السلام عليكم و رحمة الله و بركاته
كيف الجميع إن شاء الله مناح
ليش هيك هامدين على آخر سنة

.....................................
على العموم عندي كم سؤال بتمنى بلاقي مين بيجاوبني عليهن
أولا بخصوص عملي المشافي أنا عند الدكتورة لمى بس حابة إذا حدا عنو فكرة عن الفحص عندها كيف بيكون يا ريت يشرحلي كيف
ثانيا بخصوص النظري تبع المشافي كيف بيجي نمط الأسئلة و شو أهم المحاضرات اللي بيجي منها أسئلة أكتر
ثالثا الإسعاف المحاضرات كتيييييييييييييييييير صعبين و ما بيندرسوا ممكن إذا بتعرفوا كيف بتجي الأسئلة و شو المواضيع المهمة اللي بيجي منها أسئلة أكتر ((((بيركز على الأعراض على المعالجة .....إلخ )))
رابعا بخصوص التقانة الحيوية كيف بتجي الأسئلة و على قسم مين نركز أكتر
خامسا الكيمياء الدوائية شو منشان إنو الكتاب ما بيندرس بالمرة يعني كل ما حاولت في متل كأنوا بلا فايدة
سادسا و أخيرا و الأهم كيف بندرس للملازمة كتابي (((لا تقولوا دورات إذا دورات بس من وين بنجيب الحل تبعها يعني كيف بنعرف إنو الحل هاد هو الصحيح ؟؟؟؟؟؟؟))))
يعني الأسئلة بشكل عام بتشمل أي مقررات
..........................................................
و أخيرا آسفة على الإطالة بس مشروع التخرج أخد وقت كتيييييييييييييير كبيييييييير
و هلأ صرنا آخر الفصل صار لازم نبدا بس لازم نبدا صح

أسئلة المشافي بتجي غالبا حالات وأسئلة عليها من كل المحاضرات .....يعني بدها حفظ المحاضرت وسرعة حل ..طبعاً الحفظ الجيد (فهم + حفظ) هو المطلوب لتلحقوا الأسئلة كلها !! وحتى أحياناً بعض الأسئلة(نسبة قليلة) بتتطلب شغلات من العملي !!

الإسعاف الأسئلة سهلة كتير خاصة في شغلة عند دكتور سلطان بلا ما نقولها هون ...المحاضرات حفظ وسط بيكفيها عادة

التقانة على زماننا كان أسهل قسم ..قسم الدكتورة فوزة أما د.شادن نفس نمط أسئلة البيولجيا (متوسطة الصعوبة ) أما د.خليل فهون دورات + محاضرات + حظ للتشليف ..بس عموماً لا تدرسوا المحاضرات قبل ما تشوفوا الدورات

الملازمة دورات وإذا بدكن تجتهدوا ادرسوا فارماكولوجي!!!!!!

أنا درست دورات وبس والحمد لله جبت علامة عاالية

السلام عليكم

نشالله موفقين بالامتحانات ونشالله تتخرجوا عهي الدورة وما حدا يضطر يطلع للدورة الثالثة.

مشان عملي المشافي قسم الدكتورة لمى

أهم شي ركزو على محاضرات النظري وعلى كل ملاحظة وكل نكشة وكل كل شي بتكون حكتو الدكتورة بالنظري

والـBNF لازم تكونو فهمانين تمام كيفية البحث فيه وعالسريع

وعموماً بيعطوكم وقت منيح شغلة 3 ساعات فحص نظري !!!!

السنة الماضية ساوولنا نص ساعة تقريباً فحص حفظ (يعني مو open book)
وبقية الوقت ممكن تستعمل الـBNF أو المراجع التانية

وخليكم دقيقين كتير بالإجابات وكل شي بتجاوبوه كتبو جنبو من وين جبتو المعلومة

=========

مشان الاسعاف

بالعكس سهلين
نحنا وقتها كان منهاجنا أكبر ودرسناها وكلنا أخدنا بالـ80 والـ90
يمكن ما رسب غير كم واحد ما قدّمو المادة

==========

مشان الكيميا الدوائية

كلياتنا بنعرف كيف بتندرس :)

انتو لا تزعلو الدكتور ولا تعملو فنّات وحركات متل ما ساويتو من قبل :)

=============

مشان الملازمة نظري

نحنا إجا شغلة صفحة كاملة أسئلة عقاقير تطبيقي بس أسماء باللاتيني وهاد أكتر شي زعجني بالفحص.
إجالنا أسئلة صيدلانيات 1 !!!! ما كنا متوقعين هيك شي بس أغلبهم من الدورات (مو كلهم)

أهم شي درسو أدوية والبورد بساعدكم




هلأ عم يصير اختلاف باسلوب الفحص بين سنة والتانية فاعتمدو على كل شي متاح عندكم ونصائحنا خلوها للاستئناس

شكرا كتيييير على المساعدة
بس بدي اسأل كمان منشان الكيميا الغذائية كمان فيها كتير شغلات و أرقام صعبة

الكيميا الغذائية بدها دراسة منيح، بس ما بتذكّر أنو كان في تركيز عالأرقام
                                                                 
غالباً أسماء مركبات
                                                 

موفقييييييييين شباب وصبايا..

ان شاء الله بتفرحو بالتخرج و بنتطلقو للحياة العملية,,

بس ما بتنسو تحلونا..

ؤال يا جماعة بس مين من الدكاترة بيجيب دورات ؟؟؟؟
و شكرا عم عذبكن معي

مالي متذكر إذا إجا دورات صراحة
                                                                   
بس بتذكر أنو دكتورة جوليانا جابت جداول فظيعة كلها معلومات من مادة التغذية
                                                                               
وتذكرت شغلة، الأرقام بمحاضرات دكتورة جوليانا لازم ينحفظو بصم، خاصة مكوّنات العسل

إجا بالفحص جدول كامل عنو

يا جماعة بخصوص الملازمة كيف و شو ندرس لأنو ضعنا باختلاف الآراء

حسب تجربتي و تجربة رفقاتي برأيي بكفيها 3-4 أيام

بتدرسي فيها دورات الملازمة والفحص الوطني بشكل أساسي و دورات تانية مشكّلة من المواد وبعدين شو ما لحقتي من دراسة ملخصات منيح...

لا تحملوا هم الملازمة لأنها ما بتخوف متل مو متخيلين
أنا وقتها توترت كتير و كان التوتر عالفاضي...
وكان في نسبة منيحة من الطلاب جايبين فوق ال 40 و أغلب العلامات كانت بين 35 -40

موفقين يارب