معارض للعضم


طبعاً يا سيدي رح يكتر الحكي من أطراف النظام ومن أطراف بعض المؤيدين لبقاء النظام لأفكار ايديولوجية متطرفة وبقصد هون نزار نيوف...بكل صراحة ووضوح نزار نيوف مع انه عانى من نظام الاسد الاب ما لم يعانيه إلا قلة قليلة من الشعب السوري لكن بالنسبة اله بقاء النظام السوري أفضل من صعود الاسلاميين للسطة متل ما صار بتونس او مصر او المغرب..لذلك رح تبع رواية النظام اللي متأكدين انها رح تجعل منه شخص فاسد مطرود منحرف الخ الخ الخ.... مع انو الننظام السوري درس ملف كل شخص من المراقبين ووافق عليهن واحد واحد...

هاد يلي مجنني أكتر شي ...
نزار نيوف وهيثم مناع ...

على كل ما بدي حول مسار الموضوع ...

كل الشكر لأنور مالك لأنه ببساطة  "انسان" ...

والله الواحد ما بيعرف أشو بدو يحكي

الله يجزيه الخير

وبعد ما طلع وحكى أشو رح يصير

ما رح يصير شيء

تعبنا يا الله دخيلك مالنا غيرك

مشتهي حدا يفشلي خلقي بابن *****

يا الله عجل فرجك يا الله

يا الله عجل نصرك يا الله

طيب شو مشان هالحكي :



-

- دخلت بابا عمرو والخالدية والسلطانية وباب السباع روأيت مشاهد يندى لها الجبين
.. رأيت جثثاً معذبة مسلوخة وأطفال قتلوا !!
-----------------------------------------------------------------------------------
طيب معقول النظام يقتل اطفال و ناس و يخللي جثثهم موجودة عالأرض .(فرضاً)



- تم قنص الأشخاص أمام أعيننا من أتباع النظام !
----------------------------------------------------
كمان نفس الشي ...معقول النظام يقتل الناس قدام اللجنة ( فرضاً)





- تعرضت حمص للقصف بالأسلحة الثقيلة وشاهدنا أثر ذلك على البيوت والمباني
السكنية .
--------------------------------------------------------------------------------

طيب شو بيأكدلوا أنو هالقصف من النظام و لا من مجموعات تانية ....ما هو اجا و شافها و كانت معرضة للقصف .



- تأكدت ان النظام قام بإحضار أشخاص موالون له إلى السجون ليقول انهم
مساجين وعمل مسرحية امام اللجنة .

---------------------------------------------------------------------------------

شلون تأكد ....مو مشان شي ...بس مشان مرة تانية




- لم يقم النظام بسحب الحواجز العسكرية إلا الحواجز التي هي امام الجيش الحر
والتي يعتقد النظام انه لا مصلحة له امام وجودها .

-----------------------------------------------------------------------------
طيب ليش ما الو مصلحة




- تعرضت لمحاولة اغتيال يوم الأمس في طريقي من حمص إلى دمشق !!
------------------------------------------------------------------------------

بس ما ذكر من مين ..؟؟؟؟؟

يلي ذكره المراقب صحيح تماماً

نظام ما بيعرف حتى الله

استباح كل الحرمات بلا استثناء

ما بدنا مراقب حتى يخبرنا شو عم يصير  بعيد عن الإعلام نحن شفنا بعيونا كيف

بيقتلوا الناس  المدنيين وبقولوا ارهابيين ومسلحين  ،اساساً  اجرام النظام أدى

لظهور بعض العناصر المسلحة الحاقدة عليه ولكن هذه العناصر المسلحة محدودة ولا

تملك غطاء وهذا ما ذكره الفيلسوف الممل في خطابه (وشهد شاهد من اهلها)  اما

بقية الناس بمعظمهم الذين تسفك دمائهم  هم مدنيون  او عسكريون انشقوا نتيجة ماشهدوه من اجرام لهذا النظام المتأله

لعمى بيقتلوا القتيل وبيمشوا بجنازته ببراءة وإذا ما قدروا يمشوا بجنازته بيتهموه بالارهاب وحمل السلاح لتضليل الرأي العام

انور مالك بنظركم كاذب والمفتش الأول محمود حمد ايضا كاذب بنظركم وكل من تحدث ضد الجلاد كاذب وفيديوهات القتلى مزورة والنقل المباشرر للمظاهرات يتم في استديوهات قطر وكله كاذب والإعلام السوري اعلام السلطة الذي لا يتجرأ ان يتفوه بنقد ضد الجلاد هو الصادق

واسفاه عن من صم اذانه عن سماع الحقيقة لمصالحه الشخصية واسفاه عن من غض طرفه عن احرار تقتل وبيوت تنتهك حرمتها واطفال تعذب ومساجد تحاصر وجلس يتابع اعلام السلطة ومسلسل كشف الحقائق الذي يستهزء بكل طقطقة ومياعة بدماء الشهداء والجرحى من المتظاهرين

نحنا عنا هون بسوريا مافي شي

انتو افتحو عالقناة السورية الظريفة وبتشوفو أنو الحياة طبيعية

وخصوصا بعد صلاة الجمعة

يعني أنا بس بدي أفهم إذا لم تغضب لهذه الدماء التي أسيلت

وهذه الأعراض التي انتهكت

وهذه الحرة التي اغتصبت

فمتى تغضب 

أعندما ينقص الملح في الطعام؟؟؟؟؟؟؟؟؟؟؟؟؟؟!!!!!!!!!!!

مشكور أخي  الرسم بالكلمات

يا أخي هي مقابلة الكل شافها وبعدين بيجي واحد مو عاجبو الأمر بصير يستهزء  مفكر حالو كتير مهضوم ومباشرة بحولها مؤامرة


بالنسبة لهيئة التنسيق طول عمرهم موشاطرين غير بالحكي ما بيعطونا غير كلام فارغ
طول عمرهم ماحدا سامعهن من النظام
هلأ وقت صارت الثورة فكروا حالهن لهم وجود
طبعاً الكل مرحب به للإنضمام بركب الثورة لدى الثوار  بس الهيئة بدل ما توقف مع الثوار صارت بدها توقف بوجه الثوار
لا وبدهون يقودوا الثورة على عقليتهم المتحجرة التي لم تنفعهم من 40 سنة
وهم ليس لهم قاعدة جماهيرية  أصلاً
مع إحترامي لكل شخص أنا لا أقصد الإساءة لكن فقط إختلاف في الأراء
                                                                                   
                                                                                          وشكراً للجميع .

معقول ما ذكر شي عن المبلغ يللي فبضوو ؟؟
بعدين اخي العزيز الرسم بالكلمات بدي اسالك سؤال انا ساءلك يا قبل بمرة بس ما جاوبتني بركي هون لانو الموضوع الك بترد ...
فيك تخبرني ليش ايران اشد عداوة لنا من اسرائيل؟؟؟!!!
مع انو ما بدي ياك تفكر انو انا (ايرنجي) بالعكس تمام ماني متشردق بالايرانيين ولا بحبكجون بس حبيت شوف شو هوي الشي يلليي زاعجك منون تحديدا

يعني باقي المراقبين صاروا شبيحة هلأ للنظام وقبلانين
ياي شو ظراف هالمراقبين
وبس هوة إدر يشوف كل هالشي والباقيين ماإدروا
يعني كلن خونة وبايعين لضميرن وهوة بس الشريف
مع إنو كلن حالفين عالقرآن
سبحان الله
على كل حال الله يحمي سوريا من كل متآمر
وينتقم من كل كاذب ومن كل واحد بيشهد شهادة  زور
آمين