طيب هاتو خمس عبارات لها معاني تعبر عن المعنى الحقيقي للحب

حب الوطن..الانسان..اي شيء..

يلا لنشوف

السلام عليكم ..........

ممممممممممممممممممم ...رح اختار عبارات عن حب الوطن ...

-ونعشق الأرض التي لا هواء بها            ولا ماؤها عذب ..ولكنها وطن

-بلادي وإن جارت عليّ عزيزة            وأهلي وإن ضنّوا عليّ كرامُ

-هذي دمشق وهذي الكأس والراح        إنّي أُحب وبعض الحبّ دبّاح

-فرشت فوق ثراك الطاهر الهدبا        فيا دمشق لماذا نبدأ العتبا ..؟؟

-آه يا شام كيف أشرح ما بي..؟؟          وأنا فيكِ دائماً مــســــــــكون

-شام يا شام ......يا أميرة حبّي            كيف ينسى غرامه المجنون ..؟؟

يلي بعدي ....

من هذه الحروف ( ب - ش - ي - ح )

أريد ( 5 ) كلمات ..

وأيضاً بشرط ألا يتكرر الحرف الواحد مرتين في نفس الكلمة ..وأن تكون الكلمة ذات معنى

هــــــاتوا لنشوف ...

مسا الخير ....رح جرّب.....

شبيح.....خطر أو شي بالي بهل ايام
شبح
حب
شح
شب

أهلين بدكتورنا ...نورت ..

هلأ لسا في كلمات من هي الحروف متل : يحب - حبي - حبشي (من الحبشة )

شكراً لمرورك ...فيك تطلب ..أو تسأل سؤال ليلي بعدك ..

نورت الموضوع ....سرني مرورك ...

وبرااااااااااااااااااااافوا عليك

انا بدي اتكلم , وادخل بالموضوع

بس ما عرفت اخر السؤال من الدكتور

بس مو مشكلة انا بكمل

اكيد هو بحب يحككي عن الاحلام ,

وانا بدي جاوب
الاحلام هي حالة بريئة دائما نعيشها كل لحظة
يا بتكون صادقة با بتكون كاذبة
ونحنااغلبنا منضحك ع حالنا بالاحلام وانا منهن ^_^

بعيش باحلام وردية كتير و طموحات بس للاسف لا شئ يتحقق

على كلن املي بالله كبير

عم احلم وبدي احلم وحتى لو عم كذب ع حالي و حتى ولو ع حساب ضياع عمري في مهبات الريح

بس بدي حاول , وبدي أحلم , احسن ما عيش بهالواقع

احكيلكن سر : بيني وبينكن
في حلم دائما يراودني : انو اقعد ورا طاولة , بغرفة هادية , واشرب فنجان قهوة ,وقدامي كتبي المميزة , و ع اصوات العصافير , عند الصبح , والشمس ضاربة ع الغرفة , (( وانا  مرتاح بالي هادا الاساس , انو كون مرتاح البال بهاللحظة ))
ياربي بكون اسعد انسان اذا عشت هي اللحظة ولو بأخر يوم من عمري
ياربي لا تقبض روحي والا عشت هذه اللحظة
والسؤال للي بعدي

تكلم عن احلامك لعلي أضيفهنّ لدي في بحر أحلامي , واشاركك احلامك ؟

The Lord

أنا رح رد على أخي *The Lord* بس يمكن أحلامي ما تكون متل أحلامو ..

أنا كل يوم بحلم باللحظة اللي رح اصل فيها على سوريا - بعد كم شهر إن شاء الله - و شوف أهلي بالمطار ... كل يوم بفكر بهداك اليوم و كيف رح يكون , و شو رح يصير فيه بتفاصيلو الدقيقة ..

وسؤالي للي بعدي : عدّد 5 نباتات تبدأ بحرف التاء ؟ 

The lord

أهلا وسهلا ....

بالنسبة لأحلامك ...إن شاء الله تحقق بإذن الله ...

بس بالنسبة ل : راحة البال ...

هي كل الناس عم بتعاني منها -إلا من رحم ربي -

بعتقد أنو ما في حدا بالو مرتاح عالآخر - وخاصة بهالأوضاع - كل مين همو على أقدو ..

-أنا بالنسبة إلي كل يلي بتمناه أنو الله عز وجل يخليلي أهلي : بابا , وماما , وأخواتي ..

