : جهل بالإضافة لإضاعة الدين ، الغرب بس مضيعين وحدة من التنتين ,,, برجع بأكد إني ما مدحت الغرب أبداً ، بس كنت عم إحكي عن تشبثون بالعلم و هو كان سبب عزتون و سيطرتون على كل شي .

رؤيا .... كلامك صحيح ,,, و أنا " أخطأت " بالجملة التالية : " السبب الرئيسي هو الانشغال بالدين و ترك الدنيا . " ، ما كان بدي قول هيك ، رح بدلا للجملة بالتالي : " السبب الرئيسي هو الانصراف عن العلم " ، و إنسي موضوع الدين على جنب ,,, الاهتمام بالعلم وحدو  بصرف النظر عن الدين " بصنع " حضارة للأمم ، ما عم إحكي عن بناء المجتمعات اللي هي عن جد بحاجة للدين ، أنا عم إحكي عن بناء الحضارات اللي برجع بأكد إنو العلم عم يبنيها لوحدو ,,,, شكراً .

السّـــــــــــــــلام عليكم :

اليوم  : الثّلاثاء  11  أيلول ( سبتمبر ) 2012م

في مثل هذا اليوم من عام 2001 م تم تنفيذ هجمات ضد نيويورك  من قبل القاعدة ...
وتقوم أمريكا اليوم بإحياء هذه الذكرى ..

James Maxwell 

أخي بصراحة أنا بالمشاركة رقم (  26 ) أنا ما قصدتك شخصياً - والله بيشهد -

وبعتذر إذا أزعجتك بشي ..

- اليوم كان في خبر على قناة الجزيرة مفاده :مواطنين مصريين يتظاهرون أمام  السّـــــفارة الأمريكية في مصر احتجاجاً على عرض واشنطن

فيلم أمريكي  اعتُبر مسيئاً للرسول الكريم محمد عليه الصّلاة والسّــــلام .

وقناة العربية تعرض خبر مفاده :محاولات لتفريق متظاهرين مصريين يعتلون أسوار السّفارة الأمريكية بالقاهرة ويمزقون الأعلام الأمريكية      ويرفعون الأعلام السّــــوداء ..

وهناك محاولات لإقناع المحتجين بمغادرة المكان ..

حسبنا الله ونعم الوكيل ....ولاحول ولا قوة إلا بالله العلي العظيم .. 

- بعد هجمة القاعدة على الأبراج الأمريكية أعلنت أمريكا حرباً ضد الإسلام والمسلمين ...

وزادت حملتهم الشرسة ضد المسلمين ..


رؤيا : بالنسبة لكلامك بأنو انقلب السّحر على السّاحر معك حق فيها .

تحيتي لكم جميعاً ..

ودمتم بود .....