مبارح أجت الكهربا و ياريت ما اجت....

لأن اجت خفيفة كتير يعني اللمبة صارت يادوب شمعة...شعلنا الشمع مشان ندرس حتى و هي جاية...؟؟؟؟؟

شو مشاااااااااااان...اذا بدون يجيبوا خفيفة ايه لا خليا مقطوعة أحسن

والله بعرف انه نحنا منصدّر كهربا للدول القريبة!!!!!

مو قصة تصدير هي اتفاقية مشتركة بين سوريا والاردن والعراق وتركيا وفي بلد خامس ما بتذكر شو هو...يعني اتفاقية لتبادل الاستطاعة بين هالدول حسب وقت الذروة ومعدل الحمل اليومي المختلف بين بلد وبلد....

انقطاع الكهربا لعدة أسباب اول شي بمثابة عقوبة جماعية للشعب بهذف الاذلال...انو السلطة تقول للشعب هي انا سبب حياتكن وموتكن ( متل النمرود لما قال أنا أحيي وأميت ) يعني نوع من مسلسل الاخضاع المستمر من أربعين سنة بسوريا والسبب التاني انو معظم محطات سوريا حرارية وبالتالي لازمها وقود والوقود استهلكته الدبابات بشكل غير طبيعي فكانت الدبابات من الاسباب الرئيسية لانو ينسحب الوقود من بيوتنا..يعني عمننقتل بدباباتنا ووقودنا !
وطبعاً هالانقطاع بيدل على غباء مطقع عند النظام لانو لهلق ما عرف انو هالشعب ما بيركع مهما عاقبو...

هذه علامات الحضارة , في القرن الواحد و العشرين  سوريا
بلا كهرباء أو غاز أو مازوت
وتنكة البنزين 1000  لمتوسط دخل المواطن  في الشهر 10000

اييييييييييييه الله بعين

و الله يفرجها عن قريب 

مالنا غير الدعاء 

يا الله مالنا غيرك يا الله

الكهربا ما عم تشعل إلا بعد منتصف الليل
اي لعما صاير ليلنا نهار و نهارنا ليل
بس حضراتُن اليوم ما قطعولنا الكهربا مشان نشوف خِطاب سيادتو على شاشات التلفزة
و باقي الأيام طول النهار مقطوعة , طيب يقطعوها بالليل بدل النهار , شو فارقة معُن ماكنت أعرف

حسبي الله ونِعم الوكيل

بسمة الفجر اهلين حبيبة قلبي شتقتلك كنير و هداك اليوم ما حسنت ضل بربك لا تزعلي

سلميلي ع الكل يلي بتشوفيهم اي

نحنا بتنقطع كل يوم من 5 المغرب ل 7

و احيانا ما بتنقطع أبدا

أو ساعتين فقط

نحنا الحمد الله من جمعة عم يقطعوها ساعتين أو تلاتة موأكتر وبوقت واحد من الساعة وحدة للساعة 3 او 4..

و نحنا كمان اليوم ماقطعوها مشان نسمع هالدرر يلي بتخلي الواحد.... ولا بلاها مشان مايتغير مسار الموضوع..

وزيرة اهلا وسهلا ولا يهمك حبيبتي أنا مازعلت بس كنت مشتاقتلك وحبيت سلم عليك وخلص تكرم عينك سلامك بيوصل للكل إن شاء الله انتبهي على حالك اي..

تذكرت شغلة في ناس بعرفون من ريف دمشق حمورية وحرستا اللكهربا احيانا ماعم تجي عندون أبدا ومن فترة الكهربا بقيت مقطوعة عندون اكتر من جمعة وفي ناس كبت المونة يلي بالثلاجة لأنها انتزعت..

بس بإذن الله الفرج بات قاب قوسين أو أدنى يعني هانت كتير..

ياالله مالنا غيرك ياالله..

كهربا
كهربا
كهربا
كهربا
سمعان هالكلمة بس وين ؟ ؟ ؟ ؟