الحقيقة بطل القصة يللي رح أحكيلكون ياها بيكون خالها لوالدتي
الذي كان و ما زال معروف بينومو التقيل يللي مالو فيه منافس
هاد الزلمة الجيش تبعو صادف حرب اللبنان و هو كان قاعد مع باقي السكنة تبعو بقلب متل ملجأ أو خندق أو هيك شي و الضرب شغال
و إذ بينعس أخوكون بالله و بيقرر ينام!!
المهم هو و نايم بتجي قذيفة على الخندق يللي هو فيه و و بتضربو ....بيقول خالها لأمي(لما فقت و طلعت حوليي لقيت منظر بيخوف و صرت قيم لحم رفقاتي من على أواعيي....) تاري ما حدا نافد غيرو للشب!!
المهم الخبر يللي وصل لأهلو بالشام أنو أجت قذيفة عالسكنة تبع أبنون و ما نفد منها حدا
و قامت الأتراح و صار عزا رسمي...و الله ما بزل عليكون بحرف..
فلما دري خالها لأمي بالموضوع (بعد طبعا ما فلجون لرفقاتو لما رجعلون من عالم الاشباح..ههه)
وصى رفيقو أنو يروح لعند أمو لصاحبنا و يقللها انو هو حيٌ يرزق...و مشان تصدقو عطاه لرفيقو خاتمو ..مع العلم انو لما و صل رفيقو على بيت أهلو كان العزا بتاني يوم
جمع العيلة و حكالهون
ففركشو العزا و عملولو حفلة مطنطنة للصديق الصدوق يللي جاب الخبر
و لما أجا خالا لأمي ..كان يوم لا ينسى للحارة كلها....


العبرة ...انو يللي ألو عمر ..ما بتهونو شدة
أو متل ما بيقول بطلنا:عمر الشقي بقي

تابعونا مع مزيد من مغامرات خالها لأمي ....و دمتم سالمين
سلام

قصة جديدة عن جدي

هاد يا إخوة يا كرام في قديم الزمان كان السيد الوالد رايح مع
جدي لعند جماعة .. كانو معزومين عالغدا .. و بيحطو هالعالم أشكال
ألوان من الطعام .. أبي بوئتا كان عمرو بين ال 10 و ال 12 و الله أعلم ..
يعني لسة طفل .. مالو كتير بآداب الطعام خصوصا عند الغربا ..
بئى هالعالم احتفلوا فيون و سكبولو لأبي أكلة .. ما بعرف شو كانت ..
بس هوة ما بحبا .. ئام عزمو عليه الجماعة مفكرينو مستحي ..
و جدي ئلو كول يا ابني .. ئام أبي ئال و بصوت مسموع للجميع و بكل براءة 
: "إي ما بحب هالأكلة " .. للأسف يمكن ما لحئ يكمل الجملة
إلا و كان الكف على وشو .. و جدي عم يعيط عليه .. لأنو هي بنظرو ئلة زوق

و ئلو    : ((لما بتكون عند العالم لو بحطولك سم بتاكول من تم ساكت
فهمت ولا ؟؟)))

ئام أبي المسكين اضطر ياكول من تم ساكت حتى بكي ما استرجى يبكي
(( بزعّل .. ما هيك  !!  ))
و أبي من يوما .. ما استرجا يئول عن أكلة ما بحبا .. لا عند العالم
و لا حتى ببيتون

 

و توتة توتة .. خلصت الحدوتة

حكاية جدتي اليوم ما فيها بطل واحد مثل كل حكاية (سندريلا مثلاً) 

