شكراً لكل من شارك .
طبعاً أنا ذكرت سابقاً إنو هاللغز بالذات إلو نكهة خاصة ,,,, فهو بيعتمد على المحاكاة المنطقية .
مشروع " قرار التقسيم " رح يطرحو الكبير بالأول ,,,, و يا إما بجهضوه أو بمشي حالو .
هلأ لحتى يمشي الحال بدو لسا صوتين و مع صوتو بصيرو تلاتة و بحققوا هيك نسبة الخمسين بالمية فما فوق ,,,,,, فاللغز هلأ مين هنا الصوتين اللي مو من مصلحتون أبداً يجهضوا القرار ... يعني الكبير عم يدور ع هدول الصوتين .
مشان التبسيط رح نسميون من الكبير للصغير : ق1 ، ق2 ، ق3 ، ق4 ، ق5 .
ق1 ما رح يعطي ل ق2 شي لأنو ق2 من مصلحتو يجهض القرار مشان يستلم القصة من بعد ق1 .
ق3 ما إلو غير هالفرصة هاي ,,,, لأنو لو تم " إجهاض " مشروع ق1 ... وقتا رح يستلم القصة ق2 ، و ق2 مانو مجنون ليعطي شي ل ق3 ,,,,, ليش ؟ لأنو بعد ما يستلم القصة ق2 فخطة التقسيم اللي رح يحطا لسا بدا صوت بس مع صوتو ,,,, أي و هو مانو مجنون لحتى يسلم رقبتو ل ق3 اللي فيو يجهض القرار مشان يستلم نظام التقسيم بعدو .
يعني ق1 بيعطي قطعة نقدية وحدة ل ق3 .
لسا ق1 بدو صوت مشان يمشي قرارو ,,,, الصوت هو ق5 .
لأنو ق5 ما بيطلعلو ياخود إلا من ق1 أو من ق3 .... و هو مانو متأكد بنوب إنو ياخود من ق3 ,,, لأنو لو استلم القصة ق2 بعد رمي ق1 بعرض البحر ,,,, ق2 رح يمشي قرارو بمساعدة صوت واحد هو ق4 ,,,, ق2 ما بسلم رقبتو ل ق5 لأنو ق5 رح ياخود القطعة من ق3 إذا تم إجهاض خطة ق2 ..... إذاً ق5 هو الصوت الأخير الداعم لقرار ق1 .... لهيك بيعطيه قطعة وحدة .
معناتو التقسيم بكون من الكبير للصغير : 98 .... 0 ... 1 .... 0 .... 1
لغز ,,,,,,, أظنه بحاجة إلى تفكير