أهم شي بحياتي ...وكمان أقاربي كتير بعزهن وبحبهن ...

وبتمنى أنو كمل دراستي وأنجح بمعدل عالي ...

وبتمنى أنو نكون أنا وأهلي دائماً مع بعض ما بتفرقنا السنين    

وتكون حياتنا دائماً سعيدة ومريحة ...متل ما نحنا هلأ والحمد لله ....

أخي : محمد رضوان

أهلا وسهلا فيك ..

إن شاء الله ترجع لأهلك بخير وسلامة ...

وأكيد شعور اللقاء بيجنن ..غني عن التعريف .....

- هلأ بالنسبة ل : خمس نباتات تبدأ بحرف التاء :

1- تين

2- توت

3- تفاح

4 - فينا نقول : ( تمر )

5-      ( هاتو لنشوف )

يلي بعدي : 

لو حدا طلب منك إنك تكتب رسالة لأحد الرؤساء ( العرب أو الغرب )

ماذا ستكون كلمات الرسالة الموجهة لذاك الحاكم .... 

( بدون ذكر أسماء )

أو :

أعطوني 6  كلمات إذا ينقرأوا من الجهتين وييضلوا بنفس المعنى إذا عكسناهون

متل : توت - صوص ..

هاتــــــــــــــــــــــتوا لنشوف .... 

نور الشااام...

وبتمنى أنو نكون أنا وأهلي دائماً مع بعض ما بتفرقنا السنين


هيك بعمرك ما بتتزوجي اذا ضليتو سوا هههههههههههه


على كلن شكرا لك , على دعاءك , بس انا قصدي براحة بال مو هلأ يعني
بعدين مو مشكلة المهم انو عيش لحظتي

بالنسبة لسؤالك بعطي الدور لغيري
^_^
تقبلي مروري

The Lord

The Lord

هلأ هاد يلي طلع معك ... 

هلأ أنا بشوف أنو الأيام بتفرقنا لأسباب غير هيك ..

ممكن السفر ..أو الموت  .. أو أي ظرف من ظروف الحياة ...

وحتى إذا أنا مثلاً أنا أضربت عن الزواج ..أخواتي بعدين رح يتزوجوا ويبعدوا عني

بس بتمنى أنو قلوبنا بتضل عند بعض ...وأنو إذا الواحد فينا قال : آآآآآآآآآآآآآخ بيلاقي

أخو جنبو ...وأنو إذا الواحد فينا تألم يلاقي حدا يخفف ألمو ...

- تقبلت مرورك ...وبكل سرور ...لا تحرمنا من تعليقاتك ...

وعيش لحظتك ...لأنو اللحظة يلي عم بتروح ما عم ترجع ....

وبالتوفيق والنجاح أخي ...

السلام عليكم :

بالنسبة للموضوع  حبيت أفتحو مشان نتهرب شوي من الواقع ,

ومشان كمان نحرك عقلنا شوي ..بترتيب الحروف , أو التفكير بإيجاد الكلمات المطلوبة ..

- وبالنسبة للكلمات يلي بتنقرأ من الجهتين وبيضلوا بنفس المعنى هنن :

1- توت

2- صوص

3- واو ( حرف الواو )

4- ميم ( حرف الميم )

5- تحت

6- تخت

7- باب

8- سوس

9- شيش

10- دود

11- لعل

كنت حابة أطلب منكن عبارات كنّا نشوفها على جدران المدرسة ..

أنا بالنسبة إلي ...كنت شوف العبارات التالية ( وقت كنت بالصف العاشر )

- كان مكتوب على العضاضة بالصف يلي أنا في : ( ممنوع مرور السيارات والشاحنات )

وعلى الباب : ياما بالسجن في مظاليم ...

وبصدر الصف كان مكتوب : هذا الصّف برسم البيع , لمن يرغب بالشراء يُرجى الاتصال على

الرقم 0962  والباقي لبعدين ....

وكان كل ما يفوت مدرس على صفنا بيقول : أول مرة بشوف أملاك الدولة برسم البيع ...

ناهيكن عن عبارات : ذكرى فلانة , وذكرى علانة ...

أنتـــــــــــــــــــــــــــــو شو كان مكتوب عندكن عالحيطان ....

يا ريت تشاركونا ....