ياسيدي هذا زمان يعني ممكن 1950 يمكن قبل يمكن بعد "الله أعلم"
جدي وأخوانو الخمسة ورثوا شيء بيعمي القلب والبصيرة مع أنو كل واحد أخد حصتو
على أساس الشرع وما يكفي الكل (دكور وإناث وزوجتين)
تنامت العداء بين الإخوة بسبب المال
وما زاد حدة الخلافات قطعتي أرض تحسب بالهكتارات
قام جدي "على أساس هو الكبير " ببيعها وشراء قطعة واحدة وزاد على المبلغ من ماله الخاص وقام بتقسيمها على عدد الذكور أمّا البنات فكنّ متزوجات وحصتهن أخدنهن سيوله "نقدا"
لكن أشترط على الذكور أنه لا أحد منهم سيمتلك عقد الملكية إلا بعد حين هو يحدده وكأنهم يسكنون عند جدي
وافق الجميع فمنهم من بنى منزلا ومنهم من بنى إثنين وأغلبيتهم حولوها إلى جنة على الأرض 'مزروعات من شتى الأنواع'
ومع ذلك الخلافات مازالت قائمة
وصل الحال بهم حتى أنهم تفرقوا للعمل في محافظات أخرى حتى لا يلتقوا
لكنهم ملزومون بالعودة لرؤية أبنائهم
لن أدخل في التفاصيل أكثر لأن قلبي بدأ يؤلمني 
المهم الفاجعة الأولى صدمتهم حين وفاة أحدهم وهو بصحة وعافية وأمام أعينهم

هل تعلمون ماذا حدث بعد دلك
صدقوني ولا في الأفلام "MBC Drama"

تعانقو كلهم يبكون كالنسوة وكأن لم يكن بينهم شيء
وتعاهدو أمام الجميع (الأولاد) أن لا يتفارقو إلا لشئ قدره الله
وهذا ما حدث فعلا والكل من في البلدة يشهد لهم
يفرحون لبعض ويمرضون ويبكون ويغنون لبعض وكأنهم في عالم الأحلام
هل تعلمون آخرهم وهو أصغرهم سنّا سبب وفاته من بعد أجل الله هو حسرته على فراق إخوته وبقائه وحيد رغم كثرة الأبناء والأحفاد
و كأن عائلي تشكّل قرية بحد ذاتها 

المهم والحمد لله وصيتهم التي كانت على لسانهم وهم أحياء هي:
ضع يدك بيد أخيك ولا تتركها مهما حدث لأن ليس لك إلا أخيك
والحمد لله





بالمناسبة أهدي تحيتي إلى زرقاء اليمامة هي التي ذكرتني بهذه الذكرى
المؤلمة والتي تدعو للتفاؤل فنفس الوقت


وما تعلمت منها شخصيا أنه رغم ما حدث معهم لم يجدو إلاّ أحضان بعض
ولا ينفع لا المال ولا الجاه

هذه دعوتي للجميع


   

السلام عليكم ورحمة الله
اليوم حبيت أعلن عن الفائز بالنسبة لهذه المرحلة
وكما ذكرت سابقًا الأول هو من يحصل على عدد التقييمات الإيجابة من القرّاء والمشاركين
وكان الفوز من نصيب المبدع ........................ زياد  
           
   
         

ولك مني زياد كهدية جد معتبرة .................

إحزر ؟؟؟



رح أختار أحسن خمس مواضيع أو مشاركات وأقيمك عليها إيجابي
بحكم ليس لي الحق أو الصلاحيات لتقييم المشاركات أكثر من مرة


وأعلن أن الفائز بالمرتبة الثانية صاحب أكثر مشاركة بهاذا الموضوع
وهو .............  
عاشق فلسطيـــــــــن
     


 




أنا ؟........................ 
لا مو هيك ... أنا كنت حاسب أكون الأول يا خسارة
     

حسنا بما أني الفائز الثاني ؟؟ من يهديني هديتي ؟؟ 
أأووووووآآآآآآآآآآآآ      

لا عليكم .... معتاد على "أجرك على الله" 
والحمد لله



والفائز الثالث هو
$3N3$C3NT

ولها مني 3 تقييمات إيجابية في أفضل موضيع أو المشاركات
     

أما البقية
حبيبة ولها كل التحية
الناي الحزين
رورو
سجود

فبتشكرهم كثيييير وأتمنى يستمرو معنا






   

   

   



   

طيب شو الجوائز و الهدايا ؟؟؟؟

باركولي يا جماعة

و مشكور كتير عاشق فلسطين

   

استاذ عاشق فلسطين ....كتر خيرك و لا تخاف هديتك محفوظة و من عيوني
و الف مبروك لباقي الشباب و الصبايا و  شكرا لكل مين عجبتو قصتي و لكل مين ما عجبتو (و على فكرة رح روح اليوم بوسو لخال والدتي ... بيطلعلو ..هههه)
و سلامي للجميع

وها قد أتممت تقسيم الجوائز على الفائزين كما وعدت
والعاقبة للبقية إن شاء الله
وأتمنى أن يستمر السباق ونكتشف أشياء جديدة مفيدة ومعبرة


وأعلن من هنا بداية المرحلة الثانية
   

على بركة الله


   

عاشق فلسطين ،، فكرة بجد رائعة ...
والفوائد المستحصلة منها شتى ،، لكن اذكر منها :
*تنشيط الذاكرة والعودة بها للماضي .
*عيش اللحظات المنسية والحنين لها .
*استرجاع الحكم واعادة النظر فيها .
*الاستفادة من تجارب الأخرين وتجاوز اخطائهم .

