لك اي اي صحي تزكرت موقف على سيرة السرافيس

ئال هادا مرة كنت بدي ارجع عالبيت من بيت جدي .. و كنت لحالي

وئفت سرفيس و للحظ ما في مكان غير ئدام .. اضظريت اطلع مشان ما يتأخر الوئت

و أنا أول مرة بطلع ئدام .. يعني ما بعرف شلون بيتكمشوا و بيطلعوا بيعدو .. ئام اجيت اتفصحن و بكل سقة فتحت الباب و اجيت بدي اطلع .. طبعا طلعت بصعوبة بالغة

متل الختيارة .. و الأحلى تروح تنبحت الشنتاية بالأراضي و ما صفي شي بئلب الشنتاية

و العمو يئلي على مهلك .. و نزلو يلمو معي لغراض .. لأنو شي وئع بئلب السرفيس و شي وئع برا .. و خدو بئى على لم غراض عند ساعة المسا

عن جد عن جد .. كرهت اللحظة اللي وئفت فيا السرفيس و القرار اللي طلع براسي اني اطلع جنب عمو الشوفير

   

السلام عليكم و رحمة الله و بركاته

أولاً : الله لا يخجّل حدا لأنو و الله شي محرج

يوم من ذات الأيام كنت ماشي بمساكن برزة أنا و صاحبي

و كان واحد ماشي قدامي و كان بيشبه واحد بعرفو

من كتر ماني منيح ضربتو طيارة قوية من قلبي على أساس إنو صاحبي

قام دار لعندي و هو مصدوم و أنا عم اضحك

و بعد ما فرطت من الضحك اكتشفت إنو هاد مو رفيقي يلي أكل هالطيارة القوية

 و كانت لح تصير مشكلة بس الله ستر 

 و اعتذر من الزلمة و مشي الحال

فائق الاحترام و التقدير

يالطيف شو حلوة هالمواقف بتجنن

والله فرطت من قلبي ضحك عليها شي بضحك فعلا كل موقف بضحك اكتر من التاني

بس انا ما بذكر انو صار معي موقف محرج والله عم اذكر ما عم لاقي شي

اذا لقيت بجي بكتبو دغري

 يا ريت انشقت الأرض و بلعتني

في بجنبنا مطعم فلافل و بالعادة انا و الشباب تبع المطعم منمزح مع بعض و في فتحة واطية بدو الواحد يطخي لحتى يدخل لجوا و كل ما حدا لئط واحد من الشباب عم يدخل أو عم يطلع بياكل رفسة

و بصير وحدة عليه أم واحد من الشباب علم علي و شاطني ألتلو رح ردلك ياها

انتظرت ليوم شفتو طلع برات المحل ألت أكيد رح يرجع و رح ردلو ياها و بعد شوي لمحتو جاي نطرت لفات على المحل فتوجهت بسرعة وراه و مستعجل هو طخى ليفوت لجوا و رحت أدحتو هديك الشوطة أم طلع زلمة عمرو شي أربعين سنة ومات الجميع من الضحك

اااااااااااه لو انشقت الأرض و بلعتني

هههههههه

موقف اللي لا يدوئوا لحدا

بأول سنة الي بالكلية .. كنت عم بحضر المرسم 19 اللي قبل

النجوم بشوي .. و محاضرة عبد الحق .. ري 1.. كان جاييني احساس

وئتا باني مروئة .. و استمريت بجدبة الاحساس

طلعنا من الدرس .. و زمرتنا كان جزء كبير منها شباب و البنات كم وحدة

و لما اجيت انزل عالدرج .. و بسبب جدبة الاحساس يمكن

مدري شلون زحطت عالدرجات نزلت عالقاعد متل

ألعاب تيلي ماتش ... شو سبب الزحلطة المبهم !!!؟؟

و الشباب كلللللللون عالدرج

(( الله ))

" الله يجيرك "

" بسم الله عليكي "

" يا ساتر ""

" صرلك شي "

ولييييييييييييييييييييييييي وئتا شو موقف بايخ و غلييييييييييييييييييظ

و غمضت عيوني لحتى راحوا الكل مشان ما شوف حدا

ولي ولي شو اختجلت

منيح اللي ما كانوا رفئاتي معي كان جرصوني

بجد المواقف المخجلة بضحك وبتزعل بنفس الوقت
انا هاصيفية صار معي موقف لا احسد عليه ابدا كنت انا ورفقاتي راجعين من المعهد بالصيفية يعني الكلية مسكرة وكانت كل علاماتنا طالعة والمعهد بجنب الكلية واذ برن موبايلي ومين اللي عميعلم واحدة من رفقاتي اللي ماني كتير صحبة معها المهم مسكت موبايلي وقلت فلانة عمتعلم غريب ورجعت حطيتو بالشنطة قام رجعت علمت رجعت طلعتو قلت خير انشا الله هي ما بتتذكرني الا اذا كان بدها شي وما شا الله حولها عمتعلم لارجع دقلها ما فشرت ورجعت حطيتو بالشنطة وانا عمقول اسمعتو شي ما اسمعتوا وفجاة وبنفس اللحظة حدا بيمسكني من كتفي بدير وشي بلاقيها البنت اللي كنت عمبحكي عنها راكضة ورانا هي واخوها وبدها تسلم علينا  الحلاوة انو هي البنت مو ساكنة هون بالشام فاني شوف كان امر مستحيل
وقتها فعلا تمنيت الارض تنشق وتبلعني لانو اكيد سمعتني       

حلو كتير الموضوع وبدوري كوني كتير بحب المزح والمقالب صاير معي كتير مواقف بس اطرفها من شي سنة كنت راجع من روسيا وبس فتت على القاعة بقلب المطار شفت صبية دايرة ظهرا قام افتكرتا خالتي الي ع أساس جاي مع اهلي ليستقبلوني وانا فورا وبكل خفة ركضت ناحا وحضنتا وانا عم قول سوربرايز والبنت لما التفتت ناحي مرعوبة صاحت مين انت     وكانت طبعا مو خالتي بس بتشبها شوي قام انا فورا اداركت الموضوع وقلتلا كانت معك الكاميرا الخفية ههههههههههه

                   


                 

                     

;          


                   

مرة كنت عند قرايب الي وكانوا كل النسوان بالمطبخ سوا
اجت سيرة الزواج
كان ضمن الموجودين واحدة من ضيعة قريبة بيجيبوا ولاد كتير ولنفرض اسمها "لندن" 
اجت واحدة قريبتي قالت انو لو كانت متزوجة كان عندها "عر ولاد"  قلتلا: " اي شو لندنية انت؟" بطريقة ساخرة ونسيت انو هي المرة موجودة
قالتلي اللندنية:"ليش شبهن اللندنية؟!#&%&^%#^&"