خمسة قراصنة أعمارهم مختلفة لديهم كنز من العملات الذهبية " 100 "  قطعة نقدية ، هم الآن على سفينتهم و في عرض البحر .

قرروا تقسيم القطع باستخدام هذا النظام :

أكبر القراصنة سناً يقترح كيفية اقتسام القطع النقدية ، و جميع القراصنة (بمن فيهم ذلك الأقدم سناً ) يصوتون لصالح خطته أو ضدها .

إذا صوّت " 50 بالمئة "  أو أكثر من القراصنة لصالح الخطة ، عندئذ يتم التقسم وفق هذه الخطة ، و إذا كانت التصويت ضد الخطة ، يتم الانتقال عندها إلى القرصان الذي يليه في السن و هكذا .

و كما كلنا يعلم أن القراصنة  جشعون و متعطشون للدماء ، لذلك أضافوا إلى نظام التقسم السابق " بنداً " يقول : إنّ القرصان الذي اقترح خطة للتقسيم و فشلت خطته " لم تحصل على موافقة 50 بالمئة " فإن هذا القرصان سيتم إلقائه في البحر لتأكله أسماك القرش .

ما الذي سيحدث ؟؟؟؟

بانتظار آرائكم .

والله مخي مسكر هالايام

بس بظن انو كلن حيموتو وماحدا لح ياخد الكنز

ولو......نحنا أدرى بالطماعين

   

هلأ أنا رح أتوكل على الله و حط الجواب يللي طلع معي
بس ما بعرف اذا صح
انا بقول انو أول واحد اقترح التوزيع حسب العمر و يللي اكبر شي بالعمر بياخد اكتر شي و هكذا
و طبعا ما عجب حدا هالحكي و زتوه بالبحر
و التاني بعد ما صار هو الاكبر بين الموجودين لقى انو يللي حكاه يللي قبلو صار بيصالحو
قام طرح نفس الفكرة قام ما عجبهون للباقين و زتوه للتاني
و نفس القصة مع يللي بعدو
فما ضل غير اتنين
هلأ أول شي كانت نسبة المعارضة 80 %
و تاني شي كانت نسبة المعارضة 75 %
و تالت شي كانت نسبة المعارضة 66 %
بس لما صفي اتنين فالقرار يللي رح يطرحو الرابع هو يللي بدو يمشي لأنو يكفي انو يوافق هو لحتى تصير نسبة الموافقة عالقرار تدخل ضمن مجال 50 % أو أكتر !!
فهون هو بينحط قدام طريقين
أما انو يعمل بقانون رفقاتو يللي انزتو بس هالمرة بيمشي القرار و بياخد هو الحصة الاكبر و بيترك للصغير الحصة الاصغر
أو بيقرر انو هو بدو  ياخد كل الكنز و ما حدا بيحاكيه لأنو هيك القانون بيسمحلو
لهون خلص جوابي
بس انا بقول انو آخر تنين بيتقاتلو و بيموتو بعض و بتغرق السفينة و بيرجع الكنز لعمق البحر و ما حدا بيستفاد منو...ههههه...بانتظار الجواب انا ..شكرا على هاللغز...سلام

أنا بوافق زياد باللي قالو

جوابو علمي اكتر بس النتيجة نفسها

بس والله زعلت عالولد يلي عم يدحكل عالدرج

بالصورة تبعو

ايمتى بدو يوصل لآخر الدرج؟!!

حراااااااام

   

سوسو ,,,,,,, كلنا هالأيام تعبانين و ما إلنا خلق نفكر ... طبعاً يمكن لأنو بطلنا من الجامعة و صرنا بعيدين عن الدراسة و التفكير .


صديقي زياد ,,,, هلأ قصة إنو أكبر واحد اقترح إنو التوزيع حسب العمر ,,,,, هاي القصة هنا متفقين عليها قبل التوزيع ,,,, و هادا أصل نظام التوزيع .
لو رجعت لنص اللغز :
" أكبر القراصنة سناً يقترح كيفية اقتسام القطع النقدية ، و جميع القراصنة (بمن فيهم ذلك الأقدم سناً ) يصوتون لصالح خطته أو ضدها " .
طبعا حلك مو صحيح .

أنا عند هواية من أنا صغير إنو بحل ألغاز ,,,, بس هادا اللغز بالذات جنني لحليتو بعد تفكير طويل ,,,, و اللي شفتو أخي زياد إنو إنتا عندك الهواية نفسا .

جرير ........ شكرا على المساهمة .

حط الحل أو نستنى حدا يحلو ؟

شكلن رح يضلو يزتو واحد ورا التاني بالبحر


لحتى آخر واحد ياخدن

بس جد صعبة


ولا مرة جربت حل لغز

أنا بقول بما انو اللي رح تفشل خطته رح يزتو بالبحر معناها كلن رح يموتو لأنو مارح يتفئوا على رأي وبيبقى الكنز !!!
بس دلوني ع المكان مشان اجي ساعد مو أكتر ::-::
هههههههه

  ربما يقترح الاكبر سنا  توزيع الكنز  بين الثلاثة الاكبر سنا  بالتساوي

ويقوم الثلاثة بالتصويت لصالح القرار .....................

شكراً على المساهمة ,,,,, أول شي " 100 " قطعة نقدية ما بتوزعو على 3 بالتساوي .
تاني شي و الأهم إنو متل ما ذكرنا " القراصنة عندون جشع " ,,, و بحسب ترتيبون كل واحد رح يدور على طريقة ياخود فيا أكتر شي مع ضمان إنو بدو يظل عايش .