وأبدأ روايتي بموقف حصل مع جدي حفظه الله ، حيث كان صاحب معمل وعنده الكثير من العمال .
فمرة أخطأ أحد العمال وخرب الآلة التي يعمل عليها ، انتاب جدي الغضب لإهماله لكن تمالك نفسه وماكان منه إلا أن قال له : "ياحــبــيــبـــــي انتبه في المرة القادمة "
فهب العامل قائماً وانتفض بوجه جدي قائلاً : " اقتلني ولاتستخدم اسلوب حبيبي"

حينها (ع قولة ماكذب خبر) ماكان من جدي إلا أن رفع يده وصفعه ذلك الكــــف !!!!!

فجمد العامل وارتبط لسانه وأخذ يحدق بجدي والصدمة ظاهرة علي وجهه ،، وعم المكان صمت واستغراب من تصرف جدي المعروف بأنه لم يضرب أحدا قط ..

فقال جدي : اذا اكرمت الكريم ملكته واذا اكرمت اللئيم تمردا ،،،،، وأنت لئيم ولاتستحق مني الا الالم ..


واللي استغربته انو فعلا في هيك ناس مابيلبقلها الكلام الحلو والتعامل الحسن وكأنو بيهينها اكتر من الضرب 

وفعلا لازم تعرف الوجه التاني حتى تقدر اللين ....


بتمنى تستحصلوا المتعة والفايدة من قصة جدو ^ـ^ ،، وبشكرك مرة تانية عاشق فلسطين ..

حكاية عن ذكاء جدّي ( رحمه الله )

في يوم من الأيام , وبينما كان جدّي جالساً أمام منزله , في ساعة

متأخرة من الليل ...

فجأة ,  لا يجد أمامه إلا ( حرامي ) يعني سارق وبيده سكين

( يعني زمان كانوا على الوسائل البدائية , ما في مسدسات بشكل كبير )

, ويريد أن يدخل إلى بيت جدي ليسرق ويأخذ ما يريد ,

ونحن نعلم أن البيت يوجد فيه نساء وأطفال ولا يمكن بأي شكل من

الأشكال أن يسمح لهذا السارق أن يدخل إلى  المنزل ...

فماذا فعل جدي حينها ؟؟؟؟؟؟؟ .....؟؟؟؟

ببساطة ...

بينما كان جدي واقفاً وجهاً إلى وجه مع هذا السارق

رفع جدي صوته قائلاً :

محمد امسكوا ....امسكوا ...واشار إشارة بيده...

قام الحرامي فكر أنو عن جد في شخص ورا اسموا محمد , وبدوا يمسكوا

قام الحرامي هرب , وصار يركد على غير وعي ...

مع أنو لا كان في محمد ولا أحمد ولا هم يحزنون ...

وهيك خلص جدي من الحرامي بأبسط وأسرع الطرق ...

بنستفيد من هالقصة أنو الواحد لازم دائماً يشغل عقله ويعرف كيف يتصرف ...

ولازم ما يستسلم فوراً من دون أي محاولة ....

وشكراً أخي عاشق فلسطين على هذا الموضوع ...

وحفظ الله فلسطين وأهلها من كل سوء ...وحفظ الله بلداننا العربية

من كل سوء ...تقبل مروري ..

وإن شاء الله تكون قصة جدي عجبتكن واستفدتوا منها ..

وإن شاء الله تكون توضحت بشكل صحيح ...

فكرة بجد رائعة
,وفيها من النفع الكثير

كالاستفادة من تجارب الأخرين وتجاوز اخطائهم

رح حاول أشارك بقصة ظريفة بما أنو أعجبني الموضوع لكن ليس الآن
ترقبوني
هههه


^_^